मर्कूस 1:26 - Sunuwar Bible

²⁶ मिनु ग्रांग्रा दिचा ङा वोलमी मुर कली दिङ खोल्‍शा, वाइ ब्रेश्‍शा ग्रूमाक्‍त।

मर्कूस 1:26 ပူးပေါင်းရင်းမြစ်များ

मर्कूस 1:25

मिनु येसुमी वोल कली “सिक्‍सी पावो। मिनु ग्रूङो” दे हुइक्‍ता बाक्‍त। मर्कूस ९:२६

मर्कूस 1:27

मोदुम्‍शो तशा, मुरपुकी छक लाक्‍शा “मार बाक्‍म माइ? नक शेंतीक लोव़ बाक्‍म कोर में? अधिकार पाइश्‍शो लोव़ पवानु, ग्रांग्रा दिचा ङा वोलम लायो टीबाक्‍तेक्‍म” देंमुमा बाक्‍त।

मर्कूस 9:20

मिनु वोंइश आल कली येसु आ ङोंइती चाक्‍ग्‍मे बाक्‍त। मिनु वोलमी येसु कली तवानु, आल तिङ गोल्‍शा, रोम्‍सीशा, आ शोव़ रे बो‍ग्‍यो ग्रुंइदा बाक्‍त।

मर्कूस 9:26

मिनु वोल वाइ ब्रेश्‍शा, आल कली रोप्‍पाइश्‍शा ग्रूमाक्‍त। मिनु आल बेक्‍शो खोदेंशो दुम्‍माक्‍त। मुरपुकीमी “बेक्‍त” देंमा बाक्‍त। मर्कूस १:२६

लूका 11:22

तन्‍न मेको क्‍येङा यो बोल्‍यो अर्को का जाक्‍त हना ला, मेको आ या नेल्‍ल रोइश्‍शा, ग्राशा, शोंप नेल्‍ल आंम के सेल्‍ब। कलस्‍सी २:१५; १यूहन्‍ना ४:४

लूका 9:39

मेको कली वोलम हो हु सुमानु, वाइ ब्रेश्‍शा, शोव़ रे बो‍ग्‍यो ग्रुंइशा, ख्रिंख्रि पना पन मोल मोल थाइब।

लूका 9:42

मिनु चाक्‍गानु, वोलम मेको वोंइश आल कली खोल्‍शा रोप्‍से पा, शोव़ रे बोग्‍यो ग्रुंइपदा बाक्‍त। मिनु येसुमी ग्रांग्रा दिचा ङा वोल कली हुइश्‍शा, वोंइश आल कली सापाइश्‍शा, आ आफ कली गेवा बाक्‍त। लूका ७:१५