मर्कूस 14:65 - Sunuwar Bible

⁶⁵ मिनु साइक्‍चा माल्‍ब देंशा ङा मिन, का निक्‍शीमी आ कुलम तोक्‍तमे बाक्‍त। का निक्‍शीमी आ मिक्‍च सुम्‍शा, तुप्‍शा “सुमी तुमे? लो देन” दे शुक्‍शी पामे बाक्‍त। मिनु सिपाइ आन गुइमी गेमे बाक्‍त। मेकोपुकीमी तुप्‍ना तुप्‍न लदमे बाक्‍त।

मर्कूस 14:65 ပူးပေါင်းရင်းမြစ်များ

२ इतिहास 18:23

मिनु केनानाह आ तौ सिदकीयाह इर ङोइश्‍शा लशा, मीकाया आ चोव़चो राप्‍शा “दोपा परमप्रभु यावे आ सोक्‍त आं रे पा गे नु लोव़ पथ लम” देंमाक्‍त।

एस्‍तर 7:8

मिनु पिप फू रू रे लेश्‍शा, भोज जतीक कोठाम जाक्‍मेनु, हामान चहिं एस्‍तर आ इप्‍तीकेम बाप्‍शा, आ नेक्‍था गुर ब्‍वेशा बाक्‍शो ताप्‍तु। मिनु पिपमी ठेयब सेंदामी “मार, मेकोमी पिपीम कली आं ङोंइती थिचा मिम्‍बा?” देंत। मिनु पिपम मोदेंशो देंम नोले, पिप आ गेय पाइबपुकीमी हामान आ कुल सुम्‍तेक्‍म।

अय्‍युब 30:10

मेकोपुकीम आं कली ग्रांग्रा दि‍शो मिम्‍‍नीम। आं क्‍येङा ङोन बाक्‍‍नीम। आं कुलुम तोक्‍चा मुने मपाइनीम। अय्‍युब १७:६; मत्ती २६:६७

यसैया 50:6

गो आं ची तुप्‍ब आन कली तुप्‍चा गेतामी। गाल शोक्रे ब्‍विप्‍ब आन कली चोव़चो दाइश्‍शा गेतामी। गो शुक्‍शी पाइक्‍चा नु तोक्‍चा पुंइसीतीक रे आं कुल मख्रुइक्‍तु। यूहन्‍ना १९:१; मत्ती २६:६७-६८

यसैया 52:14

मिनु शुश मुर मेको कली तशा हिंतेक्‍म। मारदे हना मेको काइ मरिम्‍शो तांइसीशो बाक्‍त। मुर मोदेंशो मरिम्‍शो मतांइसीनीम। आ रां यो मुर आन रां क्‍येङा मरिम्‍शो बाक्‍त। मिनु मेको कली तशा, मुरपुकी हिंतेक्‍म।

यसैया 53:3

मिनु अरुमी मेको कली ग्रांग्रा दिशा प्रोंइतेक्‍म। मेको श्‍येत जाइब नु रोइ पाइक्‍ब बाक्‍त। मेको कली तशा, मुरुम आन कुल ख्रुइक्‍ताक्‍म। मेको ग्रांग्रा दित्‍चा पुंइसेनु, सुइम महिक्‍गेम। भजन संग्रह २२:७-८; मर्कूस ९:१२

मीका 5:1

गे गारो हिरशो सहर बाक्‍नेवे। लडाइ पाइबपुकीमी इ कली पुम्‍नीम। मिनु इस्राएल कली सासन पाइब कली कोक्‍केम चोव़चोम तुप्‍नीम। उत्‍पत्ती ३५:१९; मत्ती २:५-६; यूहन्‍ना १:१-२

गन्‍ती 12:14

मिनु परमप्रभु यावेमी मोसा कली “मार, मेको आ आफोमी आ कुलुम तोक्‍शो हना, मेको ७ नाक्‍त सम्‍म मुने मदोक्‍बा ङा? मेको कली ७ नाक्‍त सम्‍म मुर आन बाक्‍तीक क्‍येङा लाङगाम तिल्‍शा वोतो। मेको नोले ला लेश्‍शा जाक्‍चा गेवो” देंत। गन्‍ती १३:४६

मत्ती 27:30

मिनु आ कुलम तोक्‍तमे बाक्‍त। मेको किन्‍दा रोइश्‍शा, आ पियामी तेत्‍मे बाक्‍त। यसैया ५०:६

मर्कूस 10:34

मिनु मेकोपुकीमी शुक्‍शी पशा, आ कुलमी तोक्‍शा युक्‍नीम। मिनु साइक्‍नीम। मिनु बेक्‍शो आ नित्‍थ नाक्‍ती बेक्‍शो रे सेंसीब” दे तुइक्‍पाइक्‍मी बाक्‍त।

मर्कूस 15:19

मिनु रेक्‍के के कोक्‍केमी आ पिया तेत्‍मे बाक्‍त। आ कुल तोक्‍तमे बाक्‍त। मिनु आ ङोंइती पोक्‍च थेक्‍शा बाप्‍शा, ठेयब सेल्‍खु पामे बाक्‍त।

यूहन्‍ना 18:22

मिनु मो देंमेनु, येसु आ नेक्‍था बाक्‍ब मुरुमी येसु कली चोव़चो राप्‍शा “गे नेल्‍ल क्‍येङा ठेयब चढ़ेब कली मोदेंशो लोव़ पाइनेवे?” दे हुइक्‍ताक्‍व।

यूहन्‍ना 19:3

मिनु आ नेक्‍था जाक्‍शा “जय, यहूदी आन पिप” देंशा, आ चोव़चो राप्‍तेक्‍म।

प्रेरित 23:2

हनानीया माइश्‍शो ठेयब चढ़ेबमी पावल आ नेक्‍था बाक्‍ब आन कली “मेरे आ शोव़ रोप्‍तीने” देंमाक्‍त।

हिब्रू 12:2

थमा सुइक्‍तीक लां कोंइशा, पाको सेल्‍ब येसु कली मिम्‍तय। मेकोमी शीम केप्‍शा कांटी थोक्‍शा क्‍याइश्‍शा साइक्‍चा पुंइसीचा आ पर्बम, मुने आ पर्बम मारेइ ममिम्‍ता बाक्‍त। नोले मान पा ग्‍येरसीशा बाक्‍चा ताइनुङ, दे मिम्‍ता बाक्‍त। मिनु मुल परमप्रभु यावे आ ग्‍युरा गे निश्‍शो बाक्‍ब। हिब्रू ५:८-९; फिलिप्‍पी २:८-१०