मर्कूस 4:39 - Sunuwar Bible

³⁹ मिनु येसु बोक्‍शा, फश गिवार कली हुइश्‍शा, समुन्‍द्र कली “ब्‍वालेइ पावो, मदुक्‍को” देंमेनु, फश गिवार ख्रा दिक्‍माक्‍त। मिनु सिक्‍सी दुम्‍माक्‍त।

मर्कूस 4:39 ပူးပေါင်းရင်းမြစ်များ

अय्‍युब 38:11

मिनु गो मेको कली ‘गे ओशो सम्‍म ला जाक्‍ने चाप्‍नेवे। एकेर सम्‍म ला जाक्‍नेवे। इन ठेयब छालपुकी मेक उइ देक्‍चा माल्‍नीम’ दे माइक्‍तामी।

भजन संग्रह 107:29

मेकोमी फश गिवार दिक्‍पाइक्‍तु। मिनु ठेयब समुन्‍द्र आ छाल दिक्‍तेक्‍म।

भजन संग्रह 148:8

मी नु मुप्‍स, फुं नु फुरश नु फश गिवारमी आ देंशो टीनीम।

भजन संग्रह 29:10

परमप्रभु यावे आ ठेयब नित्‍तीके ब्‍वाक्‍कु तारी बाक्‍ब। मेको आ ठेयब नित्‍तीकेम निश्‍शा, गेना हना यो सासन पाइब।

भजन संग्रह 65:7

गे समुन्‍द्र आन ग्रीशो सिक्‍सी पपाइक्‍तीनी। गे समुन्‍द्र आन बोक्‍शो नाइक्‍पाइक्‍नीनी। मिनु जात जात ङा मुर आन जिचा खेचा साम्‍नीनी। भजन संग्रह ८९:१०

भजन संग्रह 89:9

गे बारशो समुन्‍द्र कली हुकुम पाइनीनी। मिनु मेको आन छाल बोक्‍मेनु गे नाइक्‍पाइक्‍नीनी। भजन संग्रह ६५:८; मत्ती ८:२६

प्रस्‍थान 14:16

इ कोक्‍के लल समुन्‍द्र तार दिंदो। मो पवीनु, समुन्‍द्र ब्राशा, गाक्‍तीक लां दुम्‍ब। इस्राएलीपुकी हिलो मबाक्‍शो लांम गाक्‍ने चाप्‍नीम।

प्रस्‍थान 14:22

मिनु इस्राएलीपुकी समुन्‍द्र ङा सोव़शो लां लाम्‍तेक्‍म। समुन्‍द्र ङा ब्‍वाक्‍कु चहिं आन ग्‍युरा नु पेरा गे गारो खोदेंशो पा बाक्‍त। यहोसु ४:२३; २राजा २:८; यसैया ११:१५-१६; १कोरिन्‍थी १०:१; हिब्रू ११:२९

हितोपदेस 8:29

ठेयब समुन्‍द्र आ शुंइच वोइक्‍ची ना नु रागी आ जग वोइक्‍ची ना गो नङ। भजन संग्रह १०४:९

येरमीया 5:22

मार, गे आं कली मान पा हिंचा ममाल्‍नीनी ङा? गे आं ङोंइती ख्रिंख्रि मपाइनीनी? गो समुन्‍द्र आ सांद कली बाल्‍वा वोइक्‍ता। आ छाल बोक्‍तेक्‍म हना यो, मेको कली ख्राक्‍ने मचाप्‍नीम। मेकोपुकी शुश बोल पाम्‍तेक्‍म हना यो, मेको कली लाक्‍ने मचाप्‍नीम। ठेयब रेयके पाम्‍तेक्‍म हना यो, लाक्‍ने मचाप्‍नीम। बजन संग्रह १०४:९

बिलाप 3:31

परमप्रभुमी मुर आन कली आ ङोंइती रे गेना हना यो मतिल्‍ब। यसैया ५४:८

नहुम 1:4

मेकोमी ठेयब समुन्‍द्र कली हुइक्‍तानु, सोव़ब। मेकोमी खोला नेल्‍ल आन कली सोव़पाइक्‍ब। बाशान ङा बी ब्‍यफ योव़तीके नु कारमेल पहाड ङा मारेइ मारेइ सोल सुल बेक्‍नीम। लेबानोन ङा फू यो सोल सुल बेक्‍नीम।

मत्ती 8:26

मिनु येसुमी “मारदे हिंनी? गे थमा पा थमा सुइक्‍ने मचाप्‍बपुकी” देंशा बोक्‍शा, फश नु समुन्‍द्र आस कली हुइक्‍ता बाक्‍त। मिनु सिक्‍सी पाम्‍से बाक्‍त। भजन संग्रह ८९:१०; प्रेरित २७:२२,३४

मर्कूस 4:38

येसु चहिं पिया थांइसीशा इप्‍शा निन्‍द्रा पवा बाक्‍त। शेंसीबपुकीमी “ए शेंब, गो नेल्‍ल ब्‍वाक्‍कुमी ग्रुम्‍शा बेक्‍चांइतय दे ममिम्‍तीनी?” देंशा सेंदमे बाक्‍त।

मर्कूस 9:25

मिनु येसुमी शुश मुर आन कली एर ओंथ रे जाक्‍शो तशा, ग्रांग्रा दिचा ङा वोल कली “गे लाटा नु नोफा मनेंब वोल, गेनायो लेंशा मओव़चा ङा पा ग्रूशा लावो” दे हुइश्‍शा, खेरा बाक्‍त।

लूका 4:35

मिनु येसुमी वोल कली “रेयके मपथु, ग्रूङो” दे हुइक्‍ता बाक्‍त। मिनु वोलमी मुर कली श्‍येत मगेथु, दिङ खोल्‍शा वोइश्‍शा ग्रूमाक्‍त।

लूका 4:39

मिनु येसु मेको आ नेक्‍था राप्‍शा, जरो कली हुइक्‍ता बाक्‍त। मिनु हुइक्‍तानु, जरो जाम्‍माक्‍त। मिनु साशा छुल बोक्‍शा, येसु नु आ वारच आन कली जचा गेमी बाक्‍त।

लूका 8:24

मोपतीके शेंसीबपुकीम येसु कली पोक्‍शा “शेंब, शेंब! मुल बेक्‍चांइतय, है” दे हिंशा ख्रिंख्रि पा देंमा बाक्‍त। मिनु येसु बोक्‍शा, फश गिवार नु छाल कली हुइक्‍ता बाक्‍त। मिनु फश गिवार नाइश्‍शा ब्‍वाक्‍कु यो ख्रा दिक्‍माक्‍त। मिनु सिक्‍सी दुम्‍माक्‍त।