मर्कूस 12:29 - Sunuwar Bible

²⁹ मिनु येसुमी “नेल्‍ल क्‍येङा ङोंइती ङा लोव़ एकोन बाक्‍ब ‘ए इस्राएल नेनो, इ परमप्रभु यावे का बाक्‍ब।

मर्कूस 12:29 ပူးပေါင်းရင်းမြစ်များ

भजन संग्रह 86:10

मारदे हना गे ठेयब बाक्‍नीनी। मिनु छक लाक्‍चा ङा गेय पाइनीनी। गे ला परमप्रभु बाक्‍नीनी।

हितोपदेस 23:26

आं तौ, इ थुं आं कली गेयी। आं पशो कोव़ङो।

मत्ती 10:37

आं क्‍येङा आन आम आफ कली दाक्‍बपुकी आं नोले खोइक्‍चा मशिरनीम। आं क्‍येङा आन तमी तौ आन कली दाक्‍बपुकी यो आं नोले खोइक्‍चा मशिरनीम। ब्‍यवस्‍था १३:७-१२; ब्‍यवस्‍था ३३:९; लूका १४:२६-२७

मत्ती 23:9

एको रागीमी सुइ आन कली आफ मदेनीने। मारदे हना इन आफ का ला स्‍वर्गम बाक्‍ब।

लूका 10:27

मेकोमी “इ थुं नेल्‍लेमी, इ रां नेल्‍लेमी नु इ सक्ति नेल्‍लेमी परमप्रभु, इ परमप्रभु यावे कली दाक्‍तो। मिनु आंम कली दाक्‍शो खोदेंशो पा इ नेक्‍था बाक्‍ब आन कली यो दाक्‍तो, दे ब्रेक्‍शो बाक्‍ब” देंमाक्‍त। ब्‍यवस्‍था ६:५; लेवी १९:१८

रोमी 3:30

मारदे हना परमप्रभु यावे का ला बाक्‍ब। मिनु मेकोमी ख्रोइक्‍तीक चिनु ख्रोइश्‍शो नु मख्रोइश्‍शो आन थमा सुइक्‍तीके कोव़शा, मुर आन कली ठीक दुम्‍पाइक्‍ब। रोमी ४:११-१२

१ कोरिन्‍थी 8:4

मूर्ति कली चढ़ेशो श्‍ये ब्‍वचा आ पर्बम मार देंनुङ देंशा हना, मूर्तिपुकी सोक्‍त पाइश्‍शो मनम। मेकोपुकी नु मारेइ मबाक्‍ब। परमप्रभु यावे ङा लाक्‍शा सुइ मबाक्‍ब दे तुइक्‍ताक्‍य। ब्‍यवस्‍था ६:४

गलाती 3:20

गारपाइक्‍तीक गेय पचा कली मुर का मदुम्‍ब। तन्‍न परमप्रभु यावे आ का ला बाक्‍शा लोव़ गेशो बाक्‍त।

ब्‍यवस्‍था 10:12

मिनु गे इस्राएलीपुकी, परमप्रभु यावे, इन परमप्रभुमी इन कली मार पशो दाक्‍ब देंशा हना, गेपुकी परमप्रभु यावे, इन परमप्रभु कली मान पा हिंचा माल्‍नीनी। गेपुकी मेको आ लां गाक्‍शा, मेको कली दाक्‍चा नु इन थुं नु सोक्‍त नेल्‍लेमी परमप्रभु यावे, इन परमप्रभु कली गेय पचा माल्‍नीनी। मीका ६:८

ब्‍यवस्‍था 30:6

मिनु परमप्रभु यावे, इन परमप्रभुमी इन थुं नु इन तमी तौ आन थुं ख्रोइक्‍तीक चिनु खोदेंशो पा ख्रोइक्‍ब। मोपा ला गे परमप्रभु यावे, इन परमप्रभु कली इन थुं नु सोक्‍त नेल्‍लेमी दाक्‍शा, ब्रोंइने चाप्‍नीनी। ब्‍यवस्‍था १०:१६; येरमीया ४:४; इजीकीएल ११:१९; रोमी २:२९

ब्‍यवस्‍था 6:4

इस्राएलीपुकी, नोफा दाइश्‍शा, नेनीन। परमप्रभु यावे, का ला इं परमप्रभु बाक्‍ब। मर्कूस १२:२९; १कोरिन्‍थी ८:४-६

१ तिमोथी 1:5

इं शेंतीके चहिं रिम्‍शो थुं, रिम्‍शो थुं ङा मिम्‍तीके नु रिम्‍शो थमा सुइक्‍तीके रे जाक्‍शो शुश दाक्‍मुचा आ पर्बम बाक्‍ब। मत्ती २२:३७-४०; रोमी १३:१०; गलाती ५:६

१ तिमोथी 2:5

परमप्रभु यावे का ला बाक्‍ब। मेको नु मुर आन कली गारपाइक्‍चा कली येसु ख्रीस्‍त रागीम जाक्‍शा, मुर दुम्‍शो यो का ला बाक्‍ब। हिब्रू ९:१५

याकूब 2:19

गेपुकी परमप्रभु यावे का ला बाक्‍ब, दे थमा सुइक्‍नीनी। मोपा रिम्‍शो पाइनीनी। वोलपुकीमी यो मेको थमा सुइश्‍शा हिंशा ख्रिंख्रि पाइनीम।

यहूदा 1:25

परमप्रभु यावे का ला बाक्‍ब। मेकोमी इं प्रभु येसु ख्रीस्‍त आ पतीकेमी इं कली पाप रे प्रोंइतु। नेल्‍ल छेङछेङ पाइश्‍शो, नेल्‍ल क्‍येङा ठेयब दुम्‍तीके, नेल्‍ल सक्ति नु नेल्‍ल अधिकार मेको केन बाक्‍ब। मेको ङोंइती बाक्‍त। मुल यो बाक्‍ब। मिनु गेना हना यो बाक्‍ब। आमेन।