मर्कूस 8:15 - Sunuwar Bible

¹⁵ मिनु येसुमी आ शेंसीब आन कली “नेनीने, फरिसीपुकी नु पिप हेरोद आन बोरपाइक्‍ब ओख्‍ती क्‍येङा होस पांइसीन” दे माइक्‍मी बाक्‍त। लूका १२:१; मर्कूस ३:६

मर्कूस 8:15 ပူးပေါင်းရင်းမြစ်များ

१ इतिहास 28:20

मिनु दाऊदमी आ तौ सोलोमन कली “बोल्‍यो नु महिंब दुम्‍शा, एको गेय पावो। महिनो, इ थुं ग्‍येत्‍थ लुक्‍च मपावो। मारदे हना परमप्रभु यावे, आं परमप्रभु गे नु बाक्‍ब। परमप्रभु यावेमी आ खिंमी गेय पचा कली मारेइ मारेइ सेल्‍ने मथुमा सम्‍म इ कली मप्रोंइथु वारच पाइब। १इतिहास २२:१३; ब्‍यवस्‍था ३१:६

हितोपदेस 19:27

आं तौ, गे जोक्‍ब मुर आन लोव़ रे हेंथे लचा प्रोनो। मो पाप्‍तीवी हना गे शेंशो लोव़ नेंने चाप्‍नेवे। याकूब १:२२

लेवी 2:11

गेपुकीमी परमप्रभु यावे कली अन्‍न चढ़ेतीकेमी गेनायो बोरब ओख्‍ती सुप्‍चा मदुम्‍ब। परमप्रभु यावे कली मीम चोशा चढ़ेतीकेमी बोरब ओख्‍ती नु खुदो गेनायो चोचा मदुम्‍ब।

मत्ती 14:1

येसुमी छक लाक्‍चा ङा गेय पा शेंना शेंन गाक्‍मेनु, आ पशो नु आ शेंशो पिप हेरोदमी नेंना बाक्‍त। मेको पिप हेरोद चहिं मेको रागी ङा ४ भागमी भाग का ङा पिप बाक्‍माक्‍त। मोपतीके भाग का ङा आन पिप, दे नें वोइश्‍शो बाक्‍माक्‍त।

मत्ती 14:3

यूहन्‍ना बेक्‍शो रे सेंसे बाक्‍त, देंशो दोपा देंशा हना, हेरोदमी आ लोक्‍ब फिलीप आ मीश आ पर्बम यूहन्‍ना कली जेल्‍खानमी चोक्‍शो बाक्‍माक्‍त। मत्ती ११:२

मत्ती 14:6

मिनु पिप हेरोद आ जरमेशो नाक्‍त जाक्‍माक्‍त। मिनु हेरोदनी आ तमीमी हेरोद आ भोजमी जाक्‍ब आन दातेमी सिल पशा, हेरोद कली ग्‍येरपदा बाक्‍त।

मत्ती 16:6

मिनु येसुमी “फरिसी नु सदुकी आन शोब्‍लेमी सुप्‍शो बोरपाइक्‍ब ओख्‍ती रे होस पांइसीने” दे माइक्‍तीमी। लूका १२:१

मर्कूस 12:13

मिनु येसु कली लोव़ ख्राइक्‍पाइक्‍चा दे फरिसी नु हेरोदी का निक्‍शी येसु आ बाक्‍तीके सोइक्‍तमे बाक्‍त।

मर्कूस 8:14

शेंसीबपुकीमी शोब्‍ले लाइक्‍चा प्रेंशो बाक्‍मा बाक्‍त। डोंगाम शोब्‍ले का ला लीशो बाक्‍माक्‍त।

मर्कूस 8:16

मिनु “शोब्‍ले कुरचा प्रेंदमे बाक्‍त, दे तुइश्‍शा, मो देंम कों?” देंमुमा बाक्‍त।

लूका 12:15

मिनु नोले मुर आन कली “नेनीन, होस पा बाक्‍कीन। शिंम मदुमीन। मारदे हना शुश शोंप बाक्‍शा ला ब्रोंइशा बाक्‍चा मतांइसीब” देंमाक्‍त। उपदेसक ५:९; १तिमोथी ६:९-१०

१ तिमोथी 5:21

परमप्रभु यावे, ख्रीस्‍त येसु नु योव़शो परमप्रभु यावे आ स्‍वर्ग ङा गेय पाइब आन ङोंइती “मुर आन कुल मकोव़थु, आं देंशो नेल्‍ल पावो” दे इ कली अरेनुङ। मुर आन कुल कोव़शा, मारेइ मपावो।

१ तिमोथी 6:13

नेल्‍ल आन कली ब्रोंइचा गेब परमप्रभु यावे नु ख्रीस्‍त येसु पन्‍तीयस पिलातस कली रिम्‍शो सांकछी गेब बाक्‍त। गो इ कली परमप्रभु यावे नु ख्रीस्‍त येसु आस ङोंइती अरेनुङ। यूहन्‍ना १८:३६-३७; प्रकाश १:५

२ तिमोथी 2:14

एको लोव़ मेको आन कली फ्रुक्‍पाइक्‍मी। परमप्रभु यावे आ ङोंइती मेको आन कली “लोव़ आ पर्बम मजिने” दे माइक्‍मी। मारदे हना मेको मरिम्‍शो दुम्‍ब, नेंबपुकी यो वाम ग्‍याम दुम्‍नीम। १तिमोथी ६:४; तीतस ३:९