मर्कूस 1:5 - Sunuwar Bible

⁵ मिनु यहूदीया रागी नु यरूसलेम सहर ङा मुर नेल्‍ल मेकेर जाक्‍शा, आन पाप शोव़शा, यूहन्‍ना रे पा यर्दन खोलाम ख्रुम्‍शा ग्रुंइचा पुंइसमा बाक्‍त।

मर्कूस 1:5 ပူးပေါင်းရင်းမြစ်များ

भजन संग्रह 32:5

मिनु “गो परमप्रभु यावे कली आं पाप शोव़नुङ” देंशा, गो आं मरिम्‍शो पशो इन ङोंइती मख्रुइक्‍तु। मिनु गे आं मरिम्‍शो पशो क्‍याम्‍ताक्‍नी। ठेयब सेंदा पा।

हितोपदेस 28:13

सुमी आंम पशो मरिम्‍शो पतीके ख्रुइक्‍बा, मेको सोशो बोशो मदुम्‍ब। तन्‍न सुमी आंम पशो मरिम्‍शो शोव़बा नु प्रोंइबा, मेको शिशी ताइब। भजन संग्रह ३२:३-५; १यूहन्‍ना १:८-९

मत्ती 4:25

मिनु गालील, डेकापोलीस, यरूसलेम, यहूदीया रागी नु यर्दन खोला आइक्‍ची हांबु ङा शुश मुरुमी येसु आ नोले खोदमे बाक्‍त।

मर्कूस 1:4

ब्‍वाक्‍कुम ख्रुम्‍शा ग्रुंइब यूहन्‍ना गोरशो रागीम ग्रूशा, मुर आन कली “इन पाप क्‍याम्‍चा कली इन थुं परमप्रभु यावे गे लेत्‍तीने। आंइ थुं लेत्‍ताक्‍क दे कोंइचा कली ब्‍वाक्‍कुम ख्रुम्‍शा ग्रुंइपांइसीने” दे लोव़ पाइक्बाक्‍माक्‍त।

मर्कूस 1:6

यूहन्‍नामी दलओंठ आ चां के प्रोव़शो वा फेक्‍बाक्‍माक्‍त। कुशुल के किप्‍शुर किप्‍बाक्‍माक्‍त। मिनु सल्‍हा माले ब्‍वशा नु रोका खुदो जशा बाक्‍बाक्‍माक्‍त।

यूहन्‍ना 1:28

मेना यूहन्‍नामी यर्दन खोला आइक्‍ची हांबु बेथानी गाउंमी मुर आन कली ब्‍वाक्‍कुमी ख्रुम्‍शा ग्रुंइतीक गेय पना पन बाक्‍त।

यूहन्‍ना 3:23

यूहन्‍नामी यो सालीम सहर आ नेक्‍था एनोन बाक्‍तीक ङा शुश ब्‍वाक्‍कु बाक्‍तीकेमी ब्‍वाक्‍कुमी ख्रुम्‍शा ग्रुंइतीक गेय पशो बाक्‍त। शुश मुर जाक्‍शा, ब्‍वाक्‍कुम ख्रुम्‍शा ग्रुंइचा पुंइसाक्‍म।

यूहन्‍ना 5:35

यूहन्‍ना छेङछेङ पा ब्रशो बत्ती खोदेंशो बाक्‍त। गे मेको आ हाम्‍सोमी ग्‍येरशा बाक्‍चा दाक्‍ताक्‍नी।

प्रेरित 19:18

मिनु येसु कली थमा सुइक्‍चा क्‍येङा ङोंइती आन मन्‍तर तन्‍तर पशो आ पर्बम “मुल ङा मेरे मपाइनीकी” दे थमा सुइक्‍ब नेल्‍ल आन कली नेंपदमे बाक्‍त।

प्रेरित 2:38

पत्रुसमी “इन थुं परमप्रभु यावे गे लेश्‍शा, येसु कली थमा सुइश्‍शा, आ नेंमी ब्‍वाक्‍कुम ख्रुम्‍शा ग्रुंइपांइसीने। मिनु इन पाप क्‍याम्‍चा पुंइसीनीनी। परमप्रभु यावे आ सोक्‍तीम प्रिंचा यो पुंइसीनीनी। प्रेरित ३:१७-१९; लूका २४:४७

याकूब 5:16

मोपतीके रोइ सापाइक्‍चा कली इन पशो पाप शोव़मुशा, प्रभु नु लोव़ पमुने। ठीक थमा सुइक्‍ब आन पुंइशो लोव़मी ठेयब गेय पाइब। प्रेरित १२:५

यहोसु 7:19

मिनु यहोसुमी आकान कली “आं तौ, परमप्रभु यावे, इस्राएली आन परमप्रभु कली ठेयब सेलो। मार मार पवी, मेको कली देनो। इ पशो आं कली देनो। लोव़ का यो मख्रुइक्‍तो” देंत।