मर्कूस 1:8 - Sunuwar Bible

⁸ गो इन कली ब्‍वाक्‍कुम ख्रुम्‍शा ग्रुंइताक्‍न्‍नी। मेकोमी चहिं इन कली परमप्रभु यावे आ सोक्‍तीमी ख्रुम्‍ब” दे मुर आन कली शेंना शेंन बाक्‍बाक्‍माक्‍त।

मर्कूस 1:8 ပူးပေါင်းရင်းမြစ်များ

हितोपदेस 1:23

गे आं हुइश्‍शो लोव़ नेनीन। आं मिम्‍शो इन कली देंनुङ। आं लोव़ इन कली तुइक्‍पाइक्‍नुङ।

यसैया 32:15

मिनु नोले परमप्रभु यावेमी आ सोक्‍ती इं तार मोइक्‍ब। मेना मुर मबाक्‍तीके गोरशो रागी ग्रेल्‍शो रू दुम्‍ब। मिनु मेको ग्रेल्‍शो रू ब्‍वाकी खोदेंशो दुम्‍ब। यसैया ४४:३; यसैया २९:१७

यसैया 44:3

मारदे हना गो सोव़शो रागी तारी ब्‍वाक्‍कु लुक्‍नुङ। सोव़शो खपीम खोला शाइक्‍पाइक्‍नुङ। गो इ चच युइ आन तारी आं सोक्‍त मोइक्‍नुङ। इ आल आन कली आसीक गेनुङ’। यसैया ३२:१५; योएल ३:१

योएल 2:28

मिनु नोले गो आं सोक्‍त मुर नेल्‍ल आन तार मोइक्‍नुङ। मिनु इन तमी तौपुकीमी आं लोव़ पाइनीम। इन खाल्‍पापुकीमी ङोमु ताइनीम। मिनु इन वोंइश आलपुकीमी आं कोंइशो ताइनीम। गन्‍ती ११:२९; यसैया ४४:३; इजीकीएल ३९:२९; तीतस ३:५-६

मत्ती 3:11

इन थुं लेत्‍‍चा कली इन कली ब्‍वाक्‍कुम ख्रुम्‍शा ग्रुंइनन्‍नी। गो ब्‍वाक्‍कुम ख्रुम्‍शा ग्रुंइब ला नङ। आं नोले जाक्‍ब चहिं आं क्‍येङा शुश सक्ति पाइश्‍शो ठेयब बाक्‍ब। गो मेको आ जु‍त्ता गुप्‍शा कुरचा लायो मशिरनुङ। मेकोमी इन कली परमप्रभु यावे आ सोक्‍तीमी ख्रुम्‍ब, मीमी यो हुम्‍ब। यूहन्‍ना १:२६,२७,३३; प्रेरित १:५; प्रेरित २:३-४

मर्कूस 1:7

मिनु मुर आन कली “आं नोले जाक्‍ब आं क्‍येङा सक्ति पाइश्‍शो बाक्‍ब। गो मेको आ ङोंइती बाप्‍शा, आ जुत्ता प्रुइक्‍चा लायो मशिरनुङ।

मर्कूस 1:9

मेना येसु गालील रागी ङा नासरथ सहर रे गाक्‍शा, यूहन्‍ना आ बाक्‍तीकेमी जाक्‍माक्‍त। मिनु यूहन्‍ना रे पा यर्दन खोलामी ब्‍वाक्‍कुम ख्रुम्‍शा ग्रुंइपांइसे बाक्‍त। लूका २:५१

लूका 3:16

यूहन्‍नामी मेको नेल्‍ल आन कली “गो इन कली ब्‍वाक्‍कुम ख्रुम्‍शा ग्रुंइनन्‍नी। आं नोले जाक्‍ब चहिं आं क्‍येङा ठेयब बाक्‍ब। गो मेको आ ङोंइती बाप्‍शा, आ जुत्ता प्रुइक्‍चा लायो मशिरनुङ। मेकोमी इन कली परमप्रभु यावे आ सोक्‍ती नु मीम ख्रुम्‍ब।

यूहन्‍ना 1:26

मिनु यूहन्‍नामी “इन दातेमी मुर का बाक्‍शो बाक्‍ब, मेको कली गे मतुइक्‍नीनी। लूका १७:२१

यूहन्‍ना 1:33

ङोंइती गो यो मेको कली मतुइक्‍ब बाक्‍ती। मिनु आं कली ब्‍वाक्‍कुमी ख्रुम्‍शा ग्रुंइतीक गेय पथ सोइक्‍बमी ‘तेको मुर तारी गेमी आं सोक्‍त जुक्‍शो ताइनेवे, मेको आं सोक्‍तीम ख्रुम्‍ब बाक्‍ब’ दे परमप्रभु यावेमी माइक्‍ती।

प्रेरित 1:5

इन कली ङोंइती मार मार देंङा, मेको लेंशा देंनुङ यूहन्‍नामी मुर आन कली ब्‍वाक्‍कुम खुम्‍शा ग्रुंइताक्‍व। इन कली चहिं परमप्रभु यावेमी आ सोक्‍तीम ख्रुम्‍ब। मेको दुम्‍चा कली शुश नाक्‍त मलीशो बाक्‍ब” दे शेंदीमी बाक्‍त। मत्ती ३:११

प्रेरित 10:45

पत्रुस नु काथा जाक्‍शो ख्रोइक्‍तीक चिनु ख्रोइश्‍शो थमा सुइक्‍ब यहूदीपुकीम अर्को रागी ङा मुर यो परमप्रभु यावे आ सोक्‍तीम ब्रीशो तशा छक लाक्‍मा बाक्‍त।

प्रेरित 2:17

‘परमप्रभु यावेमी रागी नुप्‍ची नाक्‍त मुर नेल्‍ल आन कली आं सोक्‍तीम प्रिंनुङमी। मिनु इन तमी तौपुकीमी आं लोव़ पाइनीम। ठिटापुकीमी आं कोंइशो ताइनीमी, खाल्‍पापुकीमी ङोमु ताइनीम।

प्रेरित 2:4

मिनु परमप्रभु यावे आ सोक्‍तीमी सोइश्‍शो आन कली प्रिंशा, मेको आन कली आन मतुइश्‍शो लोव़ पपाइक्‍मी बाक्‍त। प्रेरित ४:३१; प्रेरित १०:४४-४६

१ कोरिन्‍थी 12:13

परमप्रभु यावे आ सोक्‍तीम पतीके यहूदी, ग्रीक, वाइलीम वाइल, होव़प नु गो नेल्‍ल परमप्रभु यावे आ सोक्‍त ङा दुम्‍तय। गलाती ३:२८