मर्कूस 6:30 - Sunuwar Bible

³⁰ येसु आ सोइश्‍शोपुकी लशा शेंशा, लेश्‍शा जाक्‍मा बाक्‍त। मिनु मार पामे, मार शेंदमे, मेको लोव़ येसु कली शोव़ङमे बाक्‍त। लूका ९:१०; लूका १०:१७

मर्कूस 6:30 ပူးပေါင်းရင်းမြစ်များ

उत्पत्ती 24:66

मिनु वाइलमी इसहाक कली मार मार दुम्‍मे, मार मार पवा, नेल्‍ल शेंदा बाक्‍त।

मत्ती 10:2

मोदेंशो अधिकार ताइब आन कली “सोइश्‍शोपुकी” दे यो देंसीब। मेकोपुकी सु सु बाक्‍तेक्‍म देंशा हना, पत्रुस माइश्‍शो सिमोन नु आ दाग्‍यु अन्‍द्रीयास, जब्‍दी आ तौ याकूब नु यूहन्‍ना, मर्कूस ३:१६-१९; लूका ६:१४-१६; प्रेरित १:१३

मर्कूस 3:14

आं नु काथा बाक्‍चा कली नु शेंथ सोइक्‍चा कली

मर्कूस 6:29

मिनु यूहन्‍ना आ शेंसीबपुकीमी “यूहन्‍ना साइक्‍चा पुंइसे बाक्‍त” देंशो नेंशा, जेल्‍खानमी लशा, आ बेक्‍शो रां लाइश्‍शा, थिम्‍मे बाक्‍त।

लूका 10:17

मिनु मेको ७० जना लशा शेंने थुम्‍शा, येसु आ बाक्‍तीके लेश्‍शा जाक्‍मा बाक्‍त। मिनु जाक्‍शा, येसु कली “प्रभु, इन नें थिशा, हुइश्‍शोनु वोलम यो टिशा प्रोक्‍बाक्‍तेक्‍म” दे थाम्‍पा ग्‍येरसीशा मदमे बाक्‍त। ७२ जना शेंसीब यो देंनीम।

लूका 17:5

मिनु शेंसीबपुकीमी येसु कली “प्रभु, आंइ थमा सुइक्‍तीक थुं बारपा गेकी” दे पुन्‍मे बाक्‍त।

लूका 22:14

मिनु भोज जचा कली येसु नु आ शेंसीबपुकी जथ निस्‍समा बाक्‍त।

लूका 24:10

मेको मो दुम्‍शो ताइब मीश मुर सु सु बाक्‍मा बाक्‍त देंशा हना, माग्‍दाला ङा मरीयम, योअन्‍ना नु याकूब आ ममा मरीयम बाक्‍मा बाक्‍त। मेको आन वारच का निक्‍शी यो बाक्‍मा बाक्‍त। लूका ८:२-३

लूका 6:13

मिनु आ दीसा नां सोव़शा, आ नोले खोइक्‍ब आन कली ग्रुम्‍शा, १२ जना आन कली योव़मी बाक्‍त। योव़शो आन कली “सोइश्‍शो” दे नें वोदा बाक्‍त। मत्ती १०:२-४; प्रेरित १:१३

लूका 9:10

मिनु येसु आ सोइश्‍शोपुकी येसु आ बाक्‍तीके लेम्‍मा बाक्‍त। मिनु मार मार पामे, दो दो पामे, मेको नेल्‍ल शोव़ङमे बाक्‍त। मिनु येसुमी मेको आन कली बेथसैदा सहरम लाइक्‍मी बाक्‍त।

प्रेरित 1:26

मिनु भोट तोक्‍गमे बाक्‍त। भोट तोक्‍गमेनु, मत्‍तीयस ग्रामाक्‍त। मोपा मत्‍तीयस यो सोइश्‍शो का दुम्‍शा तेम्‍सीशा, १२ जना सोइश्‍शो दुम्‍मा बाक्‍त। हितोपदेस १६:३३; निसाफ पाइब २१:१७