मर्कूस 13:11 - Sunuwar Bible

¹¹ मिनु इन कली ठेयब मुर आन ङोंइती राप्‍पदमेनु, मार लोव़ पय, मार देंय? दे हिंशा, मिम्‍स ङा मिम्‍स मबाक्‍कीन। इन कली दोदेंशो लोव़ पचा गेशो बाक्‍मे, मोदेंशो लोव़ पने। मारदे हना गे लोव़ मपाइनीनी, परमप्रभु यावे आ सोक्‍तीम इन कली लोव़ पपाइक्‍ब।

मर्कूस 13:11 ပူးပေါင်းရင်းမြစ်များ

२ सामुएल 23:2

“परमप्रभु यावे आ सोक्‍त आं रे पा ब्‍वाक्‍शो बाक्‍ब। मेको आ देंशो लोव़ आं शोव़म बाक्‍ब।

यसैया 50:4

परमप्रभु, परमप्रभु यावेमी आं कली शेंब सेल्‍ती। गो मचाप्‍शो मुर आन कली लोव़ पा आन थुं बारपाइक्‍ब दुम्‍ती। मेकोम आं कली सुनी कुस कुस पोक्‍ब। आं कली शेंसीब खोदेंशो पा नोफा दाइश्‍शा नेंब सेल्‍ब।

मत्ती 10:17

होस पा गाक्‍कीन। मारदे हना मेको फरपुकीमी इन कली सभा कछ‍डीम वोइक्‍नीम। ग्रुम्‍तीक खिंमी लाइश्‍शा युक्‍नीम। प्रेरित ५:४०; २कोरिन्‍थी ११:२४

मर्कूस 13:12

लोक्‍बमी आ लोक्‍ब कली साइक्‍पाइक्‍चा गेब। आफोमी तौ कली साइक्‍पाइक्‍ब। मिनु तमी तौपुकीमी आम आफ आस कली ग्‍याइक्‍पाइश्‍शा साइक्‍पाइक्‍नीम।

मर्कूस 13:9

आंम इन कली मिम्‍शा होस पा बाक्‍कीन। कछडी वोइक्‍चा पुंइसीनीनी। ग्रुम्‍तीक खिंमी तुप्‍चा पुंइसीनीनी। आं नें आ पर्बम हुकुम पाइब नु पिप आन ङोंइती राप्‍पाइक्‍चा पुंइसीशा, सांकछी दुम्‍चा माल्‍नीनी।

लूका 21:12

मो दुम्‍चा क्‍येङा ङोंइती थमा सुइक्‍ब इन कली खेदा पा ग्‍याइक्‍नीमी। मिनु ग्‍याइश्‍शा, आन ग्रुम्‍तीक खिंम लाइश्‍शा दोस गेशा, जेल्‍खानमी चोक्‍नीम। आं नें आ पर्बम ठेयब मुर नु पिप आन ङोंइती चाक्‍दीश्‍शा, राप्‍पाइक्‍चा पुंइसीनीनी। मत्ती १०:१८-२२,३०

यूहन्‍ना 3:27

मिनु यूहन्‍नामी “परमप्रभु यावेमी गेशो गेय ङा लाक्‍शा, सुइमी मारेइ गेय पने मचाप्‍नीम। हिब्रू ५:४

प्रेरित 2:4

मिनु परमप्रभु यावे आ सोक्‍तीमी सोइश्‍शो आन कली प्रिंशा, मेको आन कली आन मतुइश्‍शो लोव़ पपाइक्‍मी बाक्‍त। प्रेरित ४:३१; प्रेरित १०:४४-४६

प्रेरित 3:13

इ किकी पिपी अब्राहाम, इसहाक नु याकूब आन परमप्रभु यावेमी आ गेय पाइब येसु कली ठेयब सेल्‍तु। गेपुकी चहिं मेको कली ग्‍याइक्‍पाइक्‍तीनी। पिलातसमी मेको कली प्रोंइचा थुं पवानु यो, गे मबिस्‍सीनी।

प्रेरित 4:31

मोदेंशो प्रार्थना पने थुम्‍मे चोटीन ख्रिनु कुशो खोदेंशो पा आन बुक्‍शा बाक्‍तीके एर ओंथ नेल्‍ल हिम्‍से बाक्‍त। मिनु नेल्‍ले परमप्रभु यावे आ सोक्‍तीम प्रिंचा पुंइसमा बाक्‍त। मिनु महिंथु ठेयब थुं पा परमप्रभु आ लोव़ शेंना शेंन गाक्‍बाक्‍मा बाक्‍त।

प्रेरित 6:10

तन्‍न स्‍तीफानस परमप्रभु यावे आ सोक्‍तीम ब्रीशा जोक्‍शो तुइश्‍शो ब्‍वाक्‍मेनु, सुइमी ग्राने मचाप्‍मे बाक्‍त। लूका २१:१५

प्रेरित 6:15

कछडीम बाक्‍बपुकीमी स्‍तीफानस गे कोव़ङमेनु, आ कुल परमप्रभु यावे आ स्‍वर्ग ङा गेय पाइब आन कुल खोदेंशो पा महिंथु बाक्‍शो तामे बाक्‍त। मिनु कोव़स ङा कोव़स दुम्‍मा बाक्‍त।

प्रेरित 7:55

स्‍तीफानस चहिं परमप्रभु यावे आ सोक्‍तीम ब्रीशा, सरीङ गे कोव़ङा बाक्‍त। सरीङ गे कोव़ङानु, ठेयब सक्ति पाइश्‍शो नु छेङछेङ पा तांइसीशो परमप्रभु यावे कली तवा बाक्‍त। परमप्रभु आ ग्‍युरा गे रागीम जरमेशो, येसु कली यो राप्‍शा बाक्‍शो तवा बाक्‍त।

१ कोरिन्‍थी 2:13

मोपतीके गो शेंदकानु, मुर आन जोक्‍तीक तुइक्‍तीक लोव़म मशेंनीकी। परमप्रभु यावे आ सोक्‍तीम गेशो लोव़ पा शेंनीकी। मिनु परमप्रभु यावे आ सोक्‍तीम ब्री‍शो मुर आन कली शेंशा रुप्‍पाइक्‍नीकी।

एफिसी 3:5

मुल परमप्रभु यावे आ सोक्‍तीमी येसु ख्रीस्‍त आ सोइश्‍शो नु परमप्रभु यावे आ लोव़ पाइब आन कली परमप्रभु यावे आ ख्रुइश्‍शो मार बाक्‍बा, दे शेंताक्‍ङमी। ङोंइती ङा मुरपुकीमी चहिं मतुइश्‍शो बाक्‍तेक्‍म। कलस्‍सी १:२६

याकूब 1:5

तुइक्‍‍ब थुं माल्‍तीनी हना, गेपुकीमी परमप्रभु यावे कली “गो तुइक्‍ब थुं माल्‍नुङ” दे पुनीन। परमप्रभु यावेमी मगाइक्‍थु, शुश तुइक्‍ब थुं गेब। याकूब ३:१५; हितोपदेस २:३-६

१ पत्रुस 1:12

मेकोपुकीमी आन पाला ङा मुर आन कली ला लोव़ मपामे। नोले ङा मुर, इन कली यो लोव़ पा शेंदमे बाक्‍त। इन कली दोपा शेंदमे बाक्‍त देंशा हना, परमप्रभु यावेमी आ सोक्‍त स्‍वर्ग रे सोइश्‍शो बाक्‍त। मेको आ पतीकेमी शेंबपुकीमी इन कली ग्‍येरपाइक्‍ब लोव़ शेंताक्‍म। परमप्रभु यावे आ स्‍वर्ग ङा गेय पाइबपुकीम यो मेको तचा तुइक्‍चा दाक्‍नीम। एफिसी ३:१०