मर्कूस 14:24 - Sunuwar Bible

²⁴ मिनु “एको आं हुश बाक्‍ब। आं हुशेमी परमप्रभु यावे आ गेशो नक लोव़ खाप्‍ता। आं हुश जारशोमी शुश मुर आन पाप क्‍याम्‍सीब। प्रस्‍थान २४:८; हिब्रू ९:१५-१६

मर्कूस 14:24 ပူးပေါင်းရင်းမြစ်များ

प्रस्‍थान 24:8

मिनु मोसामी बोस ङा हुश लाइश्‍शा, मुर आन कली ब्रुइश्‍शा “नेनीन, परमप्रभु यावेमी गेपुकी नु कबल पाप्‍तु। मेको हुश परमप्रभु यावे आ कबल ङा देंशो लोव़ आ छाप बाक्‍ब” दें‍त। हिब्रू ९:१९-२७; मर्कूस १४:२४

येरमीया 31:31

परमप्रभु यावेमी “गो इस्राएल आ खिं ङा मुर नु यहूदा आ खिं ङा मुर नु नक कबल का पाइनुङ। मेको नाक्‍ती थमा पा जाक्‍ना जाक्‍न बाक्‍नीम। हिब्रू ८:८-१२

जकरिया 9:11

गे नु पशो आं हुश आ कबलम पतीके इ चोक्‍चा पुंइसीशो मुर आन कली ब्‍‍वाक्‍कु मबाक्‍शो खाल्‍टा रे ग्रुंइ‍नुङमी। प्रस्‍थान २४:८; उत्‍पत्ती ३७:२४

मर्कूस 10:45

मारदे हना रागीम जरमेशो यो मान पपांइसीचा कली ममाइ, तन्‍न वारच पथ नु शुश मुर आन कली प्रोंइचा कली आ गिंम गेथ जाक्‍शो बाक्‍त” दे माइक्‍मी बाक्‍त।

मर्कूस 14:23

मिनु कचौरा शेशा “गे रिम्‍शो पाइब बाक्‍नीनी” दे प्रार्थना पा, मेको आन कली तूचा गेमी बाक्‍त। मिनु नेल्‍लेमी तूङमे बाक्‍त।

मर्कूस 14:25

नोफा दाइश्‍शा नेनीन, मुल ङा मेरे एको अङगुर रे सेल्‍शो तूतीके मतूनुङ। नोले नेल्‍ल नक दुम्‍शा, परमप्रभु यावे आ राज्‍यमी बाक्‍शा तूनुङ” दे माइक्‍मी बाक्‍त।

लूका 22:20

मिनु जशा, कचौरा शेशा “एको तूनीनु, आं हुश चढ़ेशो मिम्‍तीने। आं हुशेमी परमप्रभु यावे आ गेशो नक कबल खाप्‍ता। आं हुश जारशोमी शुश मुर आन पाप क्‍याम्‍सीब।

यूहन्‍ना 6:53

मिनु येसुमी “नोफा दाइश्‍शा नेनीन, गे रागीमी जरमेशो आं रां मब्‍वाइतीनी हना, नु आं हुश मतूतीनी हना, गेना हना यो परमप्रभु नु ब्रोंइशा बाक्‍चा गेब सोक्‍त गे नु मबाक्‍ब।

१ कोरिन्‍थी 10:16

गो कचौरा कली आसीक गेनीकी। मेको आसीक ङा कचौरा रे तूयानु, ख्रीस्‍त आ हुश मिम्‍शा, आ मुर दुम्‍शा, मेको नु काथा बाक्‍शो दुम्‍नय। गोपुकीमी शोब्‍ले जिक्‍शा योक्‍शा जयानु, ख्रीस्‍त आ रां मिम्‍शा, आ मुर दुम्‍शा, काथा बाक्‍शो दुम्‍नय। १कोरिन्‍थी ११:२३-२६; मत्ती २६:२७; प्रेरित २:४२

१ कोरिन्‍थी 11:25

मिनु मोपान जने थुम्‍शा, कचौरा शेशा “एको कचौरा आं हुश ङा नक कबल बाक्‍ब। गे गेना एको तूनीनी, मेना आं कली मिम्‍शा तूङीन” देंत।