मर्कूस 10:19 - Sunuwar Bible

¹⁹ परमप्रभु यावे आ अरेशो लोव़ तुइक्‍नेवे। मसाइक्‍चा, वोंइश मीश आस नाता मख्रोइक्‍चा, खुइ मपचा, सांकछी बाक्‍शोनु, जोल मपचा, हिंच कोंइशा मारेइ मरोइक्‍चा, आम आफ आस कली मान पचा, दे ब्रेक्‍शो बाक्‍ब” दे मदा बाक्‍त। प्रस्‍थान २०:१२-१७

मर्कूस 10:19 ပူးပေါင်းရင်းမြစ်များ

यसैया 8:20

गे शेंतीक नु अरेशो लोव़ आ पर्बम परमप्रभु कली हिल्‍लो पचा माल्‍नीनी। अरु लोव़ पाइब मुर काइ मरुप्‍ब बाक्‍नीम।

मर्कूस 10:18

मिनु येसुमी “मारदे आं कली रिम्‍शो मुर दे माइय्‍‍यी? सुइ रिम्‍शो मनमी। परमप्रभु यावे ला रिम्‍शो बाक्‍ब।

लूका 18:20

परमप्रभु यावेम ब्रेक्‍पाइश्‍शो लोव़ तुइक्‍नीनी ‘वोंइश मीश आस नाता मख्रोइक्‍चा, मसाइक्‍चा, खुइ मपचा, सांकछी बाक्‍शोनु जोल मपचा, आम आफ आस कली मान पचा’ ” दे मदा बाक्‍त। प्रस्‍थान २०:१२-१६

रोमी 13:9

मेको लोव़मी मार ब्रेक्‍शो बाक्‍ब देंशा हना “मीश वोंइश आस नाता मख्रोइक्‍चा, मुर मसाइक्‍चा, खुइ मपचा, मवाल्‍चा” अरु मपचा ङा गेय यो बाक्‍नीम। मिनु मार पा मेको लोव़ खाप्‍सीब देंशा हना, आंम कली दाक्‍शो खोदेंशो पा आंम नेक्‍था ङा आन कली दाक्‍शा, खाप्‍सीब। प्रस्‍थान २०:१३-१७; लेवी १९:१८

रोमी 3:20

मिनु अरेशो लोव़ पशा, सुइ ठीक मदुम्‍नीम। मारदे हना आ अरेशो लोव़ तुइश्‍शा, गो मरिम्‍शो पाइब बाक्‍नय, दे तुइक्‍नय। भजन संग्रह १४३:२; गलाती २:१६; रोमी ७:७

गलाती 4:21

गे रिती थिती पचा दाक्‍बपुकी, अरेशो लोव़मी मार ब्रेक्‍शो बाक्‍बा, मेको तुइक्‍नीनी?

गलाती 5:14

“आंम इ कली दाक्‍शो खोदेंशो पा, इ नेक्‍था बाक्‍ब आन कली यो दाक्‍तो” देंशो लोव़मी परमप्रभु यावे आ अरेशो लोव़ नेल्‍ल बाक्‍ब। लेवी १९:१८

१ थिस्‍सलोनिकी 4:6

सुइ वोंइश मुरुम आ लोक्‍ब कली मोदेंशो पा श्‍येत मगेवल। मारदे हना प्रभुमी मोदेंशो पाइब आन कली क्‍येक्‍क लेप्‍ब, दे ङोंइती रे इन कली शेंताक्‍क। लेवी १९:११

याकूब 2:11

परमप्रभु यावेमी “मीश वोंइश आस नाता मख्रोइक्‍चा” दे ब्रेक्‍शो बाक्‍ब। मिनु “मुर मसाइक्‍चा” दे यो ब्रेक्‍शो बाक्‍ब। तेल्‍लेम मपथु, तन्‍न मुर आन कली साइक्‍तीनी हना, गेपुकी परमप्रभु यावे आ अरेशो लोव़ मटीब पापी दुम्‍नीनी। प्रस्‍थान २०:१३-१४