मर्कूस 6:31 - Sunuwar Bible

³¹ मिनु येसुमी “मुर मबाक्‍तीके लशा नांइ‍सय” देंमाक्‍त, मारदे हना शुश मुर ग्रुम्‍थ जाक्‍बाक्‍मा बाक्‍त। मिनु येसु नु आ शेंसीबपुकीमी जचा कली यो नाइक्‍चा मतामे बाक्‍त।

मर्कूस 6:31 ပူးပေါင်းရင်းမြစ်များ

मत्ती 14:13

मिनु येसुमी मेको लोव़ नेंशा डोंगा ङोइश्‍शा, सुइ मबाक्‍तीकेम लत। मिनु सहर ङा शुश मुरुमी येसु लाम्‍माक्‍त देंशो नेंशा, समुन्‍द्र हिरशा, आइक्‍ची हांबु जाक्‍दीम्‍मा बाक्‍त।

मर्कूस 1:45

मिनु साशो मुर मेकेर लशा, दोपा सामे, मेको लोव़ तेइ तेइ ब्रपदा बाक्‍त। मोदेंशो लोव़ ब्रतीके येसु सहर सहरमी गाक्‍ने मचबा बाक्‍त। मोपतीके शुश मुर मबाक्‍तीकेमी बाक्‍माक्‍त। तन्‍न मुरपुकी तेइ तेइ रे जाक्‍बाक्‍मा बाक्‍त।

मर्कूस 3:20

मिनु लेंशा शुश मुर खुम्‍समानु, येसु नु आ शेंसीबपुकी जचा कली यो नाइक्‍चा मतामे बाक्‍त।

मर्कूस 3:7

मिनु नोले येसु नु आ शेंसीबपुकी सहर रे गाक्‍शा, गा‍लील ङा समुन्‍द्र आ नेक्‍था जाक्‍दीम्‍मा बाक्‍त। शुश मुरुमी आन नोले खोदमे बाक्‍त। मेको खोइक्‍बपुकी ते ते ङा बाक्‍मा बाक्‍त देंशा हना, गालील नु यहूदीया रागी ङा, मत्ती ४:२५

यूहन्‍ना 6:1

मिनु नोले येसु गालील ङा समुन्‍द्र आइक्‍ची हांबु लत। गालील ङा समुन्‍द्र कली तिबेरीयास समुन्‍द्र यो देंनीम।