18 मिक्च पाइश्शो बाक्तीनी हना यो, मताइनीनी? नोफा पाइश्शो बाक्तीनी हना यो, मनेंनीनी? मुल यो मारेइ मिम्ने मचाप्नीनी? मत्ती ११:१३,१६
मेको आन मिक्ची ब्राब्रा दुम्शा, मताइब दुम्मल। मेको आन ची गेना हना यो गुर ब्वेशो दुम्ल।
मेको मुरपुकीमी मारेइ मतुइक्थु, मरुप्नीम। मारदे हना मेको मिक्च मताइनीमी। आन थुं मरोक्सीशो बाक्ब। मेकोपुकी मारेइ मरुप्ब बाक्नीम।
गे मूर्ख नु मिम्तीक मपाइश्शो मुरपुकी, एको लोव़ नेनीन। इन मिक्ची बाक्ब, तन्न मताइनीनी। इन नोफा बाक्ब, तन्न मनेंनीनी।
मार लोव़ पाप्तु देंशा हना “ए मुर, गे काइ मटीब खिं ङा मुर आन दातेम बाक्शो बाक्नेवे। मेको आन के मिक्च बाक्त हना यो, मताइनीम। मेको आन के नोफा बाक्त हना यो, मनेंनीम। येरमीया ५:२१
मारदे हना आन मिक्चीमी कोव़नीम, तन्न मताइनीम। आन नोफामी नेंनीम तन्न मरुप्नीम। कोव़शा रुप्तेक्म हना, आन थुं लेश्शा, आन पाप क्याम्चा ताम वा” देंमाक्त। यसैया ६:९-१०
मिनु यसैयामी “परमप्रभु यावेमी मेको आन कली मिक्च मताइब सेल्तीमी। मोपा परमप्रभु यावे कली मतुइक्नीम। मेको आन कली मटीब सेल्तीमी। मोपा मेकोपुकीमी परमप्रभु यावे आ लोव़ रुम्ने मचबेम। मिनु परमप्रभु यावे कली ‘आं कली सापतीन’ दे मपुंइनीम” दे यो यसैयामी ब्रेक्शो बाक्त। मत्ती १३:१४-१५
मेको आन पर्बम यसैयामी “परमप्रभु यावेमी मेको आन कली मरुप्ब थुं गेप्तु। मेकोपुकी मिक्च मताइब नु नोफा मनेंब दुम्शा बाक्शो बाक्नीम। मुल सम्म मोदेंशो दुम्शा बाक्नीम” दे ब्रेक्शो बाक्त। यसैया २९:१०; ब्यवस्था २९:४
तन्न मुल सम्म परमप्रभु यावेमी इन कली रुप्तीक थुं, कोव़तीक मिक्च नु नेंतीक नोफा मगेशो बाक्ब। ब्यवस्था ५:२६
गेपुकी नु बाक्ङानु, इन कली मोदेंशो लोव़ पाता। गेपुकी आं शेंशो ममिम्नीनी?
मोपतीके गो इन कली नेल्ल नाक्ती मोदेंशो मिम्पाइक्नुङ। गेपुकी मेको तुइश्शा नु थमा शेंतीके पाइब दुम्तीनी हना यो, गो इन कली मिम्पाइक्नुङ।