मर्कूस 15:34 - Sunuwar Bible

³⁴ मिनु ३ बजे गे येसुमी “एली, एली, लामा असाब्‍थानी” दे वाइ ब्रेम्‍माक्‍त। आ देंशो मार रुम्‍सीब देंशा हना “आं परमप्रभु, आं परमप्रभु, मारदे प्रोंइ‍यीनी?” देंशो रुम्‍सीब। भजन संग्रह २२:२

मर्कूस 15:34 ပူးပေါင်းရင်းမြစ်များ

भजन संग्रह 22:1

आं परमप्रभु, आं परमप्रभु, गे मारदे आं कली प्रोंइयीनी? मारदे गे आं कली वारच मप‍थु, ङोन बाक्‍नीनी। मारदे आं थोशो मनेंनीनी। मत्ती २७:४६

भजन संग्रह 27:9

इन कुल आं क्‍येङा मख्रुइक्‍तीन। इन गाइक्‍तीकेमी इन गेय पाइब, आं कली, मतिल्‍यीनी। गे आं कली वारच पाइब बाक्‍नीनी। गो नु बाक्‍शा, मप्रोंइयीनी। गे आं कली श्‍येत रे प्रोंइब बाक्‍नीनी।

भजन संग्रह 42:9

गो परमप्रभु, आं सेरथे फुल्‍लु कली “गे मारदे आं कली प्रेंदीनी? गो मारदे आं जोरी सत्रु रे पा खेदा पचा पुंइसीशा, थुं ग्‍येत्‍थ लुक्‍च दुम्‍शा, गाक्‍चा माल्‍ङा?” देंती। ब्‍यवस्‍था ३२:४

भजन संग्रह 71:11

मेकोपुकीमी “परमप्रभुमी मेको कली वारच पचा प्रोंइशो बाक्‍ब। मेको कली खेदा पा ग्‍याइक्‍तय। मारदे हना मेको कली राइक्‍ब सुइ मबाक्‍नीम” देंनीम।

यसैया 41:17

मेकोमी लेंशा “प्रुङग नु क्‍येट मथीबम ब्‍वाक्‍कु माल्‍नीम। तन्‍न मथित्‍नीम। मेकोपुकी तूतू दाक्‍शा, आन लाकचा सोव़ब। गो, परमप्रभु यावेमी, मेको आन लोव़ नेंनुङ। मिनु गो, इस्राएली आन परमप्रभुमी मेको आन कली मप्रोंइथु, मेको नु बाक्‍नुङ।

बिलाप 1:12

गे एको लां रे पा लाइब तशा, आन पर्बम मारेइ ममिम्‍नीनी? एर ओंथ नेल्‍ल कोव़ङीन। आं श्‍येत क्‍येङा यो अरु हिंचा ङा श्‍येत बाक्‍बा? परमप्रभु यावेमी आ शुश गाइक्‍तीकेमी आं कली मेको श्‍येत गेती।

बिलाप 5:20

गे मारदे आंइ कली प्रेंदी‍नी? गे मारदे आंइ कली इश ङा नाक्‍त सम्‍म प्रोंइनी?

दानीएल 9:21

प्रार्थना पना पन, गो आं ङोंइती आं कोंइतीकेमी तशो मुर गाब्रीएल बेरशा आं नेक्‍था जाक्‍त। मेना नाक्‍दो ङा चढ़ेची ना जाक्‍शो बाक्‍त। दानीएल ८:१६

मत्ती 27:45

मिनु नाक्‍ती १२ बजे रे ३ बजे सम्‍म नेल्‍ल रागीमी नां रिक्‍शो खोदेंशो पा छिङछिङ दुम्‍त।

मत्ती 27:46

३ बजे गे येसुमी “एली, एली, लामा आसबथानी” दे वाइ ब्रेम्‍माक्‍त। आ देंशो मार रुम्‍सीब देंशा हना “परमप्रभु यावे, आं परमप्रभु, आं कली मारदे प्रोंइयीनी” देंशो रुम्‍सीब। भजन संग्रह २२:२

मर्कूस 15:25

शीमी क्‍यदमेनु, सुनी ङा ९ बजे‍शो बाक्‍माक्‍त।

मर्कूस 15:35

एर ओंथ बाक्‍बपुकीमी मो देंशा वाइ ब्रेश्‍शो नेंशा “नेनीने, एलीया कली ब्रेत्‍ताक्‍व” देंमुमा बाक्‍त।

लूका 23:44

मिनु नाक्‍ती १२ बजेसे बाक्‍त। मिनु घन्‍टा सां सम्‍म रागी नेल्‍ल छिङछिङ दुम्‍माक्‍त।

लूका 23:46

मिनु येसुमी “आं आफ, आं सोक्‍त इन गुइमी गेतन्‍नी” दे वाइ ब्रेश्‍शा, आ सोक्‍त प्रोना बाक्‍त। भजन संग्रह ३१:६; प्रेरित ७:५८

प्रेरित 10:3

मिनु काबु ३ बजे ङा प्रार्थना पची ना कोंइतीक का तवा बाक्‍त। मेको कोंइतीकेमी परमप्रभु यावे आ स्‍वर्ग ङा गेय पाइब का आ बाक्‍तीकेमी जाक्‍शा “ए कोरनेलीयस” देंमेनु,

हिब्रू 5:7

येसु मुर दुम्‍शा, रागीम बाक्‍मेनु, प्रेक्‍कु तोक्‍शा गोंगों पा ङाक्‍शा आ कली बेक्‍शो रे सेंब कली पुना बाक्‍त। परमप्रभु यावे कली मान पा हिंशा, मुर आन पर्बम पुना बाक्‍त। मिनु आ पुंइशो तवा बाक्‍त। मत्ती २६:३९-४६