मर्कूस 15:47 - Sunuwar Bible

⁴⁷ मोपा वोइश्‍शो माग्‍दाला ङा मरीयम नु योसेस आ ममा मरीयममी ताम्‍से बाक्‍त।

मर्कूस 15:47 ပူးပေါင်းရင်းမြစ်များ

मत्ती 27:56

मोपा कोव़ब का माग्‍दाला ङा मरीयम बाक्‍माक्‍त। का याकूब नु योसेफ आस ममा मरीयम बाक्‍माक्‍त। का जब्‍दी आ तौ निक्‍शी आस ममा बाक्‍माक्‍त।

मत्ती 27:61

माग्‍दाला ङा मरीयम नु अर्को मरीयममी योसेफ आ नोले खोइश्‍शा लशा, लास वोइक्‍तीके पुक्‍खी आ ङोंइती बाक्‍सा बाक्‍त।

मत्ती 28:1

मिनु नाइक्‍तीक नाक्‍त सां लाक्‍शा, हप्‍ता ङा ङोंइती नाक्‍त नां सोव़सोव़मी माग्‍दाला ङा मरीयम नु अर्को मरीयम येसु आ लास वोइक्‍तीके कोव़थ लसा बाक्‍त। प्रेरित २०:७; १कोरिन्‍थी १६:२; प्रकाश १:१०

मर्कूस 15:40

येसु बेक्‍मेनु, शुश मीश मुरपुकीमी ङोन रे कोव़शो बाक्‍मा बाक्‍त। मोदेंशो कोव़ब का माग्‍दाला ङा मरीयम बाक्‍माक्‍त। का याकूब नु योसेस आस ममा मरीयम बाक्‍माक्‍त। का सालोमे बाक्‍माक्‍त।

मर्कूस 15:46

मिनु योसेफमी बुश वा ग्‍याप्‍शा चाक्‍शा, येसु आ बेक्‍शो रां रे कांटी उइश्‍शा शोल्‍शा, बुश वामी गिल्‍शा लाइश्‍शा, पुक्‍खी कामी ओंइशा वोदा बाक्‍त। मेको पुक्‍खी बेक्‍शो मुर वोइक्‍चा कली फुल्‍लु मुशा, लाप्‍चो पाइश्‍शो सेल्‍शा वोइश्‍शो बाक्‍माक्‍त। मिनु बेक्‍शो मुर ओंइशा वोइश्‍शा, फुल्‍लुमी चोक्‍शा वोदा बाक्‍त।

मर्कूस 16:1

मिनु नाइक्‍तीक नाक्‍त नोले माग्‍दाला ङा मरीयम, याकूब आ ममा मरीयम नु सालोमेमी बेक्‍शो मुर आ रांम ख्रेक्‍चा कली ख्रेक्‍तीक ग्‍याप्‍मे बाक्‍त।

लूका 23:55

गालील रे येसु नु काथा गाक्‍ब मीश मुरपुकीमी योसेफमी येसु आ रां लाइश्‍शो तशा “ते वोइक्‍बा?” दे कोव़शो बाक्‍मा बाक्‍त।