मीका 7:2 - Sunuwar Bible

² थमा सुइक्‍चा पुंइसीब मुर रागी रे जाम्‍शा लाम्‍तेक्‍म। मिनु गेना हना यो रिम्‍शो पाइब मुर मलीशो बाक्‍नीम। मुर नेल्‍ल मुर साइक्‍चा कली बाप्‍शा बाक्‍शो बाक्‍नीम। मुर नेल्‍लेमी ब्‍वारद दाइश्‍शा आंम लोक्‍ब कली साइक्‍चा माल्‍‍शो बाक्‍नीम।

मीका 7:2 ပူးပေါင်းရင်းမြစ်များ

भजन संग्रह 10:9

गुप्‍स ब्‍वाकीम बाप्‍शो खोदेंशो पा ख्रुइश्‍शा, प्रुङग आन कली रिम्‍नीम। प्रुङग आन कली आन ब्‍वारदम रेश्‍शा ग्‍याइक्‍नीम।

भजन संग्रह 12:1

परमप्रभु यावे, वारच पाइक्‍की। इन लां खोइक्‍ब जाम्‍शा लाम्‍तेक्‍म। मुर आन दातेमी इन कली थमा सुइक्‍बपुकी यो मबाक्‍नीम।

भजन संग्रह 12:2

नेल्‍लेमी आन नेक्‍था ङा मुर नु जोल ला पमुइनीम। चिप्‍लो लोव़ पाइब थुं निक्‍शी पाइश्‍शो ला बाक्‍नीम।

भजन संग्रह 57:6

मेकोपुकीमी आं खोइली रेप्‍पाइक्‍चा कली ब्‍वारद दाइक्‍ताक्‍म। गो श्‍येत जशा गुर ब्‍वेशो बाक्‍नुङ। मेकोपुकीमी आं लांम खाल्‍टा दोम्‍तेक्‍म। तन्‍न मेकोपुकी मेकेर आंमा बिक्‍तेक्‍म। ठेयब सेंदा पा।

हितोपदेस 1:11

मेकोपुकीमी “पिवो, मुर साइक्‍चा कली बाप्‍शा बाक्‍य। रिम्‍शो पाइब कली बाप्‍शा,

हितोपदेस 12:6

परमप्रभु यावे आ अरेशो मटीब आन लोव़ मुर साइक्‍तीक बाक्‍ब। तन्‍न रिम्‍शो थुं पाइश्‍शो मुर आन लोव़मी मेको आन कली प्रोंइब।

यसैया 3:5

मिनु मुरपुकी दिप्‍चा पुंइसीनीम। दिम्‍मुइनीम। आन नेक्‍था ङा मुर आन कली दिप्‍नीम। आलपुकीमी खाल्‍पी खाल्‍पा आन कली मान मपाइनीम। महिक्‍सीशो मुरपुकीमी ठेयब मुर आन कली मान मपाइनीम।

यसैया 57:1

ठीक पाइब बेक्‍नीम। सुइमी मेको आन पर्बम सुर्ता मपाइनीम। परमप्रभु यावे कली मप्रोंइथु, दाक्‍बपुकी लाइक्‍चा पुंइसीनीम। मारदे मो पाइनीमी, मेको सुइमी मरुप्‍नीम। ठीक पाइब हिंचा ङा श्‍येत दुम्‍चा क्‍येङा ङोंइती लाइक्‍चा पुंइसीनीम। मीका ७:२

यसैया 59:7

मेकोपुकी मरिम्‍शो पचा कली ला दोरनीम। दोस मताइब आन कली साइक्‍चा कली चुइक्‍नीम। मेको आन मिम्‍शो मरिम्‍शो बाक्‍ब। आन लांमी बिग्रेतीक नु खतम पोक्‍तीक बाक्‍ब। रोमी ३:१५-१७; हितोपदेस १:१६; येरमीया २:३४

यसैया 9:19

मुर नेल्‍ल आन परमप्रभु यावे आ गाइश्‍शोमी रागी नेल्‍ल ग्रोइश्‍शो बाक्‍ब। मिनु मुरपुकी चोतीक शी खोदेंशो दुम्‍तेक्‍म। सुइम सुइ आन कली वारच मपामे।

येरमीया 16:16

मुल गो शुश ग्‍याइल आप्‍ब आन कली ब्रेश्‍शा सोइक्‍नुङमी। मिनु मेकोपुकीमी मेको आन कली ग्‍याइक्‍नीम। नोले गो लेंशा शुश सिखारी आन कली ब्रेश्‍शा सोइक्‍नुङमी। मिनु मेकोपुकीमी, मेको आन कली तेकोइ डांडा नु तेकोइ पहाड नु सेरथे फुल्‍लु ङा का‍क्‍पे रे माल्‍शा ग्रुंइनीम।

येरमीया 5:16

मेको आन ब्रा कुरतीके रोक्‍शो तुरस खोदेंशो बाक्‍नीम। मेको मुर नेल्‍ल थम सक्ति पाइश्‍शो लडाइ पाइब बाक्‍नीम।

येरमीया 5:26

आं मुर आन दातेमी मरिम्‍शो पाइब मुर बाक्‍नीम। मेकोपुकी चिक्‍ब साइक्‍ब मुर खोदेंशो पा, बाप्‍शा बाक्‍शो बाक्‍नीम। मेकोपुकीम मुर आन कली ग्‍याइक्‍चा कली ब्‍वारद दाइक्‍नीम।

येरमीया 8:6

गो, आं नोफा दाइश्‍शा नेंनुनु, मेकोपुकीम आं कली ठीक लोव़ मपाइनीम। आन मटिशो आ पर्बम माफ मपुंइनीम। मेकोपुकीमी ‘गो मरिम्‍शो पाता’ मदेंनीम। नेल्‍ल आन दला दाक्‍स पाइनीम। मेकोपुकी शारा खोदेंशो पा लडाइम दोरनीम।

बिलाप 4:18

मुरपुकीम आंइ नोले खोइक्‍तेक्‍म। मोपतीके गो आंइ लांमी गाक्‍ने मचाप्‍क। आंइ बेक्‍‍तीक नाक्‍ती जाक्‍त। आंइ नाक्‍त नुप्‍शो बाक्‍तेक्‍म। गो बेक्‍चा चिक्‍तक।

इजीकीएल 22:12

मेकेर मुरपुकीम मुर साइक्‍चा कली घूस ताक्‍नीम। गे मुर आन कली जेर गेशा आ चाइक्‍ब के यो चाइक्‍ब ताक्‍नेवे। आंम नेक्‍था ङा मुर आन कली दिप्‍शा आंम कली रिम्‍शो दुम्‍तीक गेय पाइनेवे। गे आं कली प्रेंताक्‍यी” ’ दे परमप्रभु, परमप्रभु यावेमी” देंत। प्रस्‍थान २२:२४

इजीकीएल 24:6

मोपतीके ‘आबी आबी, एको हुश ख्राक्‍श पोक्‍ब सहर, मेको आ खिया ग्‍योंब आगाम बाक्‍ब। मेको आ खिया मेकेर रे मलशो बाक्‍ब। मेको कली फेन्‍टे मआप्‍थु, श्‍येत्‍थ पोक्‍कीन। इजीकीएल २२:२; नहुम ३:१

होसे 5:1

मिनु परमप्रभुमी “चढ़ेबपुकी, एको लोव़ नेनीन। इस्राएलीपुकी इन नोफा दाइश्‍शा नेनीन। पिप आ खिं ङा मुरपुकी, नेनीन। एको निसाफ इन मरिम्‍शो पशो आ पर्बम बाक्‍ब। गेपुकी मिस्‍पा सहरमी दाइश्‍शो ब्‍वारद नु ताबोर सहरमी ब्रशो ग्‍याइल खोदेंशो दुम्‍शो बाक्‍नीनी।

होसे 6:9

दोपा रोइक्‍बपुकी बाप्‍शा बाक्‍नीमी, मोपा चढ़ेबपुकी यो बुक्‍शा बाक्‍शो बाक्‍नीम। मेकोपुकीमी शेकेम लतीक लांमी मुर साइक्‍नीम। मेकोपुकीमी ठेयब मुने ङा गेय पाइनीम।

मीका 2:8

तन्‍न गे आं मुर आन ङोंइती जोरी सत्रु खोदेंशो दुम्‍शा बाक्‍नीनी। रिम्‍शो पाइब मुर आन फेक्‍तीक रोइश्‍शा लाइक्‍नीनी। लडाइ मदुम्‍शो बाक्‍ब, दे इन कली थमा सुइश्‍शा गाक्‍ब आन कली मोदेंशो पाइनीनी।

मीका 3:10

गेपुकीमी हुश शाइक्‍पाइश्‍शा सियोन कली सेल्‍नीनी। मिनु यरूसलेम कली मरिम्‍शो पतीकेम सेल्‍नीनी। हबकुक २:१२

मीका 3:2

गेपुकी रिम्‍शो पचा काइ मदाक्‍नीनी। मिनु मरिम्‍शो पतीक दाक्‍नीनी। गेपुकीमी आं मुर आन कुशुल उक्‍नीनी। मिनु मेको आन रुश रे आन श्‍ये रिक्‍‍नीनी।

जकरिया 11:6

मुल रे गो रागी ङा मुर आन कली शिशी मपाइ‍नुङ” दे परमप्रभु यावेमी देंत। मिनु परमप्रभुमी “गो नेल्‍ल आन कली आन नेक्‍था ङा मुर आन गुइमी नु आन पिप आन गुइमी गेनुङ। मिनु मेकोपुकीमी रागी कली खतम सेल्‍नीम। मेको आन गुइ रे सुइ आन कली मप्रोंइनुङमी।

प्रेरित 24:9

मेकेर बाक्‍ब यहूदीपुकीमी यो “एको लोव़ थमा बाक्‍ब” दे निसाफ पाइब आ देंशो लोव़ थोक्‍शा देंमा बाक्‍त।

१ सामुएल 24:11

कोव़ङीन, आं आफ एको आं गुइम बाक्‍शो वा कोव़ङीन। गो एको रिक्‍ता, तन्‍न इन कली मसदु। मोपतीके गे रु‍पीन। गो इन कली श्‍येत गेचा नु साइक्‍चा ममिम्‍तु। गो इन कली मारेइ पाप मपङ। मो हना यो गे आं कली साइक्‍चा दाक्‍नीनी।

१ सामुएल 26:20

मोपतीके परमप्रभु यावे क्‍येङा ङोन आं हुश मशाइक्‍पतीन। मारदे हना इस्राएल ङा पिप चुक्‍बे का कली माल्‍थ ग्रूशो बाक्‍ब। मेको पहाडम थेल्‍मी सिखार ग्‍यारशो खोदेंशो दुम्‍त” दे सावल कली देंमाक्‍त।