मर्कूस 1:13 - Sunuwar Bible

¹³ मिनु गोरशो रागीम ४० नाक्‍त सम्‍म बाक्‍माक्‍त। मेकेर बाक्‍मेनु, सैतान रे पा थुं थाम्‍चा पुंइसे बाक्‍त। मेको गोरशो रागी ङा जन्‍तुपुकी नु बाक्‍माक्‍त। परमप्रभु यावे आ स्‍वर्ग ङा गेय पाइबपुकीमी मेको कली वारच पामे बाक्‍त।

मर्कूस 1:13 ပူးပေါင်းရင်းမြစ်များ

प्रस्‍थान 24:18

मिनु मोसा गोस्‍स आगा ओव़शा, डांडा ङोइश्‍शा, ४० नाक्‍दो नु ४० नाक्‍ती बाक्‍त। प्रस्‍थान ३४:२८

प्रस्‍थान 34:28

मिनु मोसा परमप्रभु यावे नु ४० नाक्‍दो नाक्‍ती बाक्‍‍त। मारेइ मजवो। ब्‍वाक्‍कु यो मतूङ। मिनु कबल ङा १० ओटा अरेशो लोव़ फुल्‍लुम ब्रेक्‍ताक्‍व। प्रस्‍थान २४:१८; मत्ती ४:२; प्रस्‍थान ३१:१८

मत्ती 26:53

आं आफ कली ‘आफ, इन स्‍वर्ग ङा गेय पाइब हजार हजार आन कली सोइश्‍शा, आं कली वारच पा प्रोंइपाइय्‍यीनी’ दे पुंइता हना, गिश हना यो सोइश्‍शा, आं कली प्रोंइपाइक्‍ब, दे मतुइक्‍नीनी? १२ खेयप ६ हजार स्‍वर्ग ङा गेय पाइब ब्रेक्‍शो बाक्‍ब। मत्ती ४:११

मत्ती 4:1

मिनु नोले सैतान रे पा थुं थाम्‍चा पुंइसीचा कली परमप्रभु यावे आ सोक्‍तीमी येसु कली गोरशो रागीमी चाक्‍दीदा बाक्‍त। हिब्रू ४:१५;

लूका 4:1

येसु परमप्रभु यावे आ सोक्‍तीम ब्रीशा, यर्दन खोला रे लशा, परमप्रभु यावे आ सोक्‍तीमी गोरशो रागीमी चाक्‍दीत्‍चा पुंइसे बाक्‍त।

ब्‍यवस्‍था 9:11

मिनु मेको ४० नाक्‍ती नाक्‍दो थुम्‍ची ना परमप्रभु यावेमी मेको कबल ङा लोव़ ब्रेक्‍शो फुल्‍लु निक्‍शी आं कली गेती।

ब्‍यवस्‍था 9:18

मिनु ङोंइती खोदेंशो पा, गो परमप्रभु यावे आ ङोंइती बाप्‍शा, ४० नाक्‍ती ४० नाक्‍दो शोब्‍ले मजङ, ब्‍वाक्‍कु यो मतूङु। इन पशो पाप आ पर्बम मोदेंशो पा बाक्‍ती। गे परमप्रभु यावे कली काइ मरिम्‍शो पा गाइक्‍पाइक्‍तीनी।

ब्‍यवस्‍था 9:25

मोपतीके परमप्रभु यावे आ ङोंइती गो ४० नाक्‍ती ४० नाक्‍दो सम्‍म बाप्‍शा बाक्‍ती। मारदे हना परमप्रभु यावेमी ‘गे इन कली क्‍याम्‍नुङ’ देंशो बाक्‍त। ब्‍यवस्‍था ९:१८

१ तिमोथी 3:16

इं परमप्रभु यावे कली थमा सुइक्‍तीके थम ख्रुइश्‍शो बाक्‍ब। मेको मार बाक्‍ब देंशा हना “मेको मुर दुम्‍शा, रागीमी जरमेसाक्‍व। परमप्रभु यावे आ सोक्‍तीमी ‘परमप्रभु यावे आ तौ बाक्‍ब’ दे सांकछी गेप्‍तु। परमप्रभु यावे आ स्‍वर्ग ङा गेय पाइबपुकीमी मेको कली ताम्‍तेक्‍म। आ नें मार बाक्‍बा, दे रागी रागी ङा मुर आन कली शेंताक्‍मे। रागी रागी ङा मुरपुकीम मेको कली थमा सुइक्‍तेक्‍म। मिनु मेको परमप्रभु यावे आ छेङछेङमी लाइक्‍चा पुंइसाक्‍व” देंशो बाक्‍ब। यूहन्‍ना १:१४; रोमी १:४; प्रेरित २८:२८; मर्कूस १६:१९; एफिसी १:२०-२१

हिब्रू 4:15

मारदे हना इं नेल्‍ल क्‍येङा ठेयब चढ़ेबमी इं चाप्‍तीक नु मचाप्‍तीक दोदेंशो बाक्‍बा, नेल्‍ल तुइक्‍ब। गोपुकी इं थुं थाम्‍चा पुंइसीशो खोदेंशो पा, आ यो थुं थाम्‍चा पुंइसाक्‍व। तन्‍न थुं थाम्‍चा पुंइसाक्‍व हना यो, पाप मपव। हिब्रू २:१८; यूहन्‍ना ८:४६