मर्कूस 4:5 - Sunuwar Bible

⁵ गेडा का निक्‍शी ग्‍याङग्रो खपीमी जुक्‍तमे बाक्‍त। मिनु शुश खप मबाक्‍तीके थे थु बुक्‍शा, जिव जाव वामा बाक्‍त।

मर्कूस 4:5 ပူးပေါင်းရင်းမြစ်များ

इजीकीएल 11:19

मिनु गो मेको आन कली थुं का ङा दुम्‍पाइक्‍नुङमी। मिनु मेको आन आगामी नक सोक्‍त का कुरपाइ‍नुङ। मिनु गो मेको आन फुल्‍लु खोदेंशो थुं ग्रुंइशा, श्‍ये के थुं कुरपाइ‍नुङमी। इजीकीएल ३६:२६; येरमीया २४:७

इजीकीएल 36:26

गो इन कली नक थुं का गेनुङ। मिनु गो इन थुंम नक सोक्‍त का कुर पाइनुङ। गो इन आगा रे फुल्‍लु के थुं ग्रुंइशा, मेको आ पा ङा श्‍ये के थुं कुर पाइनुङ। इजीकीएल ११:१९-२०; येरमीया ३१:३३

होसे 10:12

ठीक पतीक शोक्‍कीन। मिनु मप्रोंइचा ङा दाक्‍तीक अन्‍न खोदेंशो पा खुप्‍तीन। गे इन मवाक्‍शो रू वाक्‍तीन। मारदे हना इन परमप्रभु यावे कली माल्‍ची नाक्‍त जाक्‍त। मिनु मेको जाक्‍शा, गे इन कली पाप रे प्रोंइब। येरमीया ४:३; यसैया ५५:६

आमोस 6:12

मेकोमी “मार, शारा रोंगुम दोरनीमी ङा? मार, मेकेर ब्‍यफ वाक्‍नीमी ङा? तन्‍न गेपुकीम ठीक निसाफ कली दूली सेल्‍तीनी। ठीक पतीक कली कशो सेल्‍तीनी। आमोस ५:७

मत्ती 13:20

ग्‍याङग्रो खपीम शोक्‍शो खोदेंशो बाक्‍त हना, देंशो चोटी बिश्‍शा ग्‍येरसीब।

मर्कूस 4:4

मिनु ब्‍वारानु, गेडा का निक्‍शी लांमी जुक्‍तमे बाक्‍त। मिनु चिक्‍बीमी गुप्‍शा जामे बाक्‍त।

मर्कूस 4:6

तन्‍न नां पवानु, सोल सुल बेक्‍मा बाक्‍त, मारदे हना शाक्‍श थोक्‍चा मतथु सोव़मा बाक्‍त।

लूका 8:13

ग्‍याङग्रो खपीम जुक्‍शो देंशो मुरपुकीमी परमप्रभु यावे आ लोव़ नेंशा, बिश्‍शा ग्‍येरसीनीम। तन्‍न शाक्‍श थोक्‍चा मतथु शुश मलीथु, थुं थाम्‍चा पुंइस‍मानु, थमा सुइक्‍चा प्रोंइनीम।

लूका 8:6

का निक्‍शी ग्‍याङग्रो खपम जुक्‍तमे बाक्‍त। मिनु वामा चोटी सिक्‍शो नु खप मतथु सोव़शा बेक्‍मा बाक्‍त।