मर्कूस 5:7 - Sunuwar Bible

⁷ मिनु ठेयब सेंदामी ग्रीशा “परमप्रभु यावे, नेल्‍ल क्‍येङा ठेयब आ तौ, गो निक्‍शी मार पमुसा ङा? परमप्रभु आ नें थिशा, श्‍येत मगेयीनी दे पुंइनन्‍नी” देंमाक्‍त। मर्कूस १:२४

मर्कूस 5:7 ပူးပေါင်းရင်းမြစ်များ

उत्पत्ती 3:15

गे नु मेको मीश मुर जिशा, बाक्‍चा मलीसे। मेको आ युइ नु इ युइ जिशा बाक्‍नीमी। मीश मुर आ युइ कामी इ पिया दिम्‍शा प्रोल्‍ब। गे चहिं मेको आ गेंग्रेम कोक्‍नेवे” दे सराप पदा बाक्‍त। प्रकाश १२:४-५,१५-१७

१ राजा 22:16

मिनु पिपमी मेको कली “परमप्रभु यावे आ नेंमी थमा लोव़ ला पचा, दे गिश खेयप कसम जपाइक्‍नना?” देंमाक्‍त।

होसे 14:8

एफ्राइम ङा मुरपुकी, मूर्तिपुकी नु गो आं के मार गेय बाक्‍बा ङा? गो इन कली लोव़ लेत्‍नुङ। मिनु इन कली कोव़नुङ। गो तोव़शी रवा खोदेंशो पा गिग बाक्‍नुङ। इ फल फुल सित्‍चा आं सक्ति रे जाक्‍ब।

मत्ती 16:16

सिमोन पत्रुसमी “ब्रोंइशा बाक्‍ब परमप्रभु यावे आ तौ ख्रीस्‍त बाक्‍नीनी” देंत। यूहन्‍ना ६:६९

मत्ती 26:63

मिनु नेल्‍ल क्‍येङा ठेयब चढ़ेबमी “ब्रोंइशा बाक्‍ब परमप्रभु यावे आ नेंमी हिल्‍लो पाइनन, गे परमप्रभु यावे आ तौ ख्रीस्‍त नवे, दे मनवे?” देंमेनु, मत्ती २७:१२; यूहन्‍ना १०:२४

मत्ती 4:3

मिनु सैतानमी येसु कली “मार, गे परमप्रभु यावे आ तौ नवे हना, एको फुल्‍लु आन कली शोब्‍ले दुमीन देंशा शोब्‍ले सेलो” देंमाक्‍त। उत्‍पत्ती ३:१-७

मत्ती 8:29

मिनु मार दुम्‍माक्‍त देंशा हना, मेको निक्‍शीमी “परमप्रभु यावे आ तौ, गे नु गोपुकी मार पमुइया ङा? आंइ कली श्‍येत गेची मजाक्‍थु, मुल कना श्‍येत गेथ जाक्‍नी?” दे ग्रीसा बाक्‍त। लूका ४:४१; २पत्रुस २:४; याकूब २:१९

मर्कूस 1:24

मिनु मेको वाइ ब्रेश्‍शा “ए नासरथ ङा येसु, मार पमुया ङा? आंइ कली खतम पोक्‍थ जाक्‍नी? गो इन कली तुइक्‍नीकी। गे परमप्रभु यावे आ योव़शो ननी” देंमा बाक्‍त। मर्कूस ५:७

मर्कूस 14:61

मिनु येसु सिक्‍सी पा बाक्‍शा, लोव़ का यो मलेत्‍ता बाक्‍त। मिनु नेल्‍ल क्‍येङा ठेयब चढ़ेबमी “गे नेल्‍ल क्‍येङा मान ताइब परमप्रभु यावे आ तौ ख्रीस्‍त नवे?” दे हिल्‍लो पवानु,

मर्कूस 3:11

ग्रांग्रा दिचा ङा वोलपुकीमी येसु कली तशा, पोक्‍च थेक्‍शा “परमप्रभु यावे आ तौ ननी” दे वाइ ब्रेम्‍मा बाक्‍त। लूका ४:४१

मर्कूस 5:6

मेको मुरुमी येसु कली ङोन रे तशा, दोरशा पिशा, सेउ पवा बाक्‍त।

मर्कूस 5:8

मारदे हना येसुमी वोल कली “ए ग्रांग्रा दिचा ङा वोल, एको मुर रे ग्रूङो” दे माइश्‍शो बाक्‍माक्‍त।

लूका 1:32

मेको ठेयब दुम्‍ब। मेको कली नेल्‍ल क्‍येङा ठेयब आ तौ देंनीम। मिनु परमप्रभु, परमप्रभु यावेमी मेको कली आ किकी पिपी दाऊद आ ठेयब नित्‍तीके गेब। यसैया ९:६

लूका 4:34

“ओहो, नासरथ ङा येसु, मार पमुया ङा? आंइ कली साइक्‍थ जाक्‍नी? इन कली तुइक्‍ताक्‍क। गे परमप्रभु यावे आ योव़शो ननी” देंमाक्‍त।

लूका 6:35

इन जोरी सत्रु आन कली दाक्‍तीन। वारच पने। लेंशा ताक्‍चा ममिम्‍थु जेर गेने। मो पाइतीनी हना, गे ठेयब इनाम ताइनीनी। मिनु नेल्‍ल क्‍येङा ठेयब आ मुर दुम्‍नीनी। मारदे हना ‘रिम्‍शो पाइतीनी’ मदेंब नु आ अरेशो मटीब आन कली रिम्‍शो पाइब।

लूका 8:28

मेकोमी येसु कली तशा, वाइ ब्रेश्‍शा, आ ङोंइती बाप्‍शा, ठेयब सेंदा पा “येसु, नेल्‍ल क्‍येङा ठेयब, आ तौ, गो मार पमुया ङा? श्‍येत मगेयीनी, दे सेउ पाइनन्‍नी” देंमाक्‍त।

यूहन्‍ना 20:31

मिनु मेको ब्रेक्‍शो छक लाक्‍चा ङा गेयपुकी मारदे ब्रेक्‍शो बाक्‍नीम देंशा हना, गेपुकीमी “येसु ख्रीस्‍त, परमप्रभु यावे आ तौ बाक्‍ब” दे थमा सुइक्‍ने चापीन। मिनु थमा सुइश्‍शा, आ नेंमी गेना हना यो ब्रोंइशा बाक्‍चा ताइनीनी, दे ब्रेक्‍शो बाक्‍ब। १यूहन्‍ना ५:१३

प्रेरित 16:17

मिनु लांमी ग्रुम्‍शा, आंइ नोले खोइश्‍शा “एको मुर नेल्‍ल क्‍येङा ठेयब परमप्रभु यावे आ गेय पाइब नमी। पाप रे दोपा ब्रोंइचा, दे शेंशा गाक्‍ब नमी, इन कली लां कोंइब नमी” दे रेयके पना पन पित। मर्कूस १:२४,३४

प्रेरित 19:13

मिनु वोल आन कली खेरशा गाक्‍ब यहूदी का निक्‍शीमी पावल आ तस खोइश्‍शा, प्रभु येसु आ नें थिशा, वोल ग्रुंइशा खेरचा गोव़मे बाक्‍त। मेकोपुकीमी “पावलमी शेंशो येसु आ नेंमी ग्रूङो” दे वोल आन कली खेरचा बोल पाइबाक्‍मा बाक्‍त। लूका ९:४९

प्रेरित 8:36

मोपा लसा लसा ब्‍वाक्‍कु बाक्‍तीकेमी जाक्‍दीस्‍सा बाक्‍त। मिनु ठेयब मुरुमी “एकेर ब्‍वाक्‍कु बाक्‍त, एको ब्‍वाक्‍कुम ख्रुम्‍शा ग्रुंइचा पुंइसीनुङ, दुम्‍बा?” देंमाक्‍त।

रोमी 16:20

थुं नाइक्‍चा गेब परमप्रभु यावेमी रीब पा सैतान कली इन खोइल आगाम वोइक्‍ब। इं प्रभु येसु ख्रीस्‍तमी इन कली शिशी पवल।

हिब्रू 2:14

तमी तौ हुश नु रुश के जोल्‍शो नम। मोपतीके येसु ख्रीस्‍त मेकोपुकी नु खाल का ङा पा हुश नु रुश के दुम्‍त। बेक्‍पाइक्‍ब सक्ति पाइश्‍शो कली खतम पोक्‍चा कली आंमन बेक्‍त। २तिमोथी १:१०; १यूहन्‍ना ३:८

हिब्रू 7:1

मेको मेल्‍कीसेदेक सालेम ङा पिप नु नेल्‍ल क्‍येङा ठेयब परमप्रभु यावे आ चढ़ेब बाक्‍माक्‍त। अब्राहाममी आ जोरी सत्रु दुम्‍शो पिप आन कली ग्राशा साइश्‍शा ङा मिन लेम्‍मेनु, मेको मेल्‍कीसेदेकमी अब्राहाम कली ग्रुम्‍थ लशा, आसीक गेवा बाक्‍त। उत्‍पत्ती १४:१८-२०

याकूब 2:19

गेपुकी परमप्रभु यावे का ला बाक्‍ब, दे थमा सुइक्‍नीनी। मोपा रिम्‍शो पाइनीनी। वोलपुकीमी यो मेको थमा सुइश्‍शा हिंशा ख्रिंख्रि पाइनीम।

२ पत्रुस 2:4

का निक्‍शी परमप्रभु यावे आ स्‍वर्ग ङा गेय पाइबपुकी यो पाप पतीके शिशी मतामे। परमप्रभु यावेमी मेको आन कली नरकमी ताइश्‍शा, नेल्‍ल क्‍येङा मरिम्‍शो बाक्‍तीकेमी सोइक्‍ताक्‍मी। मिनु निसाफ पची नाक्‍त सम्‍म छिङछिङमी चोक्‍शा वोइक्‍तीमी।

१ यूहन्‍ना 3:8

सु चहिं मरिम्‍शो पना पन बाक्‍बा, मेको मुर सैतान रे जाक्‍शो बाक्‍ब। मारदे हना सैतान ङोंइती रे मरिम्‍शो पना पन बाक्‍शो बाक्‍ब। मोपतीके परमप्रभु यावे आ तौ सैतान आ गेय थुम्‍चा कली रागीमी जाक्‍त। यूहन्‍ना ८:४४

यहूदा 1:6

परमप्रभु यावे आ स्‍वर्ग ङा गेय पाइब का निक्‍शीमी परमप्रभु यावे कली मटिथु आन बाक्‍तीके प्रोंइतेक्‍म। परमप्रभु यावेमी मेको आन कली ठेयब निसाफ पची नाक्‍त सम्‍म गेना हना यो मप्रोंइचा ङा पा साङलोमी पाइश्‍शा, नेल्‍ल क्‍येङा मरिम्‍शो बाक्‍तीक छिङछिङमी वोइश्‍शो बाक्‍ब। उत्‍पत्ती ६:२-४

प्रकाश 12:12

मोपतीके स्‍वर्ग नु स्‍वर्गमी बाक्‍ब नेल्‍ल ग्‍येरसीन। तन्‍न रागी नु समुन्‍द्रम श्‍येत दुम्‍चाप्‍तु। मारदे हना सैतान थाम्‍पा गाइश्‍शा, रागी नु समुन्‍द्रम यित। मारदे गाइक्‍ताक्‍व देंशा हना, मुल आ गेय पचा शुश नाक्‍त मली, दे तुइक्‍ताक्‍व” देंशो नेंता।