मर्कूस 10:40 - Sunuwar Bible

⁴⁰ तन्‍न आं ग्‍युरा पेरा गे बाक्‍चा गेचा चहिं आं गुइमी ममाइ। परमप्रभु यावेमी योव़चा पुंइसीशो मुर ला मेकेर बाक्‍चा ताइनीम” दे माइक्‍सी बाक्‍त।

मर्कूस 10:40 ပူးပေါင်းရင်းမြစ်များ

मत्ती 13:11

मिनु येसुमी “इन कली स्‍वर्ग ङा राज्‍य आ पर्बम ख्रुइश्‍शो लोव़ रुप्‍तीक थुं गेशो बाक्‍त। तन्‍न मेको आन कली मगेमी बाक्‍त। १कोरिन्‍थी २:१०

मत्ती 20:23

मिनु येसुमी “थमा आं कचौराम तूनीसी। तन्‍न आं ग्‍युरा पेरा गे बाक्‍चा गेचा आं गुइमी ममाइ। आं आफोमी योव़शो आन कली बाक्‍ब” दे माइक्‍तीम्‍सी। प्रेरित १२:२; प्रकाश १:९

मत्ती 25:34

मिनु पिपमी आ ग्‍युरा गे राप्‍शो आन कली ‘आं आफ आ आसीक तशोपुकी, आं नेक्‍थान जाक्‍कीने। रागी सेल्‍चा ङोंइती एको राज्‍य इन कली सेल्‍शा वोइश्‍शो बाक्‍त। मुल बाक्‍कीने।

यूहन्‍ना 17:2

गे आं कली मुर नेल्‍ल आन कली अधिकार पचा गेतीनी। मिनु आं कली गेशो मुर नेल्‍ल आन कली गेना हना यो ब्रोंइशा बाक्‍चा गेनुङमी। मत्ती ११:२७

यूहन्‍ना 17:24

आं आफ, आं कली गेशो मुरपुकी गो नु काथा बाक्‍मल, दे पुंइनुङ। गे रागी सेल्‍चा ङोंइती आं कली दाक्‍शा, इन सक्ति आं कली गेतीनी। मिनु मेकोपुकीमी यो आं सक्ति तामेक्‍ल। यूहन्‍ना १२:२६; हितोपदेस ८:२२-३१

प्रेरित 1:7

मिनु येसुमी “राज्‍य सेल्‍‍चा आं आफ आ गुइमी बाक्‍ब। मिनु गेना सेल्‍चा दाक्‍बा, मेना सेल्‍‍ब। मेको तुइक्‍चा यो ममाल्‍नीनी। मत्ती २४:३६

हिब्रू 11:16

तन्‍न ग्रूशा लशो रागी क्‍येङा रिम्‍शो बाक्‍तीके परमप्रभु यावेम गेब, दे तुइश्‍शा, परमप्रभु यावे गे लमा बाक्‍त। मिनु परमप्रभु यावे मेको आन परमप्रभु यावे दुम्‍चा मुने मपाइब। मेको आन कली बाक्‍तीके सहर का सेल्‍शा वोइश्‍शो बाक्‍ब।