Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




मर्कूस 8:23 - Sunuwar Bible

23 मिनु येसुमी मिक्‍च मताइब कली गुइमी ग्‍याइश्‍शा ङा मिन, कीशा गाउं रे ग्रुंइशा लदा बाक्‍त। मिनु आ मिक्‍चीम थुथु पा तोक्‍शा, आ गुइ आ तारी वोइश्‍शा “मुल मार मार तवी?” दे हिल्‍लो पवा बाक्‍त। यूहन्‍ना ९:६

အခန်းကိုကြည့်ပါ။ ကော်ပီ




मर्कूस 8:23
12 ပူးပေါင်းရင်းမြစ်များ  

इ कली कोव़जीम सेल्‍शा, वारच पाइब परमप्रभु यावेमी ‘आं गेय पाइब याकूब महिनो। येशुरुन गो इ कली योव़ता। यशुरुन इस्राएल आ नें का बाक्‍ब। ब्‍यवस्‍था ३२:१५


मेको आ थिशो आल आन दातेमी, मुर आन कली शेंब सुइ मबाक्‍म। आ कोल्‍शो आल आन दातेमी मेको आन कली लां कोंइब सुइ मबाक्‍म।


मेको कबल मेको आन किकी पिपी आन कली इजीप्‍त रे ग्रुंइची ना पशो कबल खोदेंशो ममाइ। गो मेको आन वोंइश खोदेंशो बाक्‍ती हना यो, मेकोपुकीमी मेको कबल मखबेम।


“आं तमी बेक्‍चा चिक्‍ताक्‍व। आं खिं लशा, इन गुइ आं आल आ तार वोतीने। मिनु आ रोइ साशा ब्रोंइब” दे पुना बाक्‍त।


मिनु येसुमी मेको नोफा मनेंब कली हुल रे फ्राशा लदा बाक्‍त। मिनु आ ब्रेप्‍चो मुर आ नोफामी ओंइशा, थुथु पा तोक्‍शा, नाक्‍चुकमी आ लें थिशा,


मिनु मेकोमी इर गे कोव़शा “मुरपुकी गाक्‍शो ताता, तन्‍न मेको मुरपुकी रवा खोदेंशो तांइसाक्‍म” देंमाक्‍त।


मिनु येसुमी “गाउं हेरशा, इ खिं लावो” दे सोइक्‍ता बाक्‍त।


मिनु लडाइ पाइब आन ठेयब मुरुमी पावल आ भानीज कली गुइमी ग्‍याइश्‍शा, सुइ मबाक्‍तीक कोठामी लाइश्‍शा “मार देंचा दाक्‍नेवे, लो देनो” दे हिल्‍लो पवानु,


मिनु सावल बोक्‍शा मिक्‍च पाक्‍शा कोव़ङानु, मिक्‍च मताइब दुम्‍शो बाक्‍माक्‍त। मिनु आ वारचपुकीमी आ गुइ रे कीशा दमस्‍कसमी चाक्‍दीत्‍मे बाक्‍त।


मेको आन किकी पिपी आन कली पशो कबल खोदेंशो ममाइ। मेको किकी पिपी आन कली गुइमी ग्‍याइश्‍शा, इजीप्‍त रागी रे ग्रुंइशा लां कोंइदु नु कबल पा नाता सेल्‍तामी। तन्‍न मेकोपुकीमी नाता ख्रोइक्‍तेक्‍म। मोपतीके गो यो मेको आन कली प्रोंइशा ममिम्‍तुमी’ दे परमप्रभुमी देंब। प्रस्‍थान १९:५-६


मोपतीके गो इन कली लोव़ का पाइनुङ, मार लोव़ पाइनुङ देंशा हना, गे शोंप पाइश्‍शो दुम्‍चा कली आं सुन ग्‍यापीन। मेको सुन याप्‍पाइश्‍शो बाक्‍ब। मेको ग्‍याप्‍तीनी हना, गे शोंप पाइश्‍शो दुम्‍नीनी। मिनु फेक्‍चा कली बुश वा ग्‍यापीन। मेको ग्‍याप्‍तीनी हना, मुने मदोक्‍नीनी। मिनु इन मिक्‍च, सापाइक्‍चा कली मिक्‍चीम ख्रेक्‍तीके ग्‍यापीन। ग्‍याप्‍शा ख्रेक्‍साक्‍नी हना, गे ताइनीनी।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ