मर्कूस 3:2 - Sunuwar Bible

² मिनु फरिसी नु सास्‍त्रीपुकीमी “नाइक्‍तीक नाक्‍ती सापाइक्‍तीक गेय पाइबा कों” दे योव़की पा कोव़ङमे बाक्‍त, मारदे हना दोस गेचा माल्‍शो बाक्‍मा बाक्‍त।

मर्कूस 3:2 ပူးပေါင်းရင်းမြစ်များ

भजन संग्रह 37:32

परमप्रभु आ अरेशो मटीबपुकीमी बाप्‍शा, ठीक पाइब आन कली साइक्‍चा माल्‍नीम।

येरमीया 20:10

गो शुश मुरपुकीम नोफा मुइक्मुशा लोव़ पशो नेंता। मेकोपुकीमी ‘एर ओंथ नेल्‍ल हिंचा ङा श्‍येत बाक्‍ब। येरमीया कली दोस गेय। मेको आ पर्बम उजुर पय’ देंनीम। आं नेक्‍था ङा वारच नेल्‍लेमी ‘गेना दाइल पांइसीबा’ दे आं कली कोव़नीम। मिनु लेंशा ‘गो मेको आ पर्बम लोव़ पा मेको कली ग्राने चाप्‍नीकी। गो मेको क्‍येङा ग्राशा क्‍येक्‍क लेत्‍नय’ देंतेक्‍म” देंत। येरमीया २०:३; येरमीया १८:१८

दानीएल 6:4

मिनु मेको ठेयब कोव़ब मुर नु सहे का २० जना पारसी रागी कली हुकुम पाइबपुकीमी गेहे पा दानीएल कली दोस गेचा, दे क्‍यारी पचा गोव़मे बाक्‍त। तन्‍न मरिम्‍शो नु दोस गेतीक मारेइ मथिदमे बाक्‍त। मारदे हना दानीएल रिम्‍शो, मारेइ दोस मपाइश्‍शो गेय पाइब मुर बाक्‍‍त।

मत्ती 12:10

मिनु मेकेर गुइ सोव़शो मुर का बाक्‍त। मेकोपुकीमी येसु कली दोस गेचा माल्‍शो बाक्‍मा बाक्‍त। मोपतीके “नाइक्‍तीक नाक्‍त सापाइक्‍तीक गेय पचा दुम्‍बा?” दे हिल्‍लो पखु पा योव़की पाम्‍तेक्‍म।

मर्कूस 3:3

मिनु येसुमी गुइ सोव़शो मुर कली “एक पिवो” दे मदा बाक्‍त।

लूका 14:1

मिनु काबु नाइक्‍तीक नाक्‍ती मार दुम्‍माक्‍त देंशा हना, येसु फरिसी आ खिंमी खमे जथ लमाक्‍त। मिनु फरिसीपुकीम “मार पाइबा, मार शेंबा” दे योव़की पा बाक्‍मा बाक्‍त। लूका ६:६-११; लूका ११:३७

लूका 20:20

सास्‍त्री नु ठेयब चढ़ेबपुकीमी मुर योव़शा, येसु आ थुं नाक्‍शा, आ लोव़ खुइ पथ सोइक्‍तमे बाक्‍त। मारदे हना दोस गेशा हुकुम पाइब आ गुइमी गेचा माल्‍शो बाक्‍मा बाक्‍त। मेको सोइश्‍शोपुकीमी येसु आ लोव़ नेंशा, थमा सुइश्‍शो खोदेंशो प‍खु पामे बाक्‍त। लूका ११:५४; लूका २३:२

लूका 6:7

मिनु सास्‍त्री नु फरिसीपुकीमी “नाइक्‍तीक नाक्‍ती सापाइक्‍चा गेय पाइबा कों?” दे योव़की पा कोव़ङमे बाक्‍त। मारदे हना येसु कली दोस गेचा माल्‍शो बाक्‍मा बाक्‍त।

यूहन्‍ना 8:6

मेकोपुकीमी येसु आ थुं थाम्‍‍शा, दोस गेचा कली मो देंतेक्‍म। मिनु येसुमी बाप्‍शा, फुरक शाक्‍शा ब्रेक्‍ताक्‍व।

यूहन्‍ना 9:16

फरिसी का निक्‍शीमी “परमप्रभु यावे आ सोइश्‍शो ममाइ। मारदे हना नाइक्‍तीक नाक्‍त ममानेब” देंतेक्‍म। का निक्‍शीमी चहिं “पापी मुरुमी दोपा ओदेंशो छक लाक्‍चा ङा गेय पने चाप्‍बा ङा?” देंतेक्‍म। मिनु मेकोपुकी ब्रातेक्‍म।