मर्कूस 1:21 - Sunuwar Bible

²¹ मिनु कापेरनाउम सहरम जाक्‍दीम्‍मा बाक्‍त। मिनु नाइक्‍तीक नाक्‍त येसुमी ग्रुम्‍तीक खिं लशा, मुर आन कली शेंदीमी बाक्‍त।

मर्कूस 1:21 ပူးပေါင်းရင်းမြစ်များ

मत्ती 4:13

मिनु नासरथ रे लशा ङा मिन, जबूलून नु नाप्‍ताली रागी ङा समुन्‍द्र आ नेक्‍था ङा कापेरनाउम सहरम जाक्‍दीश्‍शा बाक्‍माक्‍त।

मत्ती 4:23

मिनु गालील रागी तेइ तेइ हिरना हिरन लमानु, येसुमी ग्रुम्‍तीक खिंमी स्‍वर्ग ङा राज्‍य ङा ग्‍येरपाइक्‍ब लोव़ शेंना शेंन नु रोइ पशो नु रोइमी गुरशो मुर नेल्‍ल आन कली सापाइक्‍ना पाइक्‍न गाक्‍बाक्‍माक्‍त।

मर्कूस 1:20

मिनु मेको आस कली यो ब्रेत्‍तीम्‍सी बाक्‍त। मिनु आस आफ जब्‍दी नु गेय पाइब आन कली प्रोंइशा, आ नोले खोदसे बाक्‍त।

मर्कूस 1:29

मिनु वोल कली ग्रुंइशा, येसु ग्रुम्‍तीक खिं रे सिमोन नु अन्‍द्रीयास वोबु आस खिंम जाक्‍दीम्‍माक्‍त। मिनु याकूब नु यूहन्‍ना यो येसु नु काथा बाक्‍सा बाक्‍त।

मर्कूस 1:33

सहर ङा मुर नेल्‍ल खिं ङा लाप्‍चो आ ङोंइती खुम्‍समा बाक्‍त।

मर्कूस 1:39

मिनु गालील रागी नेल्‍ल हिरशा, ग्रुम्‍तीक खिंमी शेंबाक्‍माक्‍त। वोल आन कली खेरबाक्‍माक्‍त।

मर्कूस 10:1

मिनु मेकेर रे लशा, यहूदीया रागी नु यर्दन खोला आइक्‍ची हांबु जाक्‍दीम्‍मा बाक्‍त। मिनु लेंशा शुश मुर देल्‍मा बाक्‍त। मिनु तेइ तेइ गाक्‍शा, दोपा शेंदा, मोपा मेको आन कली यो शेंदा बाक्‍त।

मर्कूस 2:1

नाक्‍त का निक्‍शी नोले कापेरनाउम लेम्‍माक्‍त। मिनु मुरपुकीमी “येसु खिंमी बाक्‍ब” दे तुइक्‍तमे बाक्‍त।

मर्कूस 3:1

मिनु येसु ग्रुम्‍तीक खिं लेंशा ओव़माक्‍त। मेकेर गुइ सोव़शो मुर का बाक्‍माक्‍त।

मर्कूस 6:2

मिनु नाइक्‍तीक नाक्‍त ग्रुम्‍तीक खिं लशा, मुर आन कली शेंचा गोवा बाक्‍त। मिनु आ शेंशो नेंब शुशेमी छक लाक्‍शा “मेकोमी ओदेंशो शेंचा ते रे शेंसे माइ? ओदेंशो निप्‍स पाइश्‍शो लोव़ पचा दोपा जोक्‍गा? मेको आ गुइ रे दोदेंशो सक्ति पाइश्‍शो गेय दुम्‍मे? यूहन्‍ना ७:१५

लूका 10:15

ए कापेरनाउम, मार गे स्‍वर्ग सम्‍म क्‍युक्‍सीनेवे ङा? ममाइ, बेक्‍शो आन बाक्‍तीक तोक्‍चा पुंइसीनेवे।

लूका 13:10

काबु नाइक्‍तीक नाक्‍ती ग्रुम्‍तीक खिंमी मुर आन कली शेंदीमी बाक्‍त। लूका ६:६-११

लूका 4:16

मोपा हिरना हिरन गाक्‍मेनु, काबु आ कोल्‍तीक नासरथ सहरम जाक्‍दीम्‍माक्‍त। आल रेन नाइक्‍तीक नाक्‍ती ग्रुम्‍तीक खिं लशो खोदेंशो पा, ग्रुम्‍तीक खिं लशा, परमप्रभु यावे आ लोव़ पढेचा कली राम्‍माक्‍त।

लूका 4:23

मिनु येसुमी मेको आन कली “गे इच्‍ची ना आं कली ‘मुर आन कली सापाइक्‍ब, गे इ कली यो सापतो’ देंतीक लोव़ देंनीनी। मिनु ‘गो कापेरनाउम सहरम चिन्‍ड नु छक लाक्‍चा ङा गेय पशो नेंतक। मुल इ कोल्‍तीक सहरम, एकेर यो मोदेंशो पावो’ दे आं कली देंनीनी” देंमाक्‍त।

प्रेरित 17:2

पावल हिरशा गाक्‍मेनु, सहर सहर ङा यहूदी आन ग्रुम्‍तीक खिं खिं ओव़शा शेंबाक्‍माक्‍त। मोपा थिस्‍सलोनीकी सहरमी यो ग्रुम्‍तीक खिं लशा, शेंचा गोवा बाक्‍त।

प्रेरित 18:4

नाइक्‍तीक नाक्‍ती पावल यहूदी आन ग्रुम्‍तीक खिं लशा, यहूदी नु ग्रीक नेल्‍ल आन कली ख्रीस्‍त आ पर्बम रुप्‍पदुमी, दे शेंबाक्‍माक्‍त।