मर्कूस 5:15 - Sunuwar Bible

¹⁵ मिनु येसु आ नेक्‍था जाक्‍शा, ङोंइती वोलमी ब्रीशो मुर वा फेक्‍शा, साशा, येसु नु निश्‍शो तामे बाक्‍त। मेको कली साशो तशा, हिंमा बाक्‍त।

मर्कूस 5:15 ပူးပေါင်းရင်းမြစ်များ

१ इतिहास 13:12

मेको नाक्‍ती दाऊद परमप्रभु क्‍येङा हिंमाक्‍त। मेकोमी “मुल ओं दुम्‍मेनु, गो परमप्रभु आ सन्‍दोस दोपा कोव़शा वोइक्‍नुङा?” देंमाक्‍त।

१ इतिहास 15:13

ङोंइती गे मेको कली मकुरतीके परमप्रभु यावे, इं परमप्रभु गोपुकी नु गाइक्‍ताक्‍व। मारदे हना गो मेको सन्‍दोस कली ठीक पा मचाक्‍क” देंमाक्‍त। १इतिहास १३:९-११

अय्‍युब 13:11

परमप्रभु आ मान ततीकेम इन कली महिंपाइक्‍बा? मेको आ हिंच कोंइशोमी इन कली ग्‍येत्‍थ लुक्‍च मसेल्‍बा?

भजन संग्रह 14:5

मिनु नोले मेकोपुकी शुश हिंशा, ख्रिंख्रि पाइनीम। मारदे हना परमप्रभु ठीक पाइब आन दातेमी बाक्‍ब।

मत्ती 12:29

नेनीने, बोल्‍यो मुर आ खिं खुइ पाइबमी ङोंइती मेको खिं ङा मुर कली ग्‍याइश्‍शा फ्रेंशा मवोइक्‍तु हना, आ खिं ङा मारेइ मारेइ दोपा लाइक्‍ने चाप्‍बा ङा? पाइश्‍शा नोले ला मेको आ खिं ङा मारेइ मारेइ लाइक्‍ने चाप्‍ब। मत्ती ४:१-११; यसैया ४९:२४

मत्ती 26:53

आं आफ कली ‘आफ, इन स्‍वर्ग ङा गेय पाइब हजार हजार आन कली सोइश्‍शा, आं कली वारच पा प्रोंइपाइय्‍यीनी’ दे पुंइता हना, गिश हना यो सोइश्‍शा, आं कली प्रोंइपाइक्‍ब, दे मतुइक्‍नीनी? १२ खेयप ६ हजार स्‍वर्ग ङा गेय पाइब ब्रेक्‍शो बाक्‍ब। मत्ती ४:११

मत्ती 4:24

मिनु सिरीया रागी नेल्‍ल मेको आ पर्बम लोव़ ब्रम्‍माक्‍त। मिनु रोइ पशो मुर नेल्‍ल आन कली येसु आ बाक्‍तीकेमी चाक्‍स ङा चाक्‍स पाइबाक्‍मा बाक्‍त। वोलमी तशो, वोलमी सुम्‍शो नु गुइ खोइल मदुक्‍ब मुर चाक्‍गमे बाक्‍त। मिनु येसुमी मेको नेल्‍ल आन कली सापाइक्‍मी बाक्‍त। मर्कूस ६:५५

मत्ती 9:33

मिनु येसुमी वोल कली ग्रुंइताक्‍व। मिनु मेको मुरुमी लोव़ पाप्‍तु। मिनु मेकेर बाक्‍बपुकीमी छक लाक्‍शा “इं इस्राएलमी ओदेंशो दुम्‍शो गेनायो मतशो नय” देंमुम्‍तेक्‍म।

मर्कूस 5:14

पोव़ योव़बपुकीमी मो दुम्‍शो तशा, प्रोक्‍शा, सहर नु मेको रागीमी लोव़ ब्रपदमे बाक्‍त। मिनु मुरपुकीमी “मार दुम्‍मे? दो दुम्‍मे?” दे तुइक्‍थ जाक्‍मा बाक्‍त।

मर्कूस 5:16

मिनु आन मिक्‍चीमी तशो तुइक्‍बपुकीमी नक जाक्‍शो मुर आन कली मार मार दुम्‍मे, मेको नेल्‍ल शोव़ङमे बाक्‍त।

मर्कूस 5:18

मिनु येसु डोंगामी ङोंइ‍सेनु, ङोंइती वोलम ब्रीशो मुरुमी “गे नु बाक्‍चा गेयीनी” दे पुना बाक्‍त।

मर्कूस 5:4

आ गुइ खोइली फ्रेंशा, साङलोमी पाइश्‍शा वोदमेनु यो, साङलो प्रोइश्‍शा प्रोक्‍बाक्‍माक्‍त। सुइमी मेको कली ग्राशा तेक्‍ने मचाप्‍बाक्‍मा बाक्‍त।

मर्कूस 5:9

मिनु “श्‍येत मगेयीनी, दे पुंइनन्‍नी” देंमेनु, येसुमी “इ नें मार में?” दे हिल्‍लो पवा बाक्‍त। मिनु मेकोमी “आं नें फौज बाक्‍ब, मारदे हना गो शुश बाक्‍नीकी” देंमाक्‍त।

लूका 10:39

मारथा आ लोक्‍ब मरीयम येसु आ खोइल आ नेक्‍था बाक्‍शा आ शेंशो नेंना बाक्‍त।

लूका 8:27

मिनु जाक्‍दीश्‍शा, डोंगा रे तोंइसामानु, वोलम सुम्‍‍शो मुर का सहर रे पिशा, येसु आ ङोंइती जाक्‍माक्‍त। मेको मुर वोलम सुमा रे शिश्रा गाक्‍शा, खिंमी मबाक्‍थु, बेक्‍शो मुर वोइक्‍तीकेमी बाक्‍शो बाक्‍माक्‍त। मोपा बाक्‍शो शुश बर्स दुम्‍शो बाक्‍माक्‍त।

कलस्‍सी 1:13

मेकोमी इं कली छिङछिङ ङा राज्‍य ङा अधिकार रे ग्रुंइशा, आ दाक्‍शो तौ आ राज्‍यमी ओंइताक्‍व। कलस्‍सी २:१५

२ तिमोथी 1:7

मारदे हना परमप्रभु यावेमी इं कली हिंब थुं मगेव। तन्‍न सक्ति पाइश्‍शो, दाक्‍पाइक्‍ब नु गेय पचा ङोंइती मिम्‍पाइक्‍ब थुं गेप्‍तु। रोमी ८:१५

१ सामुएल 16:4

मिनु सामुएलमी परमप्रभु यावे आ देंशो खोदेंशो पवा बाक्‍त। मेको बेथलेहेम लमाक्‍त। मिनु सहर ङा खूशोपुकी ख्रिंख्रि पा ग्रुम्‍थ जाक्‍शा, मेकोपुकीमी “गे मारदे जाक्‍नी? मार, नेल्‍ल रिम्‍शोन बाक्‍बा” देंमा बाक्‍त।