मर्कूस 12:2 - Sunuwar Bible

² मिनु अङगुर मीशा, सेक्‍ची जाक्‍मेनु, आ गेय पाइब का कली आ भाग पोक्‍थ सोइक्‍ता बाक्‍त।

मर्कूस 12:2 ပူးပေါင်းရင်းမြစ်များ

२ राजा 17:13

मो हना यो परमप्रभु यावेमी आ लोव़ पाइब नु आ कोंइतीक ताइब नेल्‍ल रे पा इस्राएल नु यहूदा ङा मुर आन कली “गे इन मरिम्‍शो लां रे लेतीन। आं शेंशो, आं फुल्‍लुम मुशा ब्रेक्‍शो लोव़ नु इन किकी पिपी आन कली गेशा आं अरेशो नेल्‍ल पने” दे आ गेय पाइबपुकीमी मेको आन कली थाम्‍पा हिंच कोंइपदा बाक्‍त।

२ इतिहास 36:15

मिनु परमप्रभु यावे, आन किकी पिपी आन परमप्रभुमी आ लोव़ पाइबपुकी मेको आन दातेम सोइक्‍ना सोइक्‍न बाक्‍शो बाक्‍माक्‍त। मारदे हना आ मुर नु आ बाक्‍तीक कली शिशी पाइक्‍बाक्‍माक्‍त।

एज्रा 9:11

गे इन लोव़ पाइब रे मार लोव़ पपाइक्‍तीनी देंशा हना ‘इन के सेल्‍चा कली ओव़शो रागी ग्रांग्रा दि‍शो बाक्‍त। मारदे हना मेको रागी ङा मुर आन ग्रांग्रा दित्‍चा ङा गेयमी मेको रागी ङा कुना कुना नेल्‍ल ब्रीशो बाक्‍त। लेवी १८:२४-२५

भजन संग्रह 1:3

मिनु मेको मुर खोला आ नेक्‍था ख्रुम्‍शो रवा खोदेंशो बाक्‍ब। दोपा मेको आ फल सित्‍ची ना सिप्‍बा नु आ सफा यो महेम्‍थु बाक्‍बा, मोपा मेको मुर आ पतीक नेल्‍ल रिम्‍शो बाक्‍ब। भजन संग्रह ९२:१३-१५; येरमीया १७:८

येरमीया 35:15

गो इन कली आं गेय नु आं लोव़ पाइब आन कली सोइक्‍ना सोइक्‍न बाक्‍ती। मेकोपुकीमी इन कली ‘गे नेल्‍ल इन मरिम्‍शो लां रे लेतीन। मिनु इन मरिम्‍शो गेय रिम्‍शो सेलीन। मिनु देवी देवता आन कली पूजा पचा नु आन नोले खोइक्‍चा प्रोनीन। मिनु गे इन किकी पिपी आन कली गेशो रागीम बाक्‍चा ताइनीनी’ देंती। तन्‍न गेपुकीम आं देंशो लोव़ मनेंनी नु मटिनी। मत्ती २३:३७

येरमीया 44:4

मो हना यो गो आं गेय पाइब आं लोव़ पाइब आन कली मेको आन बाक्‍तीके सोइक्‍ना सोइक्‍न ‘गो इन कली मेको आं काइ मदाक्‍शो ग्रांग्रा दि‍शो गेय मपन’ देंपाइक्‍तामी। येरमीया २५:४

मीका 7:1

गो दोदेंशो पा श्‍येत ज‍शो बाक्‍नुङा? गो फल सिश्‍शा नोले, अङगुर रू ङा सिला माल्‍ची नोले मारेइ जचा मताइनुङ। आं माल्‍शो ङोंइती मीशो फोव़शी यो मबाक्‍ब। भजन संग्रह १२:२; यसैया ५७:१

जकरिया 7:7

परमप्रभुमी “यरूसलेममी शुश मुर बाक्‍शा, एर ओंथ ङा सहर नेल्‍ल रिम्‍शो नु सो‍शो बो‍शो बाक्‍मेनु, नेगेब नु पच्‍छिम ङा शेफेलाह नेल्‍ल रिम्‍शो पा बाक्‍मानु, ङोंइती ङा आं लोव़ पाइबपुकीमी मुर आन कली देंशो परमप्रभु यावे आ प‍शो लोव़ एकोन ममाइ ङा?” देंत।

मत्ती 21:34

अङगुर मीशा सेक्‍ची जाक्‍मेनु, आ गेय पाइब आन कली आ भाग पोक्‍थ सोइक्‍तीमी बाक्‍त।

मर्कूस 12:1

मिनु येसुमी कथा सेल्‍शा, शेंचा गोवा बाक्‍त। मिनु “मुर कामी अङगुर ख्रुम्‍शा, थारपु हिरशा, अङगुर ख्राक्‍तीक खाल्‍टा दोशा, धन्‍सार सेल्‍शा, बुम्‍था पाइब माल्‍शा, मेको आन कली गेशा वोइश्‍शा, अर्को रागी लमाक्‍त। यसैया ५:१-२

मर्कूस 12:3

मिनु मेको जाक्‍दीम्‍मेनु, बुम्‍था पाइबपुकीमी मेको कली तुप्‍शा, श्‍येत्‍थ गुइ सोइक्‍तमे बाक्‍त।

लूका 12:48

होव़प आ देंशो मतुइक्‍थु, मरिम्‍शो पाप्‍तु हना, इच्‍का ला तुप्‍‍चा पुंइसीब। सुमी शुश रुप्‍शा तुइश्‍शो बाक्‍मे, मेकोम शुश जिम्‍मा ब्राइबा। मिनु सुमी शुश जिम्‍मा ब्राइबा, मेको शुश जिम्‍मा वारी दुम्‍ब” दे शेंदीमी बाक्‍त।

लूका 20:10

अङगुर मीशा सेक्‍ची जाक्‍मेनु, होव़पमी आ गेय पाइब का कली ‘अङगुर योक्‍शा चाक्‍को’ दे ब्रथ सोइक्‍ता बाक्‍त। मिनु गेय पाइब जाक्‍दीम्‍मेनु, बुम्‍था पाइबपुकीमी तुप्‍शा, श्‍येत्‍थ सोइक्‍तमे बाक्‍त। २इतिहास ३६:१५-१६

हिब्रू 1:1

साइ नेसी परमप्रभु यावेमी आ लोव़ पाइब आन कली मार मार पपाइश्‍शा नु कोंइशा, इं किकी पिपी नु लोव़ पाइबाक्‍माक्‍त।