मर्कूस 8:33 - Sunuwar Bible

³³ मिनु येसु हिरशा, अर्को शेंसीबपुकी गे कोव़शा “ए सैतान, इ कुल मकोंइदी। परमप्रभु यावे आ मिम्‍शो ममाइ, मुर आन देंशो नेंबाक्‍ते” दे पत्रुस कली हुइक्‍ता बाक्‍त।

मर्कूस 8:33 ပူးပေါင်းရင်းမြစ်များ

२ सामुएल 19:22

तन्‍न दाऊदमी “सेरूयाह आ तौ, गे आं कली काइ मगारब मुर बाक्‍नीसी। गे मुलाक्‍ती आं जोरी सत्रु दुम्‍तीसी? मुलाक्‍ती इस्राएलमी तेकोइ मुर साइक्‍चा मदुम्‍ब। मुलाक्‍ती गो इस्राएल ङा पिप दुम्‍ती, दे गो मतुइक्‍नुङा ङा?” देंमाक्‍त। २सामुएल १६:१०

अय्‍युब 2:10

तन्‍न अय्‍युबमी “गे मूर्ख मीश मुर खोदेंशो पा लोव़ पाप्‍तीवी। परमप्रभु आ गेशो रिम्‍शो चहिं ताक्‍शा, मरिम्‍शो चहिं मताक्‍चा ङा?” दे मदा बाक्‍त। मेको लोव़ नेल्‍लेम अय्‍युबमी मारेइ पाप मपवा बाक्‍त। अय्‍युब १:२२

भजन संग्रह 141:5

ठीक पाइबमी आं कली तुप्‍‍यील। मेको आं शिशी बाक्‍ब। मेकोमी आं कली हुइक्‍तील। मेको आं पियाम लुक्‍शो तेल खोदेंशो दुम्‍ब। तन्‍न इन अरेशो मटीब आन तेल आं पियाम मलुम्‍सेक्‍ल। मो हना यो गो मेको आन मरिम्‍शो पशो आ पर्बम पुंइना पुंइन बाक्‍नुङ। लेवी १९:१७; हितोपदेस २७:५-६

लेवी 19:17

गे इन लोक्‍ब कली काइ मदाक्‍ब मदुमीन। इन नेक्‍था ङा मुर कली रिम्‍शो पा मोदेंशो दूली गेय मपने’ दे लोव़ पने। मो मपाइतीनी हना, गे पाप राइनीनी। भजन संग्रह १४१:५; मत्ती १८:१५

मत्ती 15:23

मिनु येसु सिक्‍सी पा बाक्‍त। मिनु शेंसीबपुकीमी “एको मीश मुरुम रेयके पना पन इं नोले खोइश्‍शा पिन पिन बाक्‍ब। एको कली सोइक्‍तीने” देंतेक्‍म।

मत्ती 16:23

मिनु येसुमी नोले हिरशा पत्रुस कली कोव़शा “ए सैतान, इ कुल मकोंइदी। मारदे हना आं लां तेक्‍ब बाक्‍ङे बाक्‍त। गे परमप्रभु यावे आ मिम्‍शो मपथु, मुरुमी मिम्‍शो लोव़ कका पाप्‍तीवी” दे हुइक्‍ताक्‍व।

मत्ती 4:10

मिनु येसुमी “लावो, सैतान। मारदे हना ‘परमप्रभु यावे कली ला सेउ पावो। मिनु ठेयब सेलो’ देंशा ब्रेक्‍शो बाक्‍ब” देंमाक्‍त। ब्‍‍यवस्‍था ६:१३

मर्कूस 3:34

आ नेक्‍था निश्‍शा बाक्‍ब आन कली कोव़शा “एकेर बाक्‍ब आं ममा नु आ लोक्‍बपुकी नम।

मर्कूस 3:5

मिनु सिक्‍सी पा बाक्‍शो तशा, आ थुं खाइश्‍शा गाइश्‍शा, मेको आन कली का का पा कोव़शा, गुइ सोव़शो कली “इ गुइ दिंदो” दे मदा बाक्‍त। मिनु मेकोमी गुइ दिंसेनु सामाक्‍त।

लूका 22:61

मिनु प्रभुमी पत्रुस गे हिरशा, मिक्‍च मयाक्‍थु कोव़ङा बाक्‍त। मिनु पत्रुसमी “सुनी कना भाले ग्रीचा ङोंइती खेयप सां ‘मेको कली मतुइक्‍नुङ, सु बाक्‍मे’ देंनेवे” देंशो प्रभु आ लोव़ ति फ्रुक्‍गा बाक्‍त।

लूका 4:8

मिनु येसुमी “परमप्रभु यावे आ लोव़मी ‘परमप्रभु यावे कली ला ठेयब सेलो। मेको कली ला गेय पावो’ दे ब्रेक्‍शो बाक्‍ब” देंमाक्‍त। ब्‍‍यवस्‍था ६:१३

लूका 9:55

तन्‍न येसुमी मेको आस गे हिरशा हुइक्‍तीम्‍सी बाक्‍त।

१ कोरिन्‍थी 5:5

मेको मुर कली सैतान आ गुइम गेचा माल्‍नीनी। मेको आ रां खतम दुम्‍त हना यो, प्रभु आ निसाफ नाक्‍तीमी ब्रोंइचा तवल। १तिमोथी १:२०

फिलिप्‍पी 3:19

नोले मेकोपुकी जाम्‍शा लाइनीम। आन कोव़ज कली परमप्रभु यावे क्‍येङा ठेयब बाक्‍ब, दे मुने पचा ङा गेयमी आंम कली ठेयब सेल्‍सीशा, आन थुंमी रागी ङा माल्‍शो ला मिम्‍नीम। रोमी १६:१८

१ तिमोथी 5:20

सु मरिम्‍शो पना पन बाक्‍मे, मेको कली थमा सुइक्‍ब आन ङोंइती हुइक्‍तो। मिनु मेको नेंब नेल्‍लेमी मरिम्‍शो पचा हिंनीम। गलाती २:१४; मत्ती १८:१५-१७

तीतस 1:13

मेको आ देंशो थमा बाक्‍ब। मोपतीके गे मेको आन कली शुश अरेवो। मोपा ला आन थमा सुइक्‍तीके ठीक दुम्‍ने चाप्‍ब। २तिमोथी ४:२

१ पत्रुस 4:1

दोपा ख्रीस्‍त रागीम बाक्‍शा, श्‍येत जवा, मोपा गो नेल्‍ल श्‍येत जचा माल्‍नय, दे मिम्‍तीन। सु सु रागीमी श्‍येत जाइनीमी, मेको मरिम्‍शो पतीक कली प्रोंइने थुम्‍शो बाक्‍नीम।

१ यूहन्‍ना 2:15

गेपुकी रागी नु रागी ङा थोव़क कली मदाक्‍तीन। सु चहिं रागी कली दाक्‍बा, मेको आ थुंमी इं आफ, परमप्रभु यावे आ दाक्‍शो मबाक्‍ब। याकूब ४:४

प्रकाश 3:19

गो आं दाक्‍शो मुर आन कली आन मरिम्‍शो पतीके कोंइनुङ। नोले गो मेको आन कली श्‍येत गेशा, आल खोदेंशो पा शेंनुङ। इन थुं गो आं गे लेत्‍तीन। इन थमा सुइक्‍तीके बारपतीन। हितोपदेस ३:१२; १कोरिन्‍थी ११:३२; हिब्रू १२:६