मर्कूस 8:31 - Sunuwar Bible

³¹ मिनु येसुमी आ शेंसीब आन कली “रागीम जरमेशोमी शुश श्‍येत जचा माल्‍ब। जोक्‍ब तुइक्‍ब खाल्‍पा , ठेयब चढ़ेब नु सास्‍त्रीपुकीमी मेको कली मब्राइनीम, साइक्‍पाइक्‍नीम। मिनु बेक्‍शो आ नित्‍थ नाक्‍ती सेंसीब” दे लोव़ मख्रुइक्‍थु शेंदीमी बाक्‍त। मर्कूस ४:३१; मर्कूस १०:३२-३४

मर्कूस 8:31 ပူးပေါင်းရင်းမြစ်များ

भजन संग्रह 118:22

खिं सेल्‍बपुकीमी गारो प्रोव़ङमेनु “एको फुल्‍लु मगार” दे ताइक्‍तमे बाक्‍त। मिनु मेको मगारथु ताइश्‍शो फुल्‍लु चहिं जग ङा सुरे फुल्‍लु दुम्‍माक्‍त। यसैया २८:१६; मत्ती २१:४२

यसैया 53:3

मिनु अरुमी मेको कली ग्रांग्रा दिशा प्रोंइतेक्‍म। मेको श्‍येत जाइब नु रोइ पाइक्‍ब बाक्‍त। मेको कली तशा, मुरुम आन कुल ख्रुइक्‍ताक्‍म। मेको ग्रांग्रा दित्‍चा पुंइसेनु, सुइम महिक्‍गेम। भजन संग्रह २२:७-८; मर्कूस ९:१२

होसे 6:2

नाक्‍त निक्‍शी नोले परमप्रभुमी आंइ कली लेंशा ब्रोंइचा गेब। मिनु नाक्‍त सां नोले आंइ कली आ ङोंइती राप्‍पाइक्‍ब। मिनु मोपा गोपुकी मेको आ ङोंइती ब्रोंइ‍नीकी। ब्‍यवस्‍था ३२:३९

योना 1:17

मिनु परमप्रभु यावेमी योना कली दाक्‍पाइक्‍चा कली ठेयब ङांइ का सोइक्‍ता बाक्‍त। मेको ङांइमी योना कली ग्रु दाक्‍गानु, योना सां नाक्‍दो नाक्‍ती आ कोव़जीम बाक्‍माक्‍त। मत्ती १२:४०; मत्ती १६:४

मत्ती 12:40

योना नाक्‍त सां सम्‍म ङांइ आ कोव़जम बाक्‍शो खोदेंशो पा, रागीम जरमेशो यो नाक्‍त सां सम्‍म रागी आ कोव़जम बाक्‍ब। योना २:१; एफिसी ४:९; १पत्रुस ३:१९

मत्ती 21:42

मिनु येसुमी “ओदेंशो ब्रेक्‍शो लोव़ मपढेनी? ‘खिं सेल्‍बपुकीमी गारो प्रोङमेनु, एको फुल्‍लु मगार, दे ताइक्‍तमे बाक्‍त। मेको मगारथु ताइश्‍शो फुल्‍लु चहिं सुर ङा सुरे फुल्‍लु दुम्‍माक्‍त। परमप्रभु यावेमी मोदेंशो पशो बाक्‍त। मिनु मेको इं दातेमी छक लाक्‍चा ङा बाक्‍ब’ दे ब्रेक्‍शो बाक्‍ब।। भजन संग्रह ११८:२२-२३; प्रेरित ४:११; १पत्रुस २:४-८

मत्ती 27:63

“सरकार, एको नेल्‍ल आन थुं क्‍याल्‍पाइक्‍ब मबेक्‍थु बाक्‍मेनु, मार देंत देंशा हना ‘आं बेक्‍शो नित्‍थ नाक्‍त बेक्‍शो रे सेंपांइसीचा पुंइसीनुङ’ देंशो फ्रुक्‍तक। मत्ती २०:१९

मर्कूस 12:10

‘खिं सेल्‍बपुकीमी गारो प्रोव़ङमेनु, एको फुल्‍लु मगार, दे ताइक्‍तमे बाक्‍त। मेको मगारथु ताइश्‍शो फुल्‍लु चहिं सुर ङा सुरे फुल्‍लु दुम्‍माक्‍त’ दे ब्रेक्‍शो लोव़ मपढेनी?

लूका 17:25

मोपा तपांइसीचा क्‍येङा ङोंइती शुश श्‍येत जचा माल्‍ब। मारदे हना एको पाला ङा मुरपुकीमी आं कली मब्रथु, आं लोव़ मनेंनीम, थमा मसुइक्‍नीम। लूका ९:२२

लूका 24:26

ख्रीस्‍त श्‍येत जशा, सक्ति पाइश्‍शो दुम्‍शा, राज्‍य पचा ताइब देंशो लोव़ मुल यो मरुप्‍नीसी?” देंमाक्‍त।

लूका 24:44

मिनु येसुमी आ शेंसीब आन कली “गो गे नु बाक्‍ची ना आ देंशो मोसा आ अरेशो लोव़, परमप्रभु यावे आ लोव़ पाइब आन ब्रेक्‍शो नु भजन संग्रह आं पर्बम ब्रेक्‍शो लोव़ नेल्‍ल गाप्‍चा माल्‍ब, दे इन कली लोव़ पाता” देंमाक्‍त। लूका १८:३१-३३; लूका २४:२६-२७; लूका १८:३१

यूहन्‍ना 12:48

सुम आं कली मब्रथु, आं देंशो लोव़ मपाइबा, मेको कली निसाफ पाइब का बाक्‍ब। मेको निसाफ पाइब सु बाक्‍ब देंशा हना, आं देंशो लोव़ बाक्‍ब। एको लोव़मी मेको कली नोले ङा नाक्‍ती निसाफ पाइब।

यूहन्‍ना 2:19

येसुमी “परमप्रभु यावे आ खिं प्रेतीन। गो नाक्‍त सांमी लेंशा सेल्‍ने थुम्‍नुङ” दे माइक्‍तीमी। मत्ती २६:६१; मत्ती २७:४०

प्रेरित 7:35

‘इ कली हुकुम पाइब नु निसाफ पाइब सुम सेले?’ दे खेरचा पुंइसीशो मोसा कली परमप्रभु यावेमी हुकुम पाइब नु प्रोंइब सेल्‍शा, आ स्‍वर्ग ङा गेय पाइब रे बुटाम तपांइसीशा इजीप्‍त सोइक्‍ता बाक्‍त।

१ कोरिन्‍थी 15:4

मेको थिम्‍चा पुंइसाक्‍व। मिनु परमप्रभु यावे आ लोव़म ब्रेक्‍शो खोदेंशो पा आ नित्‍थ नाक्‍ती सेंचा पुंइसाक्‍व। होसे ६:२; लूका २४::२७,४४,४६

१ सामुएल 10:19

तन्‍न मुलाक्‍ती गे इन कली हिंचा ङा श्‍येत नु मरिम्‍शो रे प्रोंइब इन परमप्रभु कली प्रोंइतीनी। मिनु गेपुकीमी ‘आंइ कली पिप का योव़शा गेने’ देंतीनी। मोपतीके मुल परमप्रभु यावे आ ङोंइती इन थर थर नु खिं खिं ङा मुर पा रपीन” दे माइक्‍मी बाक्‍त। १सामुएल ८:७

१ सामुएल 8:7

मिनु परमप्रभु यावेमी सामुएल कली “मुरुम मार मार देंमा, मेको नेल्‍ल नेनो। मारदे हना मेकोपुकीम इ कली प्रोंइशो ममाइ, आं कली प्रोंइशो नम। मेकोपुकीम आं कली आन पिप दुम्‍शो मदाक्‍शो नम। प्रस्‍थान १५:१८; गन्‍ती २३:२१; ब्‍यवस्‍था ३३:५; भजन संग्रह २४:७-१०; भजन संग्रह ७४:१२; यसैया ६:५