मर्कूस 5:23 - Sunuwar Bible

²³ “आं तमी बेक्‍चा चिक्‍ताक्‍व। आं खिं लशा, इन गुइ आं आल आ तार वोतीने। मिनु आ रोइ साशा ब्रोंइब” दे पुना बाक्‍त।

मर्कूस 5:23 ပူးပေါင်းရင်းမြစ်များ

२ राजा 5:11

तन्‍न नामान गाइश्‍शा “गो मेको ग्रूशा राप्‍शा, थमा पा, परमप्रभु यावे, आ परमप्रभु आ नें थिशा पुंइशा, आं गार तार आ गुइ वोइश्‍शा, आं कोव़र सापाइक्‍ब, दे मिम्‍शो नङ।

भजन संग्रह 107:19

मोपा श्‍येत जशा, परमप्रभु यावे कली पुंइतेक्‍म। मिनु मेकोमी मेको आन कली आन श्‍येत रे प्रोंइतु।

भजन संग्रह 50:15

मिनु श्‍येत जनी नाक्‍त आं कली पुनीन। मिनु गो इन कली श्‍येत रे प्रोंइनन्‍नी। मिनु आं कली ‘गे ठेयब बाक्‍नीनी’ देंनीनी” देंत। भजन संग्रह ९१:१५

मत्ती 8:3

मिनु येसुमी आ गुइ दिंशा, कोर पाइब कली थिशा “गो सापाइक्‍चा दाक्‍नुङ” देंमेनु, ब्रा सामाक्‍त।

मर्कूस 16:18

बुस्‍स ग्‍याइक्‍ताक्‍म हना यो, ओश्‍येर तूतेक्‍म हना यो, मेको आन कली मारेइ मदुम्‍ब। रोइ पाइब आन तारी गुइ चाक्‍शा प्रार्थना पामेनु, सानीम” दे माइक्‍मी बाक्‍त। लूका १०:१९; प्रेरित २८:३-६; याकूब ५:१४-१५

मर्कूस 5:24

मिनु येसु मेको नु लमाक्‍त। मिनु शुश मुर मेको आ नोले खोइश्‍शा, हुल पा क्राक्‍शा लमा बाक्‍त।

मर्कूस 6:13

मिनु वोल आन कली ग्रुंइशा खेरबाक्‍मा बाक्‍त। रोइ पशो मुर आन कली तेल ख्रेक्‍शा, प्रार्थना पा सापाइक्‍बाक्‍मा बाक्‍त। याकूब ५:१४-१४

मर्कूस 7:32

मिनु नोफा मनेंब मुर का चाक्‍शा “एको तार इन गुइ वोतीने” दे पुन्‍मे बाक्‍त।

मर्कूस 8:23

मिनु येसुमी मिक्‍च मताइब कली गुइमी ग्‍याइश्‍शा ङा मिन, कीशा गाउं रे ग्रुंइशा लदा बाक्‍त। मिनु आ मिक्‍चीम थुथु पा तोक्‍शा, आ गुइ आ तारी वोइश्‍शा “मुल मार मार तवी?” दे हिल्‍लो पवा बाक्‍त। यूहन्‍ना ९:६

लूका 13:13

मोपा वोदानु, साशा राम्‍माक्‍त। मिनु ग्‍येरशा परमप्रभु यावे कली ठेयब सेला बाक्‍त।

लूका 4:38

मिनु येसु ग्रुम्‍तीक खिं रे गाक्‍शा, सिमोन आ खिं जाक्‍दीम्‍माक्‍त। सिमोन आ शिमी शुश जरो पा रोइ पा गोल्‍‍शो बाक्‍माक्‍त। मिनु खिं ङा मुरुमी येसु कली “सापतीन” दे पुन्‍मे बाक्‍त।

लूका 4:40

मिनु नां रिक्‍मेनु, शुश रोइ पाइब आन कली चाक्‍ग्‍मे बाक्‍त। मिनु येसुमी रोइ पाइब आन कली आ गुइ आन तारी चाक्‍शा, नेल्‍ल आन कली सापाइक्‍मी बाक्‍त।

लूका 7:12

मिनु सहर ङा ठेयब लाप्‍चो आ नेक्‍था जाक्‍दीम्‍मानु, मुरपुकीमी बेक्‍शो मुर का कुरशा पि‍शो तामे बाक्‍त। मेको वोंइश बेक्‍शो मीश मुर आ कांइचीक तौ बाक्‍माक्‍त। मेको मीश मुर नु सहर ङा शुश मुर मलामी लशो बाक्‍मा बाक्‍त।

यूहन्‍ना 11:3

मिनु मेको समी निक्‍शीमी मुर का कली येसु आ बाक्‍तीक सोइश्‍शा “प्रभु, इन दाक्‍शो वारच रोइ पाप्‍तु” दे येसु कली ब्रेप्‍पत्‍से बाक्‍त।

प्रेरित 28:8

पुब्‍लीयस आ खिंमी बा‍स बाक्‍कानु, आ आफ ख्‍युर पा जरो पा रोइ पशो बाक्‍त। मिनु पावलमी रोइ पाइब कली ग्रुम्‍थ लशा, आ गुइ मेको तारी वोइश्‍शा, प्रार्थना पा सापाइक्‍तु।

प्रेरित 6:6

मिनु योव़शो आन कली सोइश्‍शो आन ङोंइती राप्‍पदमे बाक्‍त। मिनु सोइश्‍शोपुकीमी योव़शो आन तारी आन गुइ वोइश्‍शा, मेको आन पर्बम परमप्रभु कली पुन्‍मे बाक्‍त। प्रेरित १:२४; प्रेरित १३:३; प्रेरित १४:२३

प्रेरित 8:17

मिनु पत्रुस नु यूहन्‍नामी आस गुइ थमा सुइक्‍ब आन तारी वोइश्‍शा, मेकोपुकी परमप्रभु यावे आ सोक्‍त तामे बाक्‍त।

प्रेरित 9:12

मिनु मेकोमी कोंइतीकेमी हनानीया माइश्‍शो मुर ओव़शा, मिक्‍च तपाइक्‍चा कली आ तारी गुइ वोइश्‍शो तशो बाक्‍ब” देंशो लोव़ नेंना बाक्‍त।

प्रेरित 9:17

मिनु हनानीया लशा, यहूदा आ खिं जाक्‍दीश्‍शा ओव़शा, सावल तारी आ गुइ चाक्‍शा “आं लोक्‍ब सावल, गे यरूसलेम रे पिवेनु, लांमी इ तशो प्रभु येसुम सोइक्‍ताक्‍यी। मिनु मिक्‍च ताइब दुमो, परमप्रभु यावे आ सोक्‍तीम ब्रीशो दुमो” देंमेनु,