मर्कूस 4:41 - Sunuwar Bible

⁴¹ मेकोपुकी चहिं छक लाक्‍शा, शुश हिंशा “फश नु ब्‍वाक्‍कुमी यो आ लोव़ टीबाक्‍ताक्‍से। एको सु बाक्‍म माइ?” दे लोव़ पमुमा बाक्‍त।

मर्कूस 4:41 ပူးပေါင်းရင်းမြစ်များ

अय्‍युब 38:11

मिनु गो मेको कली ‘गे ओशो सम्‍म ला जाक्‍ने चाप्‍नेवे। एकेर सम्‍म ला जाक्‍नेवे। इन ठेयब छालपुकी मेक उइ देक्‍चा माल्‍नीम’ दे माइक्‍तामी।

भजन संग्रह 89:7

आंम मुर आन बुक्‍तीकेमी परमप्रभु कली मान पा हिंनीम। मेको आ एर ओंथ बाक्‍ब नेल्‍ल आन क्‍येङा मेको शुश ठेयब नु मान पा हिंचा माल्‍शो बाक्‍ब।

मलाकी 2:5

आं पशो कबल ब्रोंइतीक नु थुं नाइक्‍तीक कबल बाक्‍ब। गो मेको कबल आं कली मान पा हिंल, दे गेता। मेकोमी आं कली मान पा आं नें थिचा शुश हिंत।

मत्ती 14:32

डोंगा ङोंइ‍साक्‍स। मिनु फश यो दिक्‍त।

मत्ती 8:27

मोदेंब पशो तशा “ओहो, एको मुर सु बाक्‍म माइ? फश नु समुन्‍द्रमी यो आ लोव़ टीबाक्‍ताक्‍से” देंमुमा बाक्‍त।

मर्कूस 4:40

मिनु शेंसीब आन कली “मारदे हिंनी? आं कली थमा मसुइक्‍नीनी?” देंमाक्‍त।

मर्कूस 5:1

मिनु आइक्‍ची हांबु गेरासीनी आन रागी जाक्‍दीम्‍मा बाक्‍त।

मर्कूस 5:33

मिनु मीश मुरुमी हिंशा ख्रिंख्रि पा पिशा, येसु आ ङोंइती बाप्‍शा, पोक्‍च थेक्‍शा, लोव़ नेल्‍ल शोव़ङा बाक्‍त।

मर्कूस 7:37

मिनु आ लोव़ नेंबपुकी थाम्‍पा छक लाक्‍शा “मेकोमी नेल्‍ल रिम्‍शो सेल्‍बाक्‍त। नोफा मनेंब आन कली नोफा नेंब सेल्‍बाक्‍त। लोव़ पस मजोक्‍ब आन कली लोव़ पाइब सेल्‍बाक्‍त” दें‍मा बाक्‍त।

लूका 4:36

मो दुम्‍शो तशा, मुरपुकी छक लाक्‍शा “मार लोव़ बाक्‍म माइ? मारदे हना अधिकार नु सक्ति पाइश्‍शो लोव़ पवानु, वोलपुकी ग्रूबाक्‍तेक्‍म” देंमुमा बाक्‍त।

लूका 8:25

मिनु शेंसीब आन कली “इन थमा सुइक्‍तीक ते लम?” देंमाक्‍त। मेकोपुकी चहिं हिंशा, छक लाक्‍शा “फश गिवार नु ब्‍वाक्‍कुमी यो आ लोव़ टीबाक्‍तेक्‍म, एको सु बाक्‍म माइ?” दे लोव़ पमुमा बाक्‍त।

हिब्रू 12:28

मोपतीके गेनायो महिम्‍सीब राज्‍य ओव़चा ताइनय, दे तुइश्‍शा, परमप्रभु यावे कली मान पा ठेयब सेल्‍ना सेल्‍न “गे रिम्‍शो पाइब बाक्‍नीनी” देंशा, ग्‍येरशा आ दाक्‍शो गेय पना पन बाक्‍य।

प्रकाश 15:4

नेल्‍लेमी इन कली मान पा हिंशा इन नें ठेयब सेल्‍नीमी। मारदे हना गे ला परमप्रभु बाक्‍नीनी। रागी रागी ङा मुर नेल्‍ले इन ङोंइती जाक्‍शा, पोक्‍च थेक्‍शा, खुम्‍की पा बाप्‍नीमी। मारदे हना इन निसाफ पतीके नेल्‍लेमी ताम्‍तेक्‍म” देंशो कुम्‍सो आ लोव़ बाक्‍त। भजन संग्रह ८६:९; येरमीया १६:१९-२१

१ सामुएल 12:24

मिनु परमप्रभु यावे कली मान पा हिनीन। इन थुं नेल्‍लेम थमा पा मेको कली ठेयब सेलीन। मेकोमी इन कली गिश ठेयब गेय पशो बाक्‍मे, मेको मिम्‍तीन। ब्‍यवस्‍था ६:१२-१५