मर्कूस 5:13 - Sunuwar Bible

¹³ मिनु येसुमी लशा, ओव़चा गेमी बाक्‍त। मिनु ग्रांग्रा दिचा ङा वोलपुकी मुर रे ग्रूशा लशा, पोव़ आन रांमी ओव़मा बाक्‍त। मिनु मेको हजार निक्‍शी पोव़पुकी रोंगु रे यिना यिन, समुन्‍द्रमी ग्रुम्‍शा बेक्‍मा बाक्‍त।

मर्कूस 5:13 ပူးပေါင်းရင်းမြစ်များ

१ राजा 22:22

मिनु परमप्रभु यावेमी मेको कली ‘दोपा?’ दे हिल्‍लो पाप्‍तु। मिनु मेकोमी ‘गो लशा मेको आ नोले दुम्‍ब लोव़ पाइब नेल्‍ल आन शोव़मी जोल पाइब सोक्‍त का दुम्‍नुङ’ दें‍त। मिनु परमप्रभु यावेम मेको कली ‘गे थमा पा मेको कली क्‍युक्‍ने चाप्‍नेवे। गे लावो। मिनु इ देंशो पावो’ दें‍त। १यूहन्‍ना ४:६

अय्‍युब 1:12

मिनु परमप्रभु यावेम सैतान कली “दुम्‍ब मोदेंशोन दुम्‍ल। मेको के मार मार बाक्‍मे, मेको नेल्‍ल इ मिम्‍शो पावो। तन्‍न अय्‍युब कली चहिं मारेइ मपतो” दे मदा बाक्‍त। मिनु सैतान परमप्रभु यावे आ ङोंइती रे गाक्‍माक्‍त। ब्‍यवस्‍था ८:२

अय्‍युब 2:6

मिनु परमप्रभु यावेम सैतान कली “लो मो हना, मेको कली इ मिम्‍शो पावो। तन्‍न मेको कली मसतो” देंमाक्‍त।

मत्ती 7:6

हेंथे थिपाइक्‍चा मदुम्‍शो थोव़क कुचुम कली मगेने, पोव़ आन ङोंइती इन मोती मब्‍वारदीने। मारदे हना दिम्‍नीम। मिनु बिर लेश्‍शा इन कली ग्राम्‍थ पीनीम। मत्ती १०:११; लूका २३:९

मत्ती 8:32

मिनु येसुमी “लने” दे सोइक्‍तीमी बाक्‍त। मिनु मुर रे ग्रूशा, पोव़मी ओव़दीम्‍मा बाक्‍त। मिनु पोव़ नेल्‍ल गशा, डांडा रे यिना यिन समुन्‍द्रम प्रेक्‍ना प्रेक्‍न ग्रुम्‍शा बेक्‍मा बाक्‍त।

मर्कूस 5:12

मोपतीके वोलपुकीमी “मेको पोव़ गे लशा, आन रांमी ओव़चा गेकी” दे पुन्‍मे बाक्‍त।

मर्कूस 5:14

पोव़ योव़बपुकीमी मो दुम्‍शो तशा, प्रोक्‍शा, सहर नु मेको रागीमी लोव़ ब्रपदमे बाक्‍त। मिनु मुरपुकीमी “मार दुम्‍मे? दो दुम्‍मे?” दे तुइक्‍थ जाक्‍मा बाक्‍त।

यूहन्‍ना 8:44

इन आफ सैतान बाक्‍ब। मिनु गे इन आफ आ दाक्‍शो पचा दाक्‍नीनी। मेको चहिं ङोंइती रे मुर आन कली साइक्‍ब नु जोल पाइब बाक्‍त। मारदे हना मेको नु थमा देंशो बाक्‍सीन मबा। मोपतीके जोल ला पाइब। मेको जोल पना पन बाक्‍ब। जोल आ आफ बाक्‍त। १यूहन्‍ना ३८-१०; उत्‍पत्ती ३:४,१९

१ पत्रुस 3:22

मेको स्‍वर्ग लशा, परमप्रभु यावे आ ग्‍युरा गे बाक्‍ब। परमप्रभु यावे आ स्‍वर्ग ङा गेय पाइबपुकी, अधिकार तशोपुकी नु सक्ति पाइश्‍शो नेल्‍लेमी मेको आ देंशो टीनीम। एफिसी १:२०-२१

प्रकाश 20:7

मिनु मेको हजार का बर्स नोले सैतान पुं मपाइश्‍शो ढोडोङगा रे प्रोंइचा पुंइसाक्‍व।

प्रकाश 9:11

मेको आन के पिप का बाक्‍त। मेको पिप सु बाक्‍त देंशा हना, दुइश्‍शो, पुं मपाइश्‍शो ढोडोङगा ङा गेय पाइब बाक्‍त। मेको पिप आ नें हिब्रू लोव़मी अब्‍बादोन नु ग्रीक लोव़मी अपोल्‍लीयोन देंनीम। मेको निम्‍फा आस अर्थ चहिं खतम पाइब बाक्‍ब।