मर्कूस 6:4 - Sunuwar Bible

⁴ मिनु येसुम मो देंब आन कली “तेइ तेइ परमप्रभु यावे आ लोव़ पाइब आन कली ठेयब सेल्‍शा मान पाइनीम। आंम रागी ङा नु आंम जात ङा, आंम खिं ङा मुरपुकीमी चहिं महिक्‍नीम” दे माइक्‍मी बाक्‍त।

मर्कूस 6:4 ပူးပေါင်းရင်းမြစ်များ

येरमीया 11:21

मोपतीके आं कली साइक्‍चा माल्‍ब अनाथोथ ङा मुर आन पर्बम परमप्रभु यावेम “मेको मुरपुकीम इ कली ‘परमप्रभु यावे आ नेंमी लोव़ मपावो। लोव़ पाप्‍तीवी हना, गे आंइ गुइ रे बेक्‍नेवे’ देंनीम। येरमीया १:१

येरमीया 12:6

इ लोक्‍बपुकी नु इ खिं ङा मुरपुकीमी इ कली मरिम्‍शो पाम्‍तेक्‍म हना, मेकोपुकी इ पर्बम ठेयब सेंदा पा रेयके पा जाक्‍नीम। मेकोपुकीमी गे नु रिम्‍शो लोव़ पाम्‍तेक्‍म हना यो, मेको आन कली थमा मसुइक्‍मी।

मत्ती 13:57

मिनु येसुमी मेको आन थुं मनुशो तुइश्‍शा, मेको आन कली “तेइ तेइ परमप्रभु यावे आ लोव़ पाइब आन कली ठेयब सुइश्‍शा मान पाइनीम। आंम रागी, आंम खिंमी चहिं महिक्‍नीम” दे माइक्‍तीमी। यूहन्‍ना ४:४४

मर्कूस 6:1

मिनु मेकेर रे लशा, आ बाक्‍तीके सहरमी जाक्‍दीम्‍माक्‍त। आ शेंसीबपुकी यो खोइश्‍शा लमा बाक्‍त।

लूका 4:24

मिनु येसुमी “थमा पा, मुरपुकीमी परमप्रभु यावे आ लोव़ पाइब आन कली आंम आन बाक्‍तीक सहरम काइ महिक्‍नीम। यूहन्‍ना ४:४४

यूहन्‍ना 4:44

येसुमी “आंम रागी ङा मुरपुकीमी परमप्रभु यावे आ लोव़ पाइब कली काइ महिक्‍नीम” देंत। मत्ती १३:५७