मर्कूस 4:24 - Sunuwar Bible

²⁴ मिनु येसुमी “गे मार नेंनी, मेको नोफा दाइश्‍शा नेनीने। दोपा नाक्‍शा गेनीनी, मोपा नाक्‍चा पुंइसीनीनी। मत्ती ७:२

मर्कूस 4:24 ပူးပေါင်းရင်းမြစ်များ

हितोपदेस 19:27

आं तौ, गे जोक्‍ब मुर आन लोव़ रे हेंथे लचा प्रोनो। मो पाप्‍तीवी हना गे शेंशो लोव़ नेंने चाप्‍नेवे। याकूब १:२२

यसैया 55:3

इन नोफा दाइश्‍शा, आं गे जाक्‍कीन। नेंशा, ब्रोंइनीनी। गे ब्रोंइशा बाक्‍चा कली आं लोव़ नेनीन। मिनु गो गेपुकी नु गेना हना यो लीब कबल का पाइनुङ। दाऊद कली खोदेंशो पा इन कली यो गेना हना यो दाक्‍नुङ। २सामुएल ७:८-१६; येरमीया ३१:३१-३४; प्रेरित १३:३४

येरमीया 17:21

परमप्रभु यावेमी “गेपुकी होस पा बाक्‍कीन। मिनु गे नाइक्‍तीक नाक्‍त ठेयब लाप्‍चो आगाम मारेइ भारी मकुरीन। यरूसलेम ङा गारो ङा ठेयब लाप्‍चो रे पा आगा मारेइ मओंइदीन। प्रस्‍थान २०:८-१०

मत्ती 7:2

दोपा नाक्‍तीनी, मोपा नाक्‍चा पुंइसीनीनी। दोपा पुक्‍शा गेनीनी, मोपान पुक्‍शा ताइनीनी। यसैया ३३:१; मर्कूस ४:२४

मर्कूस 9:7

मिनु गोस्‍सुमी नेल्‍ल आन कली गिल्‍मी बाक्‍त। गोस्‍स आगा रे सेंदा का ग्रूशा “एको आं दाक्‍शो तौ बाक्‍ब। आ लोव़ नेनीने” देंशो नेन्‍मे बाक्‍त। मर्कूस १:११; २पत्रुस १:१७

लूका 8:18

होस पा, रिम्‍शो पा नेनीन। मारदे हना रुप्‍बमी तेम्‍शा रुप्‍पाइक्‍चा पुंइसीब, मरुप्‍बम चहिं इच्‍का खोइ रुप्‍शो यो, रोइश्‍शा लाइक्‍चा पुंइसीब” दे शेंदीमी बाक्‍त। मत्ती २५:२९

यूहन्‍ना 10:16

मेको गोठ ङा ला ममाइ, अरु गोठ ङा भेडा यो आं के बाक्‍नीमी। गो मेको आन कली यो चाक्‍चा माल्‍नुङ। मेकोपुकीमी आं सेंदा नेंशा, आं कली टीनीमी। मोपा गोठला का नु बगाल का दुम्‍ब। यूहन्‍ना ११:५२; प्रेरित १०:३४-३५

यूहन्‍ना 10:27

गो आं भेडा आन कली तुइक्‍नुङमी। मिनु मेकोपुकीमी आं सेंदा नेंशा आं नोले खोइक्‍नीमी। भजन संग्रह ९५:७

यूहन्‍ना 5:25

नोफा दाइश्‍शा नेनीन, बेक्‍शो मुरपुकीमी मुल परमप्रभु यावे आ तौ आ सेंदा नेंनीम। सुमी नेंबा, मेको गेना हना यो ब्रोंइशा बाक्‍चा ताइब। एफिसी २:५-६

प्रेरित 17:11

बेरोइया सहर ङा यहूदीपुकीमी थिस्‍सलोनीकी ङा मुर आन पशो खोदेंशो मपामे बाक्‍त। तन्‍न नोफा दाइश्‍शा पावल नु सिलास आस लोव़ नेंशा परमप्रभुमी ब्रेक्‍पाइश्‍शो लोव़ नु मेको आस शेंशो लोव़ गारबा देय मगारबा कोव़चा कली नाक्‍त किंत किंत जाक्‍मा बाक्‍त। यूहन्‍ना ५:३९

२ कोरिन्‍थी 9:6

आंम आन दाक्‍स पा, चाप्‍स पा, गेचा चहिं दोदेंशो रुम्‍सीब देंशा हना, वांचेर शोक्‍ग‍मेनु, इच्‍का ला शोक्‍बमी, इच्‍का ला खुप्‍चा ताइब। तन्‍न शुश शोक्‍बमी शुश खुप्‍चा ताइब। हितोपदेस ११:२४-२५; हितोपदेस १९:१७

हिब्रू 2:1

इं नेंशो लोव़ थुंमी वोइक्‍चा माल्‍ब। थुंमी मवोइक्‍तय हना, मेको लोव़ साम्‍नय।

१ पत्रुस 2:2

नक थिशो आलम दूध तूचा माल्‍शो खोदेंशो पा, गे यो परमप्रभु यावे आ लोव़ तुइक्‍चा मालीन। गे मोदेंशो पाइतीनी हना, इन पाप रे ब्रोंइशो थुं बारना बारन लाइब। हिब्रू ५:१२-१३; मत्ती १८:३

१ यूहन्‍ना 4:1

आं दाक्‍शो लोक्‍बपुकी, शेंबपुकीमी शेंदमेनु, गेपुकीमी परमप्रभु यावे रे पा शेंनीमी देय मशेंनीमी मेको रुपीन। मारदे हना रागीमी शुश दूली पा, परमप्रभु यावे आ लोव़ पाइब बाक्‍नीम। मत्ती ७:१५