मर्कूस 7:28 - Sunuwar Bible

²⁸ मिनु मेको मीश मुरुमी “मदुम्‍ब, प्रभु, तन्‍न कुचुमपुकीमी यो आलपुकीमी तोक्‍शो शोब्‍ले जचा ताइनीम” देंमाक्‍त।

मर्कूस 7:28 ပူးပေါင်းရင်းမြစ်များ

भजन संग्रह 145:16

गे हाइश्‍शो दुम्‍शा, ब्रोंइब नेल्‍ल कली रूपाइक्‍नीनी।

यसैया 45:22

आं गे ले‍तीन। मिनु पाप रे प्रोंइचा पुंइसीन। रागी ङा सुर सम्‍म मो पने। मारदे हना गो परमप्रभु नङ। आं ङा लाक्‍शा अरु सुइ परमप्रभु मबाक्‍ब।

यसैया 49:6

मिनु मेकोमी “याकूब आ थर ङा मुरपुकी नु इस्राएल ङा लीशो मुर आन कली ङोंइती ङा खोदेंशो सेल्‍चा कली इ कली आइक्‍च गेय का बाक्‍ब। गो इ कली रागी रागी ङा मुर आन कली छेङछेङ दुम्‍पाइक्‍नुङ। मिनु मेको आं पाप रे प्रोंइतीके रागी ङा सुर सम्‍म ब्रल” देंत। यसैया ४२:६; यसैया ६०:३; लूका २:१२; प्रेरित १३:४७

मत्ती 15:27

“प्रभु, मेको थमा बाक्‍त हना, होव़पमी हेंशा ताइश्‍शो थोव़क कुचुममी जचा ताइनीम” देंत।

मत्ती 5:45

मो पाइतीनी हना, इन स्‍वर्ग ङा आफ आ तमी तौ नकी, दे कोंइनीनी। स्‍वर्गम बाक्‍ब आफोमी रिम्‍शो मरिम्‍शो पाइब नेल्‍ल आन कली नां दाप्‍पाइक्‍ब। नेल्‍ल आन कली रेउ यिपाइक्‍ब। एफिसी ५:१

मर्कूस 7:27

मिनु येसुमी “ङोंइती आल आन कली थुल्‍चा माल्‍ब। आल आन कली गेचा माल्‍शो शोब्‍ले कुचुम आन कली गेचा मदुम्‍ब” दे मदा बाक्‍त।

मर्कूस 7:29

मिनु येसुमी “इ मो देंतीके इ पुंइशो गेतन। वोल इ तमी रे ग्रूत” दे मदा बाक्‍त।

रोमी 10:12

परमप्रभु यावेम नेल्‍ल आन कली कोव़ब। यहूदी नु अर्को रागी ङा मुर नेल्‍ल आन कली कांइचीक मिम्‍ब। मेको आन कली प्रभु का बाक्‍ब। मेको कली प्रभु देंब आन कली आसीक गेशा, रिम्‍शो पाइब। प्रेरित १०:३४-३५; प्रेरित १५:९

रोमी 3:29

परमप्रभु यावे यहूदी आन परमप्रभु यावे ला बाक्‍बा ङा? नेल्‍ल अर्को रागी ङा मुर आन परमप्रभु यावे बाक्‍ब। रोमी १०:१२

एफिसी 3:8

गो परमप्रभु यावे आ मुर नेल्‍ल आन क्‍येङा आइक्‍च बाक्‍नुङ। मिनु परमप्रभु यावेमी आ शिशी रे आं कली “अर्को रागी ङा मुर आन कली ख्रीस्‍त आ शिशी गिश ठेयब बाक्‍बा तुइक्‍पाइक्‍मी” दे शेंब सेल्‍ती। १कोरिन्‍थी १५:९-१०; गलाती १:१६; एफिसी १:७