मर्कूस 2:12 - Sunuwar Bible

¹² मिनु नेल्‍ल आन ङोंइती मेको बोक्‍शा, आ ब्राख्‍ये जो गुप्‍शा कुरशा, गाक्‍माक्‍त। मिनु नेल्‍लेमी छक लाक्‍शा “ओदेंशो छक लाक्‍चा ङा गेय मुल सम्‍म गेनायो मतशो नय” देंशा, परमप्रभु यावे कली ठेयब सेल्‍मे बाक्‍त।

मर्कूस 2:12 ပူးပေါင်းရင်းမြစ်များ

मत्ती 12:23

मेकेर देल्‍शोपुकीमी “ओहो, एकोन दाऊद आ तौ बाक्‍म कोर में?” देंमुम्‍तेक्‍म। मत्ती २१:९; यूहन्‍ना ७:४२

मत्ती 15:31

मिनु शुश मुर आन कली साशो तशा “लाटापुकी लोव़ पाइबाक्‍तेक्‍म, कूंजी कुंजे साबाक्‍तेक्‍म, खोइल मदुक्‍ब गाक्‍बाक्‍तेक्‍म, मिक्‍च मताइब मुल मिक्‍च ताइब दुम्‍बाक्‍तेक्‍म” दे छक लाक्‍शा, इस्राएली आन परमप्रभु यावे कली ठेयब सेल्‍शा मान पाम्‍तेक्‍म। मर्कूस ७:३७

मत्ती 9:33

मिनु येसुमी वोल कली ग्रुंइताक्‍व। मिनु मेको मुरुमी लोव़ पाप्‍तु। मिनु मेकेर बाक्‍बपुकीमी छक लाक्‍शा “इं इस्राएलमी ओदेंशो दुम्‍शो गेनायो मतशो नय” देंमुम्‍तेक्‍म।

मत्ती 9:8

मोदेंब दुम्‍शो तशा, मेकेर देल्‍शोपुकी हिंमा बाक्‍त। मिनु मुर आन कली मोदेंशो अधिकार गेब परमप्रभु कली ठेयब सुइश्‍शा मान पामे बाक्‍त।

मर्कूस 1:27

मोदुम्‍शो तशा, मुरपुकी छक लाक्‍शा “मार बाक्‍म माइ? नक शेंतीक लोव़ बाक्‍म कोर में? अधिकार पाइश्‍शो लोव़ पवानु, ग्रांग्रा दिचा ङा वोलम लायो टीबाक्‍तेक्‍म” देंमुमा बाक्‍त।

मर्कूस 2:11

“छुल बोक्‍शा, इ ब्राख्‍ये कुरशा, इ खिं ले‍तो” दे मदा बाक्‍त।

लूका 13:13

मोपा वोदानु, साशा राम्‍माक्‍त। मिनु ग्‍येरशा परमप्रभु यावे कली ठेयब सेला बाक्‍त।

लूका 17:15

कामी आ रां साशो तशा, फ्रा लेश्‍शा परमप्रभु यावे कली ठेयब सेला बाक्‍त।

लूका 5:26

मेको चिन्‍ड तशा, मुर नेल्‍ले छक लाक्‍शा, परमप्रभु यावे कली ठेयब सेल्‍शा, मान पा हिंशा “ङोंइती गेनायो मतशो ताइतय” देंमुमा बाक्‍त।

लूका 7:16

मिनु मुरपुकी मोदेंशो दुम्‍शो तशा, हिंमा बाक्‍त। मिनु मेकोपुकीमी परमप्रभु यावे कली ठेयब सेल्‍शा “इं दातेमी परमप्रभु यावे आ लोव़ पा छक लाक्‍चा ङा गेय पाइब का ग्रूमाक्‍त। परमप्रभु यावेम इं कली थमा पा शिशी पाइक्‍बाक्‍त” देंमा बाक्‍त। मत्ती १६:१४; लूका १:६८

यूहन्‍ना 7:31

मिनु शुश मुरपुकीमी मेको कली थमा सुइक्‍तेक्‍म। मेकोपुकीमी “ख्रीस्‍त अर्को बाक्‍त हना, मेकोमी एको क्‍येङा शुश छक लाक्‍चा ङा गेय पने चाप्‍बा ङा?” देंतेक्‍म।

यूहन्‍ना 9:32

मिनु रागी सेल्‍चा गोशो रे जरमेशो रे मिक्‍च मताइब मुर मिक्‍च ताइब सेल्‍शो, दे गेनायो मनेंय।

प्रेरित 4:21

मिनु मेको आस दोस थिन्‍ने मचाप्‍तीके मेकोपुकीमी “हेरकादे, मुल ङा मेरे मोदेंशो गेय मपसे” दे हिंच कोंइशा, लोव़ थोक्‍शा, सोइक्‍तमे बाक्‍त। शुश मुरुमी आस पशो छक लाक्‍चा ङा गेय तशा, परमप्रभु कली ठेयब सेल्‍ना सेल्‍न बाक्‍बाक्‍मा बाक्‍त।