मर्कूस 6:34 - Sunuwar Bible

³⁴ मिनु येसु डोंगा रे तोंइ‍सीशा, शुश मुर देल्‍शा बाक्‍शो तशा, शिशी पवा बाक्‍त। मारदे हना मेको आन कली गोठला मपाइश्‍शो भेडा खोदेंशो दुम्‍शो तामी बाक्‍त। मिनु शुश लोव़ शेंचा गोवा बाक्‍त। मत्ती ९:३६

मर्कूस 6:34 ပူးပေါင်းရင်းမြစ်များ

१ राजा 22:17

मिनु मीकायामी “गो इस्राएली नेल्‍ल आन कली गोठला मबाक्‍शो भेडा खोदेंशो पा, डांडा मेर ब्रशो तातामी। मिनु परमप्रभु यावेमी ‘मेको मुर आन ठेयब मुर मबाक्‍ब। मेको नेल्‍ल आन थुं नाइश्‍शा आन खिं लमल’ देंशो बाक्‍ब” देंमाक्‍त। गन्‍ती २७:१७; मत्ती ९:३६

२ इतिहास 18:16

मिनु नोले मीकायाम “गो इस्राएली नेल्‍ल आन कली गोठला मबाक्‍शो भेडा खोदेंशो पा पहाडम ब्रशो ताता। मिनु परमप्रभु यावेमी ‘मेको मुर आन के होव़प मबा। मेको नेल्‍ल थुं नाइश्‍शा आन खिं लेम्‍मल’ देंशो नेंता” देंमाक्‍त। मत्ती ९:३६

यसैया 13:14

मुरपुकी खेदा पचा पुंइसीशो किश्‍श नु गोठला मबाक्‍शो भेडा खोदेंशो दुम्‍नीम। मेकोपुकी आंम आंम मुर बाक्‍तीके लाइनीम। आंम आंम रागी मेर प्रोक्‍नीम।

येरमीया 50:6

आं मुरपुकी जाम्‍शो भेडा खोदेंशो बाक्‍तेक्‍म। मेको आन गोठलापुकीम मेको आन कली हेंथे गाक्‍पाइश्‍शो बाक्‍तेक्‍म। मिनु मेको आन कली डांडा मेर हिरपाइश्‍शो बाक्‍तेक्‍म। मेकोपुकी डांडा पहाड सम्‍म हिरसाक्‍म। मिनु आन गोठ प्रेंताक्‍मे। येरमीया २३:१

इजीकीएल 34:5

मोपतीके मेकोपुकी ब्राम्‍तेक्‍म। मारदे हना मेको आन के गोठला मबाक्‍म। मेको मोपा ब्रशा ब्‍वाकी ङा जन्‍तु आन जचा थोव़क दुम्‍तेक्‍म’ दे

जकरिया 10:2

खिं ङा देवी देवतामी फश लोव़ पाइनीम। लिंक्‍यु कोव़बपुकीमी जोल तशा, ङोमु ङोशा, हेंथे लोव़ पाइनीम। मिनु मुर आन कली फश लोव़ पा लेम्‍नीम। मोपतीके मुरपुकी गोठला मबाक्‍शो भेडा खोदेंशो पा श्‍येत जशा प्रोक्‍नीम। मत्ती ९:३७

गन्‍ती 27:17

मिनु मेको मुर आन ङोंइती गाक्‍ल। मिनु मेको आन कली लतीक नु जाक्‍तीक लां कोंइदल। मोपा परमप्रभु यावे आ मुर गोठला मबाक्‍शो भेडा खोदेंशो मदुम्‍मल” देंत। मीका ५:३; मत्ती ९:३६

मत्ती 14:14

मिनु येसु डोंगा रे तोइश्‍शा, शुश मुर देल्‍शो तशा, मेको आन कली शिशी पा रोइ पाइब आन कली सापाइक्‍तीमी।

मत्ती 15:32

मिनु येसुमी आ शेंसीब आन कली ब्रेश्‍शा “एको शुश मुर आन कली शिशी पाइनुङमी। मारदे हना नाक्‍त सां सम्‍म गो नु काथा बाक्‍तेक्‍मे। मिनु आन के जचा मारेइ मबा। जचा मगेथु, आन खिं सोइक्‍चा मदाक्‍नुङ। सोइक्‍ताक्‍ङमी हना, लांमी बेक्‍नीम” दे माइक्‍तीमी। मत्ती १४:१३-२१

मत्ती 9:36

शुश मुर आन कली तशा, शिशी पाइक्‍तीमी। मारदे हना गोठला मबाक्‍शो भेडापुकी खोदेंशो पा दशो बाक्‍मा बाक्‍त। १राजा २२:१७; इजीकीएल ३४:५; मर्कूस ६:३४

मर्कूस 6:33

तन्‍न शुश मुरुमी येसु नु आ शेंसीब आन कली लशो तुइश्‍शा, डोंगाम ङोइश्‍शो तशा, आइक्‍ची हांबु गे लमा बाक्‍त दे तुइश्‍‍शा, समुन्‍द्र हिरशा, दोरशा जाक्‍दीम्‍मा बाक्‍त।

मर्कूस 6:35

मिनु शेंस ङा शेंस पवानु, नां रिक्‍चवा बाक्‍त। मिनु शेंसीबपुकीमी येसु कली “मुर मबाक्‍तीके बाक्‍ब, नां रिक्‍चाप्‍तु।

मर्कूस 8:1

मिनु लेंशा शुश मुर देल्‍शा बाक्‍शो बाक्‍मा बाक्‍त। मेकोपुकी नु मारेइ जचा थोव़क मबाक्‍माक्‍त। मिनु येसुमी आ शेंसीब आन कली ब्रेश्‍शा

मर्कूस 8:2

“एको आन कली शिशी पातामी। मारदे हना साबेर नाक्‍त रे मुल सम्‍म गो नु काथा बाक्‍शा, मारेइ जचा मतामे। मर्कूस ६:३४-४४

लूका 9:11

मिनु मुरपुकीम “येसु नु आ शेंसीब मेक लाम्‍तेक्‍म” दे तुइश्‍शा, आन नोले खोइश्‍शा लशा थित्‍मे बाक्‍त। मिनु येसुमी मेको आन कली बाक्‍चा गेशा, परमप्रभु यावे आ राज्‍य ङा लोव़ शेंशा, रोइ पाइब आन कली सापाइक्‍मी बाक्‍त।

हिब्रू 2:17

मोपतीके मेको आ लोक्‍ब खोदेंशो दुम्‍चा माल्‍ताक्‍व। मोपा परमप्रभु यावे आ गेय पा मुर आन पाप क्‍याम्‍चा कली शिशी पाइब नु गेनायो आ दाक्‍चा मप्रोंइब ठेयब चढ़ेब दुम्‍त। फिलिप्‍पी २:७

हिब्रू 4:15

मारदे हना इं नेल्‍ल क्‍येङा ठेयब चढ़ेबमी इं चाप्‍तीक नु मचाप्‍तीक दोदेंशो बाक्‍बा, नेल्‍ल तुइक्‍ब। गोपुकी इं थुं थाम्‍चा पुंइसीशो खोदेंशो पा, आ यो थुं थाम्‍चा पुंइसाक्‍व। तन्‍न थुं थाम्‍चा पुंइसाक्‍व हना यो, पाप मपव। हिब्रू २:१८; यूहन्‍ना ८:४६