मर्कूस 3:20 - Sunuwar Bible

²⁰ मिनु लेंशा शुश मुर खुम्‍समानु, येसु नु आ शेंसीबपुकी जचा कली यो नाइक्‍चा मतामे बाक्‍त।

मर्कूस 3:20 ပူးပေါင်းရင်းမြစ်များ

मर्कूस 1:45

मिनु साशो मुर मेकेर लशा, दोपा सामे, मेको लोव़ तेइ तेइ ब्रपदा बाक्‍त। मोदेंशो लोव़ ब्रतीके येसु सहर सहरमी गाक्‍ने मचबा बाक्‍त। मोपतीके शुश मुर मबाक्‍तीकेमी बाक्‍माक्‍त। तन्‍न मुरपुकी तेइ तेइ रे जाक्‍बाक्‍मा बाक्‍त।

मर्कूस 2:1

नाक्‍त का निक्‍शी नोले कापेरनाउम लेम्‍माक्‍त। मिनु मुरपुकीमी “येसु खिंमी बाक्‍ब” दे तुइक्‍तमे बाक्‍त।

मर्कूस 3:19

नु यहूदा इस्‍कारीयोती बाक्‍मा बाक्‍त। यहूदा चहिं नोले येसु कली साइक्‍ब आन कली लां कोंइब दुम्‍माक्‍त।

मर्कूस 3:7

मिनु नोले येसु नु आ शेंसीबपुकी सहर रे गाक्‍शा, गा‍लील ङा समुन्‍द्र आ नेक्‍था जाक्‍दीम्‍मा बाक्‍त। शुश मुरुमी आन नोले खोदमे बाक्‍त। मेको खोइक्‍बपुकी ते ते ङा बाक्‍मा बाक्‍त देंशा हना, गालील नु यहूदीया रागी ङा, मत्ती ४:२५

मर्कूस 3:9

मिनु येसुमी आ शेंसीब आन कली “डोंगा का चाक्‍शा वोतीन” देंमाक्‍त। मारदे हना शुश मुरपुकीमी नेप्‍शा चुशा, येसु आ नेक्‍था जाक्‍चा बोल पामे बाक्‍त।

मर्कूस 6:31

मिनु येसुमी “मुर मबाक्‍तीके लशा नांइ‍सय” देंमाक्‍त, मारदे हना शुश मुर ग्रुम्‍थ जाक्‍बाक्‍मा बाक्‍त। मिनु येसु नु आ शेंसीबपुकीमी जचा कली यो नाइक्‍चा मतामे बाक्‍त।

मर्कूस 7:17

मिनु मुर आन कली प्रोंइशा, खिं ओव़मेनु, आ शेंसीबपुकीमी “इन शेंशो लोव़ थमा पा मार रुम्‍सीबा?” दे हिल्‍लो पामे बाक्‍त।

मर्कूस 9:28

मिनु येसु नु आ शेंसीबपुकी खिं लमा बाक्‍त। मिनु शेंसीबपुकीमी “मारदे मेको वोल कली ग्रुंइने मचाप्‍का?” दे हिल्‍लो पामे बाक्‍त।

लूका 6:17

मेको मुर आन कली योव़शा, डांडा रे यिमा बाक्‍त। मिनु ठेयब दिंमम जाक्‍दीश्‍शा बाक्‍मानु, येसु आ लोव़ नेंथ एर ओंथ रे शुश मुर खुम्‍सीशा देल्‍मा बाक्‍त। मेकोपुकी यहूदीया रागी, यरूसलेम सहर, टायर नु सीदोन सहर एर ओंथ रे जाक्‍शो बाक्‍मा बाक्‍त।