मर्कूस 1:39 - Sunuwar Bible

³⁹ मिनु गालील रागी नेल्‍ल हिरशा, ग्रुम्‍तीक खिंमी शेंबाक्‍माक्‍त। वोल आन कली खेरबाक्‍माक्‍त।

मर्कूस 1:39 ပူးပေါင်းရင်းမြစ်များ

मत्ती 4:23

मिनु गालील रागी तेइ तेइ हिरना हिरन लमानु, येसुमी ग्रुम्‍तीक खिंमी स्‍वर्ग ङा राज्‍य ङा ग्‍येरपाइक्‍ब लोव़ शेंना शेंन नु रोइ पशो नु रोइमी गुरशो मुर नेल्‍ल आन कली सापाइक्‍ना पाइक्‍न गाक्‍बाक्‍माक्‍त।

मत्ती 9:35

येसु गालील रागी ङा सहर गाउं नेल्‍ल हिरना हिरन ग्रुम्‍तीक खिंमी मुर आन कली स्‍वर्ग ङा राज्‍य ङा लोव़ शेंना शेंन, रोइमी गुरशो नु रोइ पशो मुर नेल्‍ल आन कली सापाइक्‍ना पाइक्‍न गाक्‍त।

मर्कूस 1:21

मिनु कापेरनाउम सहरम जाक्‍दीम्‍मा बाक्‍त। मिनु नाइक्‍तीक नाक्‍त येसुमी ग्रुम्‍तीक खिं लशा, मुर आन कली शेंदीमी बाक्‍त।

मर्कूस 1:23

मिनु मेको ग्रुम्‍तीक खिंमी ग्रांग्रा दिचा ङा वोलमी सुम्‍शो मुर का बाक्‍माक्‍त।

मर्कूस 1:38

मिनु येसुमी “मेकेर रे लशा, एर ओंथ गाउं सहर हिरशा लय। मारदे हना मेकेर यो शेंथ जाक्‍ती” देंमाक्‍त।

मर्कूस 3:1

मिनु येसु ग्रुम्‍तीक खिं लेंशा ओव़माक्‍त। मेकेर गुइ सोव़शो मुर का बाक्‍माक्‍त।

मर्कूस 6:6

मिनु “थमा मसुइय्‍‍यीमी बाक्‍त” दे तुइश्‍‍शा, छक लाक्‍माक्‍त। मिनु एर ओंथ ङा गाउं गाउंमी हिरशा, शेंना शेंन गाक्‍माक्‍त।

मर्कूस 7:30

मिनु आ खिं लेश्‍शा जाक्‍मेनु, वोल ग्रूशा, आल सेस दुम्‍शा इप्‍शो बाक्‍माक्‍त।

लूका 4:41

शुश मुर रे वोल ग्रुंइदा बाक्‍त। वोल आन कली ग्रुंइदानु, मेकोपुकीमी “परमप्रभु यावे आ तौ ननी” दे ग्रीमा बाक्‍त। तन्‍न येसुमी मेको आन कली लोव़ पचा मगेथु, हुइक्‍तीमी बाक्‍त। मारदे हना मेकोपुकीम “ख्रीस्‍त बाक्ब” दे ङोंइती रे तुइश्‍शो बाक्‍मा बाक्‍त। मत्ती ८:२९; मर्कूस ३:११-१२