मर्कूस 4:37 - Sunuwar Bible

³⁷ मिनु लमानु, ठेयब फश गिवार पचा गोवा बाक्‍त। फश गिवार पवानु, ब्‍वाक्‍कु डोंगामी ओव़शा, ग्रुम्‍चवा बाक्‍त।

मर्कूस 4:37 ပူးပေါင်းရင်းမြစ်များ

अय्‍युब 1:12

मिनु परमप्रभु यावेम सैतान कली “दुम्‍ब मोदेंशोन दुम्‍ल। मेको के मार मार बाक्‍मे, मेको नेल्‍ल इ मिम्‍शो पावो। तन्‍न अय्‍युब कली चहिं मारेइ मपतो” दे मदा बाक्‍त। मिनु सैतान परमप्रभु यावे आ ङोंइती रे गाक्‍माक्‍त। ब्‍यवस्‍था ८:२

अय्‍युब 1:19

मेना गोरशो रागी रे फश गिवार जाक्‍शा, खिं आ एर ओंथ नेल्‍ल रे थोक्‍ताक्‍व। मिनु मेको खिं मेको आन तार ब्रेश्‍शा, मेको नेल्‍ल आन कली चिप्‍शा साइक्‍तु। इन कली एको लोव़ शोव़चा कली गो का ला ब्रोंइती” देंमाक्‍त।

योना 1:4

मिनु परमप्रभु यावेमी समुन्‍द्रमी ठेयब फश पपदा बाक्‍त। मोपा ठेयब फश गिवारम पतीके मेको डोंगा जिक्‍‍चा चिक्‍ता बाक्‍त।

मर्कूस 4:36

मिनु देल्‍शो मुरपुकी नु ब्राशा, डोंगा का ङोइश्‍शा, लमा बाक्‍त। अरु डोंगा का निक्‍शी यो लमा बाक्‍त।

मर्कूस 4:38

येसु चहिं पिया थांइसीशा इप्‍शा निन्‍द्रा पवा बाक्‍त। शेंसीबपुकीमी “ए शेंब, गो नेल्‍ल ब्‍वाक्‍कुमी ग्रुम्‍शा बेक्‍चांइतय दे ममिम्‍तीनी?” देंशा सेंदमे बाक्‍त।

प्रेरित 27:41

मो पामेनु, जहाज बाल्‍वामी ओव़दीश्‍शा, आ शोव़ ग्रुक्‍साक्‍व। आ मीलु चहिं ब्‍वाक्‍कुम आप्‍शा जिक्‍त।

२ कोरिन्‍थी 11:25

खेयप सां कोक्‍केमी तुप्‍तीमी। काले फुल्‍लु आप्‍तीमी। खेयप सां आं ङोइश्‍शो जहाज समुन्‍द्रम ग्रुम्‍शा हेरा बेक्‍ती। मो दुम्‍मेनु, काब नाक्‍दो नाक्‍ती समुन्‍द्रम बाक्‍ती। प्रेरित १६:२२; प्रेरित १४:१९