मर्कूस 11:25 - Sunuwar Bible

²⁵ प्रार्थना पा बाक्‍नीनु, सुइ नु चुरशो बाक्‍तीनी हना, मेको कली माफ गेने। मिनु स्‍वर्गम बाक्‍ब इन आफोमी यो इन मरिम्‍शो पशो क्‍याम्‍शा माफ गेब।

मर्कूस 11:25 ပူးပေါင်းရင်းမြစ်များ

जकरिया 3:1

मिनु परमप्रभु यावे आ स्‍वर्ग ङा गेय पाइबमी नेल्‍ल क्‍येङा ठेयब चढ़ेब यहोसु कोंइताक्‍यी। मेको परमप्रभु यावे आ स्‍वर्ग ङा गेय पाइब आ ङोंइती राप्‍शो बाक्‍त। मिनु सैतान मेको कली दोस गेचा कली आ ग्‍युरा गे राप्‍शो बाक्‍त। हाग्‍गै १:१; अय्‍युब १:९; प्रकाश १२:१०

मत्ती 5:23

मोपतीके गे परमप्रभु यावे कली मार मार चढ़ेचा सादीनीनु, सुइ गेपुकी नु गाइश्‍शो, चुरशो फ्रुक्‍तीनी हना,

मत्ती 6:12

आंइ मरिम्‍शो पशो क्‍याम्‍शा गेने। मारदे हना गो यो आंइ कली मरिम्‍शो पाइब आन कली माफ गेतक। मत्ती १८:२१-३५

मत्ती 6:5

परमप्रभु यावे कली प्रार्थना पनीनु, कपटीपुकीमी पशो खोदेंशो पा मपने। मेकोपुकीमी ग्रुम्‍तीक खिंमी, लांमी मुर आन कुल राप्‍शा कोव़पांइसीशा, प्रार्थना पाइनीम। नोफा दाइश्‍शा नेनीने, मेको आन तचा ङा इनाम मारेइ मबाक्‍ब।

लूका 18:11

फरिसीमी मुर नेल्‍ल आन कली तपांइसीशा, चढ़ेतीक आ नेक्‍था राप्‍शा ‘परमप्रभु यावे, गे रिम्‍शो पाइब बाक्‍नीनी। मारदे हना गो अरु मुर खोदेंशो पा मुर आन मार मार रोइक्‍ब मनङ। गो जोल पाइब यो मनङ। मीश वोंइश आस नाता ख्रोइक्‍ब मनङ। मेरे तिरो पोक्‍ब खोदेंशो पापी मनङ। यसैया ५८:२-३

लूका 18:13

तिरो पोक्‍ब चहिं हारे बाक्‍शा, शुर खुक्‍शा ‘परमप्रभु यावे, गो पापी नङ। शिशी पाइयीनी’ दे प्रार्थना पवा बाक्‍त। भजन संग्रह ५१:१३,१९

लूका 6:37

मिनु येसुमी “मुर आन कली मनाक्‍तीने। मिनु इन कली मनाक्‍नीम। दोस मगेने। मिनु गे यो दोस मताइनीनी। माफ गेने, मिनु गे यो माफ गेचा पुंइसीनीनी। मत्ती ६:१४

एफिसी 4:32

मिनु रिम्‍शो पा कोव़मुने। दोपा परमप्रभु यावेमी ख्रीस्‍त मिम्‍शा, इन कली माफ गेवा, मोपा गेपुकी यो माफ गेमुने। मत्ती ६:१४; मत्ती १८:२२-३५; कलस्‍सी ३:१३

कलस्‍सी 3:13

का निक्‍शीमी दोस गेचा पुंइसाक्‍म हना, फाल्‍मुशा, माफ गेमुशा बाक्‍कीन। प्रभुमी दोपा इन कली माफ गेवा, मोपा माफ गेमुने। एफिसी ४:२; मत्ती ६:१४; एफिसी ४:३२

याकूब 2:13

शिशी मपाइबपुकीमी निसाफ पची नाक्‍त शिशी मताइनीम। निसाफ क्‍येङा शिशी ठेयब बाक्‍ब। मत्ती ५:७; मत्ती १८:३०,३४; मत्ती २५:४०,४६

प्रकाश 11:4

मिनु मेको सांकछी तेल रवा निक्‍शी नु दियारी निक्‍शी खोदेंशो दुम्‍शा, रागी ङा प्रभु आ ङोंइती बाक्‍नीस। जकरिया ४:३,११-१४