मर्कूस 12:37 - Sunuwar Bible

³⁷ दाऊदमी मेको कली प्रभु देंब। मिनु दोपा आ तौ दुम्‍ने चाप्‍बा ङा?” दे शेंदा बाक्‍त। शुश मुरुमी आ शेंशो लोव़ नेंचा दाक्‍तमे बाक्‍त।

मर्कूस 12:37 ပူးပေါင်းရင်းမြစ်များ

मत्ती 1:23

“नेनीने, कन्‍ने मीश आलमी कोव़ज कुरशा, तौ का थीब। मेको आल आ नें इम्‍मानुएल वोइक्‍नीम। इम्‍मानुएल देंशो ‘परमप्रभु यावे गोपुकी नु बाक्‍शो बाक्‍ब’ दे रुम्‍सीब” दे ब्रेक्‍शो बाक्‍ब। यसैया ७:१४

मत्ती 11:25

काबु येसुमी “आं आफ, सरीङ नु रागी ङा परमप्रभु, गे नेल्‍ल क्‍येङा ठेयब ननी। गे शुश रिम्‍शो पाइतीनी। जोक्‍ब तुइक्‍ब नङ, दे मिम्‍ब आन कली इन लोव़ मरुप्‍तीक थुं गेतीनी। मजोक्‍ब मतुइक्‍ब आन कली रुप्‍तीक थुं गेतीनी। यसैया २९:१४; लूका १०:२१-२२; यूहन्‍ना १७:२५; १कोरिन्‍थी १:२८-२९

मत्ती 11:5

‘मिक्‍च मताइबपुकीमी मिक्‍च ताइबाक्‍तेक्‍म, खोइल मदुक्‍बपुकी गाक्‍बाक्‍तेक्‍म, कोर पाइब साबाक्‍तेक्‍म, नोफा मनेंबपुकी नेंबाक्‍तेक्‍म, बेक्‍शो मुर बेक्‍शो रे सेंसीशा ब्रोंइबाक्‍तेक्‍म। महिक्‍सीशो मुरपुकीम ग्‍येरपाइक्‍ब लोव़ नेंबाक्‍तेक्‍म’ यसैया ३५:५-६; यसैया ६१:१

मत्ती 21:45

मिनु ठेयब चढ़ेब नु फरिसीपुकीमी येसुमी देंशो कथापुकी नेंशा “एहे, इं कली कका देंशो बाक्‍माक्‍त” दे रुप्‍मे बाक्‍त।

मत्ती 21:46

मिनु ग्‍याइक्‍पाइक्‍चा माल्‍मे बाक्‍त। तन्‍न येसु कली “परमप्रभु यावे आ लोव़ पाइब बाक्‍ब” देंब आन कली तशा, हिंमा बाक्‍त।

लूका 19:48

तन्‍न मेकोपुकीमी येसु कली मारेइ दोस गेने मचाप्‍मे बाक्‍त। मारदे हना मुर नेल्‍लेमी येसु आ शेंशो थाम्‍पा नोफा दाइश्‍शा नेंन्‍मे बाक्‍त।

लूका 21:38

शुश मुरुमी नाक्‍त किंत किंत सुनी कना बोक्‍शा, परमप्रभु यावे आ खिं लशा, येसु आ लोव़ नेंबाक्‍मा बाक्‍त।

यूहन्‍ना 12:9

मिनु शुश यहूदीपुकीमी येसु मेकेर बाक्‍त, दे तुइश्‍शा, येसु आ पर्बम ला ममाइ, येसुमी बेक्‍शो रे सेंपाइश्‍शो लाजरस कली यो कोव़चा, दे जाक्‍तेक्‍म।

रोमी 9:5

नेल्‍लेम तुइश्‍शो किकी पिपी एको जात ङा बाक्‍मा बाक्‍त। मिनु मेको आन दाते रे मेको नेल्‍ल आन क्‍येङा ठेयब दुम्‍शा ख्रीस्‍त जरमेसे बाक्‍त। गोपुकीम परमप्रभु यावे कली गेना हना यो मान पय, आमेन। रोमी १:३; मत्ती १:-; लूका ३:२३-३४

१ तिमोथी 3:16

इं परमप्रभु यावे कली थमा सुइक्‍तीके थम ख्रुइश्‍शो बाक्‍ब। मेको मार बाक्‍ब देंशा हना “मेको मुर दुम्‍शा, रागीमी जरमेसाक्‍व। परमप्रभु यावे आ सोक्‍तीमी ‘परमप्रभु यावे आ तौ बाक्‍ब’ दे सांकछी गेप्‍तु। परमप्रभु यावे आ स्‍वर्ग ङा गेय पाइबपुकीमी मेको कली ताम्‍तेक्‍म। आ नें मार बाक्‍बा, दे रागी रागी ङा मुर आन कली शेंताक्‍मे। रागी रागी ङा मुरपुकीम मेको कली थमा सुइक्‍तेक्‍म। मिनु मेको परमप्रभु यावे आ छेङछेङमी लाइक्‍चा पुंइसाक्‍व” देंशो बाक्‍ब। यूहन्‍ना १:१४; रोमी १:४; प्रेरित २८:२८; मर्कूस १६:१९; एफिसी १:२०-२१

याकूब 2:5

आं लोक्‍बपुकी, नेनीन, परमप्रभु यावेमी रागी ङा प्रुङग आन कली शुश थमा सुदमेक्‍ल, दे मयोव़ङा ङा? मिनु परमप्रभु यावे कली दाक्‍ब नेल्‍ल आ राज्‍य ओव़चा ताइनीम मदेंम ङा? १कोरिन्‍थी १:२६; १कोरिन्‍थी ११:२२; लूका १२:२१

प्रकाश 22:16

मिनु येसुमी “गो येसु नङ। गो दाऊद पिपी क्‍येङा ङोंइती बाक्‍ती। मिनु आ चच युइ यो नङ। गो टल्‍केशो सुक्‍कुर सोरुल यो नङ। गो परमप्रभु यावे आ स्‍वर्ग ङा गेय पाइब कली थमा सुइक्‍ब आन ग्रुम्‍तीकेमी शेंथ सोइक्‍ताक्‍ङ” देंत। यसैया ११:१०; लूका १:७८