मर्कूस 16:9 - Sunuwar Bible

⁹ हप्‍ता ङा ङोंइती नाक्‍ती सुनी कना येसु बेक्‍शो रे सेंसीशा, ७ ओटा वोल ग्रुंइचा पुंइसीशो माग्‍दाला ङा मरीयम कली तपांइसे बाक्‍त। लूका ८:२; यूहन्‍ना २०:१-१८

मर्कूस 16:9 ပူးပေါင်းရင်းမြစ်များ

२ राजा 5:4

मिनु नामान आ प्रभु पिप बाक्‍तीक लशा, मेको इस्राएल रे चाक्‍शो मीश आल आ देंशो लोव़ नेल्‍ल नेंपदा बाक्‍त।

मत्ती 27:56

मोपा कोव़ब का माग्‍दाला ङा मरीयम बाक्‍माक्‍त। का याकूब नु योसेफ आस ममा मरीयम बाक्‍माक्‍त। का जब्‍दी आ तौ निक्‍शी आस ममा बाक्‍माक्‍त।

मर्कूस 15:40

येसु बेक्‍मेनु, शुश मीश मुरपुकीमी ङोन रे कोव़शो बाक्‍मा बाक्‍त। मोदेंशो कोव़ब का माग्‍दाला ङा मरीयम बाक्‍माक्‍त। का याकूब नु योसेस आस ममा मरीयम बाक्‍माक्‍त। का सालोमे बाक्‍माक्‍त।

मर्कूस 15:47

मोपा वोइश्‍शो माग्‍दाला ङा मरीयम नु योसेस आ ममा मरीयममी ताम्‍से बाक्‍त।

मर्कूस 16:8

मिनु मीश मुरपुकी छक लाक्‍शा, हिंशा ख्रिंख्रि पा फो फु ग्रूशा प्रोक्‍मा बाक्‍त। मिनु सुइ कली मारेइ मदेंमा बाक्‍त। मारदे हना क्‍युल हिंशो बाक्‍मा बाक्‍त।

लूका 24:10

मेको मो दुम्‍शो ताइब मीश मुर सु सु बाक्‍मा बाक्‍त देंशा हना, माग्‍दाला ङा मरीयम, योअन्‍ना नु याकूब आ ममा मरीयम बाक्‍मा बाक्‍त। मेको आन वारच का निक्‍शी यो बाक्‍मा बाक्‍त। लूका ८:२-३

लूका 8:2

मेको नु मीश मुर का निक्‍शी यो बाक्‍मा बाक्‍त। मेको वोल ग्रुंइशो नु रोइ रे साशो बाक्‍मा बाक्‍त। मेको आन दातेमी माग्‍दाला ङा मरीयम बाक्‍माक्‍त। येसुमी मेको रे पा ७ ओटा वोल ग्रुंइशो बाक्‍माक्‍त। यूहन्‍ना २०:१,११-१८

यूहन्‍ना 20:12

बुश वा फेक्‍शो परमप्रभु यावे आ स्‍वर्ग ङा गेय पाइब निक्‍शी आस कली तवा बाक्‍त। मेको निक्‍शी येसु आ बेक्‍शो रां वोइक्‍तीकेमी का पिया गे का खोइल गे निश्‍शो ताम्‍सी बाक्‍त।

प्रेरित 20:7

आइतबार नाक्‍त प्रभु भोज जथ खुम्‍साक्‍क। मिनु पावलमी दीसा लचा माल्‍ब देंशा, नाक्‍दो उइक्‍थ दुम सम्‍म शुश लोव़ पाप्‍तु। मत्ती २८:१; प्रेरित २:४२,४६

१ कोरिन्‍थी 16:2

हप्‍ता ङा ङोंइती नाक्‍ती गे नेल्‍लेमी आंम के बाक्‍शो रे हेंशा, गो ओशो गेने चाप्‍नुङ, दे वोतीने। मो पाइतीनी हना, गो जाक्‍ङानु, क्‍येट मबा दे खिं खिं हिरशा पुंइशा गाक्‍चा ममाल्‍नीनी। प्रेरित २०:७

प्रकाश 1:10

मिनु गो परमप्रभु यावे आ नाक्‍त परमप्रभु यावे आ सोक्‍तीम बाक्‍ती। मिनु आं नोले तुराही ताप्‍शो खोदेंशो ठेयब सेंदा नेंता।