मर्कूस 7:9 - Sunuwar Bible

⁹ मिनु लोव़ बोइश्‍शा “गिश जोक्‍ब तुइक्‍ब ननी। परमप्रभु यावे आ देंशो शेंचा प्रोंइशा, आंम सेल्‍शो इन पतीके ला शेंनीनी।

मर्कूस 7:9 ပူးပေါင်းရင်းမြစ်များ

भजन संग्रह 119:126

परमप्रभु यावे, इन गेय पची ना दुम्‍शो बाक्‍ब। मारदे हना मुरपुकीम इन अरेशो लोव़ मटीम।

यसैया 24:5

रागीम बाक्‍ब मुरपुकीमी रागी कली खतम सेल्‍नीम। मारदे हना मेकोपुकीमी परमप्रभु यावे आ अरेशो मटीम। परमप्रभु आ फुल्‍लुम मुशा ब्रेक्‍शो लोव़ कली ममिम्‍तेम। आ गेना हना यो लीब कबल पशो मखबेम।

यसैया 29:13

परमप्रभु यावेमी “एको मुरपुकी लोव़ पशा आं नेक्‍था जाक्‍नीम। मिनु आन शोव़मी आं कली ठेयब सेल्‍नीम। तन्‍न आन थुंम चहिं आं क्‍येङा ङोन बाक्‍नीम। मेको आन आं कली मान पतीके मुर आन शेंशो ला बाक्‍ब। यसैया १:१५; यसैया ५८:२-३; मत्ती १५:८-९

दानीएल 11:36

पिपमी मार दाक्‍बा, मेको पाइब। मिनु मेकोमी ‘देवी देवता नेल्‍ल आन क्‍येङा ठेयब नङ’ देंब। मिनु परमप्रभु नेल्‍ल आन क्‍येङा ठेयब परमप्रभु आ पर्बम गेनायो मनेंसीशो मरिम्‍शो लोव़ पाइब। मेको आ नोले ङा नाक्‍त मजाक्‍म सम्‍म आ माल्‍शो ताइब। परमप्रभुमी मेको कली सजाइ मगेवा सम्‍म मोदेंशो दुम्‍‍ब। मारदे हना परमप्रभुमी मार पचा मिम्‍बा, मेको पाइब। २थिस्‍सलोनिकी २:४; दानीएल ७:८,२५; प्रकाश १३:५-६

दानीएल 7:25

मिनु मेकोमी नेल्‍ल क्‍येङा ठेयब आ पर्बम मरिम्‍शो लोव़ पा, नेल्‍ल क्‍येङा ठेयब आ मुर आन कली यो खतम सेल्‍ब। मिनु मेकोमी परमप्रभु आ देंशो चाड नु आ अरेशो लोव़ कली फाइक्‍चा दाक्‍ब। मिनु परमप्रभु आ मुर आन पाला का, पाला निक्‍शी नु आधा पाला मेको आ अधिकारमी गेचा पुंइसीनीमी। प्रकाश १३:५-६; दानीएल १२:७

मर्कूस 7:13

इन वोइश्‍शो रिती थितीमी परमप्रभु यावे आ देंशो टिचा प्रोंइपाइक्‍नीनी। मिनु मोदेंशो कपटी गेय शुश पाइनीनी” दे हुइक्‍तीमी बाक्‍त।

मर्कूस 7:3

फरिसी नु यहूदी नेल्‍लेमी गुइ मचिक्‍थु मजाइनीम। आन जोक्‍ब तुइक्‍ब खाल्‍पापुकीमी वोइश्‍शो पतीके नेल्‍ल पाइनीम।

मर्कूस 7:5

मोपतीके येसु आ शेंसीबपुकीमी गुइ मचिक्‍थु जशो तशा, येसु कली “इन शेंसीबपुकीमी किकी पिपीमी वोइश्‍शो रिती थिती मारदे मपाइनीमी? मचोव़खेसीथु गुइ मचिक्‍थु जाइबाक्‍तेक्‍म” दे मदमे बाक्‍त।

रोमी 3:31

मो देंतय हना, परमप्रभु यावे आ अरेशो लोव़ क्‍याम्‍नीकी? ममाइ, येसु ख्रीस्‍त कली थमा सुइश्‍शोमी परमप्रभु यावे आ अरेशो लोव़ टीतय, दे रुब्‍य। मत्ती ५:१७

२ कोरिन्‍थी 11:4

मारदे हना मुर का जाक्‍शा, मेकोमी इन कली अर्को येसु आ पर्बम शेंब आंइ शेंशो खोदेंशो ममाइ, इन ङोंइती ताक्‍शो ममाइ, अर्को सोक्‍त ताक्‍पाइक्‍ब। अर्को ग्‍येरपाइक्‍तीक लोव़ नें‍पाइक्‍ब। मिनु गे रीब पा बित्‍नीनी। गलाती १:८-९

गलाती 1:14

आं पालामी नेल्‍ल आन क्‍येङा शुश धर्म पा आंइ यहूदी आन रिती थिती पाता। अरु आन कली यो आंइ किकी पिपीम पशो रिती थिती पपाइक्‍नुङमी, दे आं थुं फ्रेंशा बाक्‍शो नङ। प्रेरित २३:६; प्रेरित २६:५

गलाती 2:21

परमप्रभु यावेमी मो गेशो शिशी खेर मसोइक्‍नुङ। यहूदी आन पतीके पाप रे ब्रोंइसीब हना, ख्रीस्‍त साइक्‍चा पुंइसीशा बेक्‍शो शोर गाक्‍शो मदुम्‍बा ङा?” दे केफास नु मेकेर देल्‍शा बाक्‍ब आन कली माइक्‍तामी।

२ थिस्‍सलोनिकी 2:4

मेकोमी “मानेचा ङा मारेइ मबा” देंब। परमप्रभु यावे नु मानेचा ङा थोव़क आन क्‍येङा आंम कली ठेयब सेल्‍शा, परमप्रभु यावे आ खिंमी निश्‍शा “गो का ला परमप्रभु यावे नङ” देंब। दानीएल ११:३६; मत्ती २४:१५