मर्कूस 15:24 - Sunuwar Bible

²⁴ मिनु शीमी क्‍येप्‍शा कांटी थोक्‍शा क्‍यदमे बाक्‍त। क्‍याइश्‍शा ङा मिन, सुमी ताइबा, दे तुइक्‍चा कली वा वोइश्‍शा फेन्‍टे आप्‍मे बाक्‍त। भजन संग्रह २२:१८

मर्कूस 15:24 ပူးပေါင်းရင်းမြစ်များ

लूका 23:34

मिनु क्‍यद‍मेनु, येसुमी “आं आफ, एको आन कली माफ गेने। मारदे हना एकोपुकीम मारेइ मतुइश्‍शो बाक्‍नीम” दे पुना बाक्‍त। सिपाइपुकीमी फेन्‍टे ग्‍यारशा, आ वा योक्‍समा बाक्‍त। यसैया ५३:१२; प्रेरित ७:१६; प्रेरित ३:१७; भजन संग्रह २२:१९

प्रेरित 2:23

गेपुकीमी येसु कली अरेशो मटीब आन गुइम गेशा, शीम केप्‍शा कांटी थोक्‍शा क्‍याइश्‍शा साइक्‍पाइक्‍तीनी। ङोंइती रे परमप्रभु यावेमी मोदेंशो दुम्‍चा माल्‍ब, दे मिम्‍शा, इन कली मो पचा गेशो बाक्‍माक्‍त, दे रुपीन। प्रेरित ४:२८

प्रेरित 5:30

इं किकी पिपी आन परमप्रभु यावेमी गेपुकीमी शीम केप्‍शा, कांटी थोक्‍शा क्‍याइश्‍शा साइक्‍पाइश्‍शो येसु कली बेक्‍शो रे सेंताक्‍व। प्रेरित ३:१५

२ कोरिन्‍थी 5:21

परमप्रभु यावेमी काइ पाप मतुइश्‍शो ख्रीस्‍त कली पापी सेल्‍तु। मिनु गो ख्रीस्‍त आगाम बाक्‍शा, परमप्रभु यावे आ ङोंइती ठीक दुम्‍नीकी। यूहन्‍ना ८:४६; यसैया ५३:४-६; गलाती ३:१२; रोमी १:१७; १कोरिन्‍थी १:३०

गलाती 3:13

ख्रीस्‍तमी सुइमी मेको लोव़ टिने मचाप्‍नीम, दे तुइश्‍शा, इं पा ङा सराप रशा, मेको सराप रे प्रोंइतु। मिनु “शीम क्‍याइश्‍शा साइक्‍चा पुंइसीबपुकी सराप रशो बाक्‍नीम” दे ब्रेक्‍शो बाक्‍ब। ब्‍यवस्‍था २१:२३; २कोरिन्‍थी ५:२१

ब्‍यवस्‍था 21:23

मेको आ लास आ दीसा सुनी सम्‍म रवाम क्‍युक्‍शा, वोइक्‍चा मदुम्‍ब। मेको नाक्‍तीन मेको कली थिम्‍चा माल्‍नीनी। मारदे हना क्‍युक्‍शा साइश्‍शो मुर परमप्रभुम पशो सराप चीले बाक्‍ब। परमप्रभु यावे, इन परमप्रभुमी गेशो रागी कली ग्रांग्रा दिशो मसेलीन। यहोसु ८:१९; यहोसु १०:२७; यूहन्‍ना १९:३१; गलाती ३:१३

१ पत्रुस 2:24

मेको इं पाप क्‍याम्‍चा कली शीमी क्‍येप्‍शा कांटी थोक्‍शा साइक्‍चा पुंइसाक्‍व। इं पाप पतीक थुं साइक्‍चा नु इं ठीक पतीक थुं प्रोंइचा, दे साइक्‍चा पुंइसाक्‍व। मोपा मेको आ कांटी थोक्‍शो गारपुकीमी गे साशा ठीक दुम्‍तीनी। १यूहन्‍ना ३:५; गलाती ३:१३; रोमी ६:८,११