मर्कूस 15:40 - Sunuwar Bible

⁴⁰ येसु बेक्‍मेनु, शुश मीश मुरपुकीमी ङोन रे कोव़शो बाक्‍मा बाक्‍त। मोदेंशो कोव़ब का माग्‍दाला ङा मरीयम बाक्‍माक्‍त। का याकूब नु योसेस आस ममा मरीयम बाक्‍माक्‍त। का सालोमे बाक्‍माक्‍त।

मर्कूस 15:40 ပူးပေါင်းရင်းမြစ်များ

भजन संग्रह 38:11

आं वारच नु आं खिं ङा मुर आं श्‍येत तशा, ङोन बाक्‍नीम। मिनु आं नेक्‍था ङा मुरपुकीमी ङोन रे कोव़नीम। भजन संग्रह ६९:९; भजन संग्रह ८९:९; अय्‍युब १९:१३-१९

मत्ती 10:3

फिलीप नु बारथोलोमाइ, थोमास, तिरो पोक्‍ब मत्ती, अल्‍फयस आ तौ याकूब, थदेयस,

मत्ती 13:55

शी के सेल्‍ब आ तौ ममाइ ङा? आ ममा मरीयम ममाइ ङा? आ लोक्‍ब याकूब, योसेफ, सिमोन, यहूदा मनमी ङा?

मत्ती 27:61

माग्‍दाला ङा मरीयम नु अर्को मरीयममी योसेफ आ नोले खोइश्‍शा लशा, लास वोइक्‍तीके पुक्‍खी आ ङोंइती बाक्‍सा बाक्‍त।

मत्ती 28:1

मिनु नाइक्‍तीक नाक्‍त सां लाक्‍शा, हप्‍ता ङा ङोंइती नाक्‍त नां सोव़सोव़मी माग्‍दाला ङा मरीयम नु अर्को मरीयम येसु आ लास वोइक्‍तीके कोव़थ लसा बाक्‍त। प्रेरित २०:७; १कोरिन्‍थी १६:२; प्रकाश १:१०

मर्कूस 15:47

मोपा वोइश्‍शो माग्‍दाला ङा मरीयम नु योसेस आ ममा मरीयममी ताम्‍से बाक्‍त।

मर्कूस 16:1

मिनु नाइक्‍तीक नाक्‍त नोले माग्‍दाला ङा मरीयम, याकूब आ ममा मरीयम नु सालोमेमी बेक्‍शो मुर आ रांम ख्रेक्‍चा कली ख्रेक्‍तीक ग्‍याप्‍मे बाक्‍त।

मर्कूस 16:9

हप्‍ता ङा ङोंइती नाक्‍ती सुनी कना येसु बेक्‍शो रे सेंसीशा, ७ ओटा वोल ग्रुंइचा पुंइसीशो माग्‍दाला ङा मरीयम कली तपांइसे बाक्‍त। लूका ८:२; यूहन्‍ना २०:१-१८

लूका 19:3

मेकोमी “इं सहरम येसु जाक्‍ब” देंशो नेंशा “गो कोव़थ लाइनुङ” दे मिम्‍ता बाक्‍त। सहर ङा मुरपुकी यो “येसु कली कोव़चा” दे लांमी रिम्‍शा, आ लां कोव़शा बाक्‍मा बाक्‍त।

लूका 23:49

गालील रागी रे यरूसलेम सम्‍म येसु नु काथा गाक्‍शो मीश मुर नु आ वारचपुकीमी ङोन रे कोव़शा, मोदेंशो दुम्‍शो नेल्‍ल तामे बाक्‍त। लूका ८:२-३

१ कोरिन्‍थी 9:5

केफास, प्रभु आ लोक्‍ब नु सोइश्‍शो नेल्‍लेमी शेंना शेंन गाक्‍मानु, आन मीश काथा लाइश्‍शा गाक्‍तेक्‍म। मिनु गोपुकी मेको आन बुद पा आंइ मीश लाइश्‍शा गाक्‍चा मताइनीकी ङा?

गलाती 1:19

मेना ख्रीस्‍त आ सोइश्‍शो सुइ आन कली मग्रुमुमी। प्रभु आ लोक्‍ब याकूब चहिं ग्रुम्‍ता। मत्ती १३:५५

याकूब 1:1

गो, याकूब, परमप्रभु यावे नु प्रभु येसु ख्रीस्‍त आस वाइल नङ। गो ब्रशा बाक्‍शो १२ थर ङा यहूदी इन कली नमो पाइनुङ। गे रिम्‍शो बाक्‍कीन।