मर्कूस 4:20 - Sunuwar Bible

²⁰ रिम्‍शो खपीम शोक्‍शो खोदेंशोपुकीमी चहिं परमप्रभु यावे आ लोव़ नेंशा, आन थुंमी वोइक्‍नीम। मिनु गेडा का के ३०, ६० सहे का गेडा सम्‍म सिश्‍शा ग्रेल्‍नीम” दे शेंदीमी बाक्‍त।

मर्कूस 4:20 ပူးပေါင်းရင်းမြစ်များ

उत्पत्ती 26:12

मिनु इसहाकमी मेको रागीमी मार मार शोक्‍शा, मेको बर्सम गेडा का के सहे का गेडा सम्‍म सिप्‍पाइश्‍शा ख्रेला बाक्‍त। मारदे हना परमप्रभु यावेमी इसहाक कली आसीक गेवा बाक्‍त। हितोपदेस १०:२२

मत्ती 13:23

सुमी नेंशा रुप्‍बा, मेको चहिं रिम्‍शो खपीम जुक्‍शो वांचेर खोदेंशो शुश ग्रेल्‍शा, गेडा का के सहे का, ६०, ३० सम्‍म सिप्‍ब” दे शेंताक्‍मी।

मत्ती 13:8

मिनु का निक्‍शी रिम्‍शो खपीम जुक्‍तमे बाक्‍त। मिनु वाशा शुश ग्रेल्‍शा, गेडा का के सहे का, ६०, ३० सिम्‍मा बाक्‍त।

मर्कूस 4:8

का निक्‍शी चहिं रिम्‍शो खपीम जुक्‍तमे बाक्‍त। मिनु वाशा बारशा, शुश ग्रेल्‍शा, गेडा का के ३०, ६०, सहे का सम्‍म सिम्‍मा बाक्‍त” दे शेंदीमी बाक्‍त।

लूका 8:15

रिम्‍शो खपीम जुक्‍शो देंशो मुरपुकीमी परमप्रभु यावे आ लोव़ नेंशा, आन रिम्‍शो थुंमी वोइश्‍शा, मिम्‍शा बाक्‍मानु, मेको लोव़ आन थुंमी सिप्‍ब। प्रेरित १६:१४

यूहन्‍ना 15:16

गेपुकीमी आं कली मयोव़यीनी। तन्‍न गेपुकी लशा फल सिश्‍शा, इन सिश्‍शो फल लील, दे गो इन कली योव़तन्‍नी। मिनु गेपुकीमी आं आफ कली आं नेंमी इन दाक्‍शो पुंइनीनु, आं आफोमी इन कली गेवल, दे वोइक्‍तन्‍नी।

यूहन्‍ना 15:2

आं आफोमी फल मसिप्‍ब राशी आन कली ख्रोइश्‍शा ताइक्‍ब। फल सिप्‍ब राशी कली मेको क्‍येङा शुश फल सिप्‍पाइक्‍चा, दे मुंइशा वोइक्‍ब। यूहन्‍ना १३:१०; १पत्रुस १:२३

रोमी 7:4

आं लोक्‍बपुकी, येसु ख्रीस्‍त बेक्‍शोमी परमप्रभु यावे आ अरेशो लोव़ टिने मचाम्‍सीब देंतीक थुं बेक्‍त, दे रुपीन। मुल बेक्‍शो रे सेंचा पुंइसीशो ख्रीस्‍त नु काथा दुम्‍शा, इन पशो रे पा परमप्रभु यावे कली गेय पाइनय।

फिलिप्‍पी 1:11

गेपुकी येसु ख्रीस्‍तमी पपाइश्‍शो ठीक पतीकेमी ब्रीशो बाक्‍तीनी हना, परमप्रभु यावे सक्ति पाइश्‍शो नु ठेयब बाक्‍ब, दे तुंइसीब। एफिसी ५:९

कलस्‍सी 1:10

इन ङोंइती शिरशो मुर दुम्‍मल। आन पशो नेल्‍लेमी इन कली ग्‍येरपदमेक्‍ल। रिम्‍शो पामेनु, इन कली तुइक्‍तीके आन थुंमी बारना बारन लल। एफिसी ४:१; फिलिप्‍पी १:२७

१ थिस्‍सलोनिकी 4:1

मिनु आंइ नोले ङा लोव़, आं लोक्‍बपुकी, प्रभु येसु आ नेंमी इन कली शुश शेंतीक नु अरेतीक लोव़ पाइनीकी। गेपुकी आंइ कली दोपा बाक्‍शो तनी, मोपा बाक्‍शा, परमप्रभु यावे कली ग्‍येरपतीन। गेपुकी मेको क्‍येङा यो शुश रिम्‍शो पने।

२ पत्रुस 1:8

गेपुकी मोदेंशो शुश पाइतीनी हना, इं प्रभु येसु ख्रीस्‍त कली तुइक्‍तीकेमी रिम्‍शो पा शुश फल सिश्‍शो खोदेंशो दुम्‍ब।