मर्कूस 4:15 - Sunuwar Bible

¹⁵ लांमी शोक्‍शो दोदेंशो बाक्‍नीम देंशा हना, लोव़ नेन्‍मेनु, सैतानमी आन थुंमी रुप्‍शो लोव़ योल्‍ब।

मर्कूस 4:15 ပူးပေါင်းရင်းမြစ်များ

उत्पत्ती 19:14

मिनु लोतमी आ तमी आस कली ग्‍युंबे पचशो वोंइश आल आस कली ग्रुम्‍शा “बोक्‍कीस, सहर रे लसे। मारदे हना परमप्रभु यावेमी सहर क्‍याम्‍ब” दे माइक्‍सी बाक्‍त। मेको निक्‍शीमी चहिं “रित्‍चा ङा लोव़ बाक्‍त” दे मिम्‍तसे बाक्‍त। गन्‍ती १६:२१

यसैया 53:1

आंइ नेंशो लोव़ सुम थमा सुदमे ङा? मिनु परमप्रभु यावे आ सक्ति सुम तामे ङा? यूहन्‍ना १२:३८; रोमी १०:१६; यसैया ५२:१०

जकरिया 3:1

मिनु परमप्रभु यावे आ स्‍वर्ग ङा गेय पाइबमी नेल्‍ल क्‍येङा ठेयब चढ़ेब यहोसु कोंइताक्‍यी। मेको परमप्रभु यावे आ स्‍वर्ग ङा गेय पाइब आ ङोंइती राप्‍शो बाक्‍त। मिनु सैतान मेको कली दोस गेचा कली आ ग्‍युरा गे राप्‍शो बाक्‍त। हाग्‍गै १:१; अय्‍युब १:९; प्रकाश १२:१०

मत्ती 13:19

सुमी परमप्रभु यावे आ राज्‍य ङा लोव़ नेंशा मरुबा, मेको लांमी जुक्‍शो वांचेर खोदेंशो बाक्‍ब। सैतानमी आ रुप्‍शो क्‍याम्‍शा गेब।

मत्ती 22:5

तन्‍न ब्रेत्‍चा पुंइसीब नेल्‍लेमी ग्‍युंबे जथ लचा थुं मपथु, का आ रूमी गेय पथ लमाक्‍त, का ग्‍याप्‍तीक लेयतीक गेय पथ लमाक्‍त।

मत्ती 4:10

मिनु येसुमी “लावो, सैतान। मारदे हना ‘परमप्रभु यावे कली ला सेउ पावो। मिनु ठेयब सेलो’ देंशा ब्रेक्‍शो बाक्‍ब” देंमाक्‍त। ब्‍‍यवस्‍था ६:१३

मर्कूस 4:14

वांचेर शोक्‍बमी परमप्रभु यावे आ लोव़ शोक्‍‍ब।

मर्कूस 4:16

ग्‍याङग्रो खपीम शोक्‍शो खोदेंशोपुकीमी लोव़ नेंशा, बिश्‍शा ग्‍येरसीनीम।

मर्कूस 4:4

मिनु ब्‍वारानु, गेडा का निक्‍शी लांमी जुक्‍तमे बाक्‍त। मिनु चिक्‍बीमी गुप्‍शा जामे बाक्‍त।

लूका 8:12

लांमी जुक्‍शो गेडा देंशो मुरपुकीमी परमप्रभु यावे आ लोव़ नेंनीम। तन्‍न सैतानमी मेको लोव़ प्रेंपाइक्‍ब। मोपा थमा मसुइक्‍नीम। मिनु पाप रे ब्रोंइचा मताइनीम।

प्रेरित 17:32

मिनु बेक्‍शो रे सेंचा पुंइसाक्‍व, मुर नेल्‍ल बेक्‍शो रे सेंचा पुंइसीनीम, दे शेंशो नेंशा, का निक्‍शीमी “एको फश लोव़ पाइक्‍बाक्‍त, है” दे रिस्‍समा बाक्‍त। का निक्‍शीमी चहिं “इन शेंशो रिम्‍शो लाक्‍तक, लेंशा नेंनीकी” दे गाक्‍मा बाक्‍त।

प्रेरित 5:3

मिनु सोइश्‍शो आन बाक्‍तीके जाक्‍दीश्‍शा, क्‍येट गेवानु, पत्रुसमी “हनानीया, मारदे गे इ थुंम सैतान ओव़चा गेशा, परमप्रभु यावे आ सोक्‍त कली जोल पवी? रू लेयशो क्‍येट नेल्‍ल ओशो ला बाक्‍ब, दे मारदे इच्‍का ख्रुइश्‍शा वोदी?

२ कोरिन्‍थी 2:11

सैतानमी इं कली खतम सेल्‍चा मतवल। मारदे हना मेको आ मिम्‍शो गो नेल्‍ल तुइक्‍नय। लूका २२:३१; १पत्रुस ५:८

२ थिस्‍सलोनिकी 2:9

मेको नेल्‍ल क्‍येङा मरिम्‍शो पाइबम चहिं सैतान आ सक्ति तशा, चिन्‍ड नु छक लाक्‍चा ङा गेय पखु पाइब। मत्ती २४:२४; प्रकाश १३:११-१४

हिब्रू 12:16

सुइ एसाव खोदेंशो मरिम्‍शो मदुम्‍ल। एसावमी काले आ कोव़ज प्रिंचा कली ङोंइती जरमेशो तौमी तचा ङा शोंप नु आसीक आ लोक्‍ब कली प्रोना बाक्‍त। उत्‍पत्ती २५:३३-३४

हिब्रू 2:1

इं नेंशो लोव़ थुंमी वोइक्‍चा माल्‍ब। थुंमी मवोइक्‍तय हना, मेको लोव़ साम्‍नय।

१ पत्रुस 5:8

गेय पचा ङोंइती मिम्‍तीन। होस पा बाक्‍कीन। मारदे हना इन कली मदाक्‍ब सैतानमी शोव़लु बेक्‍शो गुप्‍स खोदेंशो पा “सु कली ब्‍वाइनुङा” दे माल्‍ना माल्‍न गाक्‍ब। १थिस्‍सलोनिकी ५:६; लूका २२:३१; २कोरिन्‍थी २:११

प्रकाश 12:9

मिनु मेको ठेयब बुस्‍स आ नें मार बाक्‍त देंशा हना, माइत बुस्‍स, दियाबलस, सैतान बाक्‍त। मिनु मेको रागी रागी नेल्‍ल ङा मुर आन कली पाप पपाइक्‍चा कली रागीमी तोक्‍चा पुंइसीशो बाक्‍त। मिनु मेको आ गेय पाइबपुकी यो रागीमी तोक्‍चा पुंइसीशो बाक्‍तेक्‍म। प्रकाश २०:२; उत्‍पत्ती ३:१; लूका १०:१८

प्रकाश 20:10

मिनु मुर आन कली मरिम्‍शो लां शेंब दियाबलस गन्‍धक रे हुरुर पा ब्रशो मी ब्रतीकेमी हुम्‍चा पुंइसाक्‍व। मेकेर ठेयब जन्‍तु नु जोल पा परमप्रभु यावे आ लोव़ पखु पाइब यो बाक्‍ताक्‍स। मिनु मेकेर बाक्‍बपुकी नाक्‍दो नाक्‍ती गेना हना यो श्‍येत गेचा पुंइसीनीम। प्रकाश १९:२०

प्रकाश 20:7

मिनु मेको हजार का बर्स नोले सैतान पुं मपाइश्‍शो ढोडोङगा रे प्रोंइचा पुंइसाक्‍व।