मर्कूस 6:14 - Sunuwar Bible

¹⁴ मिनु हेरोद पिपमी मेको लोव़ नेंना बाक्‍त। मारदे हना येसु आ नें तेइ तेइ ब्रशो बाक्‍माक्‍त। का निक्‍शी मुरपुकीमी “ब्‍वाक्‍कुमी ख्रुम्‍शा ग्रुंइब यूहन्‍ना बेक्‍शो रे सेंचा पुंइसे बाक्‍त। मोपतीके सक्ति पाइश्‍शो गेय पाइबाक्‍माक्‍त” देंबाक्‍मा बाक्‍त।

मर्कूस 6:14 ပူးပေါင်းရင်းမြစ်များ

२ इतिहास 26:15

मेकोमी यरूसलेम ङा गारो ङा लाइश्‍शो खिं तारी नु सुरपुकीम जोक्‍ब मुर आन सेल्‍शो ब्रा आप्‍तीक नु ठेयब फुल्‍लु आप्‍तीक वोइक्‍पदा बाक्‍त। आ ठेयब दुम्‍तीके तेइ तेइ ब्रशो बाक्‍माक्‍त। मेको सक्ति पाइश्‍शो दुम्‍माक्‍त। मारदे हना परमप्रभुमी मेको कली छक लाक्‍चा ङा पा वारच पवा बाक्‍त। मेको आ पर्बम शुश लोव़ ब्रशो बाक्‍माक्‍त।

२ इतिहास 26:8

मिनु अम्‍मोनीपुकीमी उज्‍जीयाह कली आन गेचा माल्‍शो मार मार गेमे बाक्‍त। मिनु मेको आ सोशो बोशो लोव़ इजीप्‍त आ नेक्‍था सम्‍म जाक्‍दीम्‍माक्‍त। मारदे हना मेको शुश सक्ति पाइश्‍शो दुम्‍शो बाक्‍माक्‍त।

मत्ती 9:31

तन्‍न मेको निक्‍शीमी चहिं आस रागी ङा मुर नेल्‍ल आन कली येसु आ पशो तुइक्‍पदसे बाक्‍त।

मर्कूस 1:28

मिनु गालील रागीमी तेइ तेइ येसु आ पर्बम लोव़ ब्रना ब्रन लमाक्‍त।

मर्कूस 1:45

मिनु साशो मुर मेकेर लशा, दोपा सामे, मेको लोव़ तेइ तेइ ब्रपदा बाक्‍त। मोदेंशो लोव़ ब्रतीके येसु सहर सहरमी गाक्‍ने मचबा बाक्‍त। मोपतीके शुश मुर मबाक्‍तीकेमी बाक्‍माक्‍त। तन्‍न मुरपुकी तेइ तेइ रे जाक्‍बाक्‍मा बाक्‍त।

मर्कूस 8:28

“का निक्‍शीमी ‘ब्‍वाक्‍कुम ख्रुम्‍शा ग्रुंइब यूहन्‍ना बाक्‍माक्‍त’ देंनीम। का निक्‍शीमी ‘एलीया बाक्‍माक्‍त’ देंनीम। का निक्‍शीमी ‘परमप्रभु यावे आ लोव़ पाइब का बाक्‍माक्‍त’ देंनीम” दे मदमे बाक्‍त। मर्कूस ६:१५

लूका 13:31

येसुमी शेंना शेंन बाक्‍मेनु, फरिसीपुकी जाक्‍शा, येसु कली “पिप हेरोदम इन कली ग्‍याइश्‍शा साइक्‍चा माल्‍शो बाक्‍ब। मोपतीके एक रे रीब पा लने” देंथ जाक्‍मा बाक्‍त।

लूका 3:1

सिजर तिबेरीयुस आ हुकुम पशो १५ बर्स दुम्‍मेनु, इस्राएल रागीम सासन पाइब सु सु बाक्‍मा बाक्‍त देंशा हना, यहूदीया रागीम पन्तीयस पिलातस, गालील रागीम हेरोद, इतुरीया नु त्राकोनीतीस रागीम हेरोद आ लोक्‍ब फिलीप नु अबीलेने रागीम लुसानीयस बाक्‍मा बाक्‍त।

लूका 7:17

मिनु यहूदीया नु एर ओंथ ङा रागी नेल्‍लेमी मेको लोव़ ब्रमाक्‍त।

लूका 9:19

मिनु मेकोपुकीमी “का निक्‍शीमी ब्‍वाक्‍कुम ख्रुम्‍शा ग्रुंइब यूहन्‍ना, का निक्‍शीमी एलीया, का निक्‍शीमी साइ नेसी ङा परमप्रभु यावे आ लोव़ पाइब का बेक्‍शो रे सेंसे बाक्‍त देंनीम” देंमा बाक्‍त। लूका ९:-८

१ थिस्‍सलोनिकी 1:8

ङोंइती गेपुकी प्रभु आ लोव़ मासीडोनीया नु आकाया रागी ङा मुर आन कली शेंताक्‍नी। मेको आन कली ला ममाइ, नेल्‍ल अर्को रागी ङा मुरपुकीमी यो इन परमप्रभु यावे थमा सुइक्‍तीके तुइक्‍ताक्‍म। मोपतीके गो मेकेर शेंचा ममाल्‍नीकी। रोमी १:८

हिब्रू 2:4

परमप्रभु यावेमी पपाइश्‍शो चिन्‍ड नु छक लाक्‍चा ङा गेय, सक्ति पाइश्‍शो शुश गेय नु परमप्रबु यावेमी आ दाक्‍शो पा योव़शा आ सोक्‍तीमी मुर आन कली पपाइश्‍शो गेय, मेको सांफा सांकछी बाक्‍नीम। मर्कूस १६:२०; २कोरिन्‍थी १२:१२; १कोरिन्‍थी १२:४-११; प्रेरित २:१-१३; प्रेरित १०:४४-४५