मर्कूस 13:8 - Sunuwar Bible

⁸ रागी नुप्‍चा क्‍येङा ङोंइती जात जात नु राज्‍य राज्‍यमी लडाइ पमुइनीम। रागी रागीमी ख्रिनु कुइब। अन्‍काल दुम्‍ब। मो दुम्‍मेनु, श्‍येत दुम्‍चा गोवा बाक्‍त, दे तुंइ‍सीब।

मर्कूस 13:8 ပူးပေါင်းရင်းမြစ်များ

२ इतिहास 15:6

मेको नेल्‍ल ठेयब श्‍येतम बाक्‍‍तेक्‍म। रागी नु रागी लडाइ पाम्‍तेक्‍म। सहर नु सहर यो लडाइ पाम्‍तेक्‍म। मारदे हना परमप्रभुमी मेको आन कली मार मार श्‍येत गेना गेन बाक्‍त। लूका २१:१०

भजन संग्रह 48:6

मिनु मेक उइ गिक गिक पा ख्रिंख्रि पाम्‍तेक्‍म। आल थिची ना ङा रोइ पशो मीश मुर खोदेंशो दुम्‍तेक्‍म।

यसैया 19:2

गो इजीप्‍त ङा मुर आन कली आंम आंमा लडाइ पपाइक्‍नुङमी। मोपा मेको आन लोक्‍ब नु लडाइ पाइनीम। आन नेक्‍था ङा मुर लडाइ पमुइनीम। सहर सहर लडाइ तोमुइनीम। राज्‍य राज्‍य लडाइ तोमुइनीम।

यसैया 29:6

मिनु मुर नेल्‍ल आन परमप्रभु यावे इ कली ग्रुम्‍थ जाक्‍ब। मेको बुंबु, ख्रिनु ठेयब रेयके नु जाक्‍ब। मेको हिरशो फश गिवार नु ठेयब मी नु जाक्‍ब।

यसैया 37:3

मिनु मेकोपुकीमी यसैया कली “हिज्‍कीयाहमी ‘मुलाक्‍ती श्‍येत जतीके, तुप्‍पांइसीतीके नु शुक्‍शी पाइक्‍चा पुंइसीतीके नाक्‍त बाक्‍ब। आल थिचशो मीश मुरुमी आल थिचावानु, थिचा कली बोल मबाक्‍शो खोदेंशो दुम्‍त।

येरमीया 13:21

गेमी आंम मुर सेल्‍चा कली इ लेम्‍शो मुर आन कली परमप्रभु यावेम इ कली हुकुम पाइब सेल्‍ब। मिनु गे मार, देंनेवे? मार, सुत्‍केरी दुम्‍चशो मीश मुर खोदेंशो पा, इ कली श्‍येत मदुम्‍बा ङा?

येरमीया 22:23

लेबानोनम बाक्‍ब मुर, लेबानोन ङा लाइश्‍शो रवा आन दातेमी खिं सेल्‍ब मुरपुकी, श्‍येत नु सुत्‍केरी रोइ पशो खोदेंशो दुम्‍तीनी हना, दोपा हुकयी पाइनीनी।

येरमीया 25:32

मुर नेल्‍ल आन परमप्रभु यावेमी “कोव़ङीन शुश श्‍येत दुम्‍तीक रागी का रे अर्को रागी सम्‍म ब्रना ब्रन लाइब। रागी आ सुर रे हिंचा ङा फश गिवार जाक्‍ना जाक्‍न बाक्‍ब” देंत।

येरमीया 4:31

गो सुत्‍केरी रोइ पशो मीश मुर आ सेंदा खोदेंशो नेंता। मेको ङोंइती ङा आल थिचा चिक्‍शो मीश मुर आ सेंदा खोदेंशो बाक्‍त। सियोन आ तमीमी आ गुइ दिंशा आ सास कीशा ‘आबी, आं कली साइक्‍ब आन ङोंइती थाइनुङ’ देंत” दे परमप्रभु देंत।

येरमीया 49:24

दमस्‍कस मचाप्‍ब दुम्‍शो बाक्‍ब। मेको प्रोक्‍त। मेको शुश हिंब। मेको सुत्‍केरी रोइ पशो मीश मुर खोदेंशो पा सुर्ता पा हिंब।

येरमीया 50:43

मिनु बेबीलोन ङा पिपम मेको आन पर्बम लोव़ नेंतु। मिनु आ थुं लुक्‍च लत। मेको सुत्‍केरी रोइ पशो मीश मुर खोदेंशो पा सुर्ता पा हिंत।

येरमीया 6:24

गोपुकीम मेको आन पर्बम मारेइ मारेइ लोव़ नेंतक। मिनु आंइ गुइ खोइली योक्‍त। गो शुश हिंतक। गो सुत्‍केरी रोइ पशो मीश मुर खोदेंशो दुम्‍तक।

हाग्‍गै 2:22

गो पिप आन राज्‍य खतम पोक्‍नुङ। गो रागी रागी ङा राज्‍य थुम्‍पाइक्‍चा चिक्‍शो बाक्‍नुङ। गो बग्‍गी नु बग्‍गी ङोइक्‍ब आन कली थिप्‍पाइक्‍नुङमी। शारा नु शारा ङोइक्‍बपुकी आंम लोक्‍ब आन तरवारम क्‍योरचा पुंइसीनीम’ देनो” देंत।

जकरिया 14:13

मेको नाक्‍ती परमप्रभु यावे रे पा मुर शुश हिंनीम। मेको नेल्‍लेमी आन नेक्‍था ङा मुर आन गुइ ग्‍याइक्‍नी‍म। मिनु नोले राम्‍शी पोक्‍नीम।

मत्ती 24:8

मो दुम्‍मेनु, श्‍येत दुम्‍चा गोवा बाक्‍त, दे तुंइ‍सीब।

मर्कूस 13:7

शुश लडाइ दुम्‍शो लोव़ नेंनीनु, महिनीन। मोदेंशो दुम्‍चान माल्‍ब। रागी नुप्‍ची चहिं मजा।

मर्कूस 13:9

आंम इन कली मिम्‍शा होस पा बाक्‍कीन। कछडी वोइक्‍चा पुंइसीनीनी। ग्रुम्‍तीक खिंमी तुप्‍चा पुंइसीनीनी। आं नें आ पर्बम हुकुम पाइब नु पिप आन ङोंइती राप्‍पाइक्‍चा पुंइसीशा, सांकछी दुम्‍चा माल्‍नीनी।

प्रेरित 11:28

मेको आन दातेमी अगाबस नें पाइश्‍शो मुर का बाक्‍माक्‍त। मिनु काबु थमा सुइक्‍बपुकी खुम्‍सीशा बाक्‍मानु, अगाबसमी परमप्रभु यावे आ सोक्‍त रे पा “रागी नेल्‍लेमी अन्‍काल दुम्‍शा, जचा मतांइसीब” दे लोव़ पवा बाक्‍त। मेको लोव़ पिप क्‍लौदीयस आ सासनम थमा दुम्‍माक्‍त। प्रेरित २१:१०

१ थिस्‍सलोनिकी 5:3

मेना मुरुमी “दुशा बाक्‍नय, मारेइ मदुम्‍ब” देंतेक्‍म हना यो, आल कुरशो मीश मुर आल थिचा रोइ गेना पाइबा मतुइक्‍ब। मोदेंशो खोदेंशो पा मुरपुकी मब्रोंइचा ङा पा श्‍येत जाइनीम। येरमीया ६:१४; मत्ती २४:३९

प्रकाश 6:4

मिनु गो अर्को शारा का ताता। मेको शारा चहिं शुश लल बाक्‍त। मिनु शारा ङोइक्‍ब कली रागी ङा मुर आन दुशा बाक्‍तीके नेल्‍ल रोइक्‍चा कली नु मुर क्‍योरमुपाइक्‍चा कली ठेयब चुक्‍ब गेशो बाक्‍त।