मर्कूस 7:37 - Sunuwar Bible

³⁷ मिनु आ लोव़ नेंबपुकी थाम्‍पा छक लाक्‍शा “मेकोमी नेल्‍ल रिम्‍शो सेल्‍बाक्‍त। नोफा मनेंब आन कली नोफा नेंब सेल्‍बाक्‍त। लोव़ पस मजोक्‍ब आन कली लोव़ पाइब सेल्‍बाक्‍त” दें‍मा बाक्‍त।

मर्कूस 7:37 ပူးပေါင်းရင်းမြစ်များ

उत्पत्ती 1:31

मिनु परमप्रभुमी आ सेल्‍शो नेल्‍ल तशा “शुश रिम्‍शो दुम्‍त” देंमाक्‍त। मिनु नां रिक्‍शा, नां सोव़शा, मेको ६ नाक्‍त दुम्‍माक्‍त। मत्ती १९:१७; १तिमोथी ४:४

भजन संग्रह 139:14

गो इन कली ठेयब सेल्‍नुङ। मारदे हना गे आं कली छक लाक्‍चा ङा नु रिम्‍शो पा सेल्‍तीनी। इन गेय नेल्‍ल छक लाक्‍चा ङा बाक्‍नीम। गे आं कली थमा पा तुइश्‍शो बाक्‍नीनी।

यसैया 29:18

मेको नाक्‍ती नोफा मनेंबपुकी किताब ङा लोव़ नेंनीम। गेना हना यो छिङछिङम बाक्‍ब, मिक्‍च मताइबपुकी मिक्‍च ताइब दुम्‍नीम। यसैया ३५:५; मत्ती ११:५

मत्ती 9:32

मिनु येसु नु आ शेंसीबपुकी मेको खिं रे ग्रूशा लमानु, मार दुम्‍त देंशा हना, वोलमी सुम्‍शो लाटा का चाक्‍तेक्‍म।

मर्कूस 1:27

मोदुम्‍शो तशा, मुरपुकी छक लाक्‍शा “मार बाक्‍म माइ? नक शेंतीक लोव़ बाक्‍म कोर में? अधिकार पाइश्‍शो लोव़ पवानु, ग्रांग्रा दिचा ङा वोलम लायो टीबाक्‍तेक्‍म” देंमुमा बाक्‍त।

मर्कूस 2:12

मिनु नेल्‍ल आन ङोंइती मेको बोक्‍शा, आ ब्राख्‍ये जो गुप्‍शा कुरशा, गाक्‍माक्‍त। मिनु नेल्‍लेमी छक लाक्‍शा “ओदेंशो छक लाक्‍चा ङा गेय मुल सम्‍म गेनायो मतशो नय” देंशा, परमप्रभु यावे कली ठेयब सेल्‍मे बाक्‍त।

मर्कूस 4:41

मेकोपुकी चहिं छक लाक्‍शा, शुश हिंशा “फश नु ब्‍वाक्‍कुमी यो आ लोव़ टीबाक्‍ताक्‍से। एको सु बाक्‍म माइ?” दे लोव़ पमुमा बाक्‍त।

मर्कूस 5:42

मिनु आल छुल बोक्‍शा, एर ओंथ हिरसे बाक्‍त। मेको आल १२ बर्स ङा बाक्‍माक्‍त। मिनु मेकेर बाक्‍बपुकी मोदेंशो दुम्‍शो तशा, थाम्‍पा छक लाक्‍मा बाक्‍त।

मर्कूस 6:51

मिनु डोंगा ङोंइ‍से बाक्‍त। मिनु फश गिवार दिक्‍माक्‍त। मिनु शेंसीबपुकी थाम्‍पा छक लाक्‍मा बाक्‍त। मर्कूस ४:३९

मर्कूस 7:36

मिनु “सुइ आन कली मशेंदीने” दे माइक्‍मी बाक्‍त। मशेंदीने माइक्‍मी बाक्‍त हना यो, मेकोपुकीमी तेइ तेइ शेंना शेंन गाक्‍मा बाक्‍त। मर्कूस १:४३-४५

मर्कूस 8:1

मिनु लेंशा शुश मुर देल्‍शा बाक्‍शो बाक्‍मा बाक्‍त। मेकोपुकी नु मारेइ जचा थोव़क मबाक्‍माक्‍त। मिनु येसुमी आ शेंसीब आन कली ब्रेश्‍शा

लूका 23:41

गो सजाइ जचा माल्‍शो नस। मारदे हना खुइ पाइतस। एको मुरुमी चहिं मारेइ मरिम्‍शो मपावो” दे हुइक्‍ता बाक्‍त।

प्रेरित 14:11

मिनु मोपा सापाइश्‍शो तशा, छक लाक्‍शा, मेकेर देल्‍शोपुकीमी आन लाइकाओनीया ङा लोव़ पा “इं देवता मुर खोदेंशो दुम्‍शा यिशा, गोपुकी नु काथा बाक्‍सा बाक्‍त” देंमुमा बाक्‍त। प्रेरित २८:६