मीका 7:1 - Sunuwar Bible

¹ गो दोदेंशो पा श्‍येत ज‍शो बाक्‍नुङा? गो फल सिश्‍शा नोले, अङगुर रू ङा सिला माल्‍ची नोले मारेइ जचा मताइनुङ। आं माल्‍शो ङोंइती मीशो फोव़शी यो मबाक्‍ब। भजन संग्रह १२:२; यसैया ५७:१

मीका 7:1 ပူးပေါင်းရင်းမြစ်များ

भजन संग्रह 120:5

गो श्‍ये‍त जाइब दुम्‍ती। गो मेशेक रागीम बाक्‍चा माल्‍नुङ। केदार आ ताम्‍बु आन दातेम बाक्‍चा माल्‍नुङ।

हितोपदेस 20:6

शुश मुरुमी “गो रिम्‍शो मुर नङ” दे अरु आन कली तुइक्‍पाइक्‍नीम। तन्‍न थमा सुइक्‍चा ङा मुर सु थिन्‍ने चाम्‍सीबा ङा?

यसैया 17:6

तेल रवा हिक्‍शा गेडा नेल्‍ल तोक्‍शा यो का निक्‍शी लीशो खोदेंशो पा, मेको आ ङल नु राशीमी का निक्‍शी ला लीनीम” दे परमप्रभु यावे, इस्राएली आन परमप्रभुमी देंत।

यसैया 24:13

मोदेंशो रागी नु रागी रागी ङा मुर आन कली दुम्‍चा माल्‍ब। तेल रवा आन फल थेप्‍शा नु अङगुर सेक्‍शा यो सीला लीशो खोदेंशो पा रागी नेल्‍ल मोदेंशो दुम्‍चा माल्‍ब।

यसैया 24:16

गो रागी आ सुर रे परमप्रभु कली ठेयब सेल्‍तीक कुम्‍सो पशो नेंतय। ठीक पाइब, परमप्रभु कली ठेयब सेल्‍तीक कुम्‍सो बाक्‍नीम। तन्‍न गो शुश श्‍येत जाइब दुम्‍ती। आबी, गो श्‍येत जाइब दुम्‍ती। मारदे हना दूली पाइबम, मुल सम्‍म दूली पाइनीम। मिनु मेको क्‍येङा यो दूली पाइनीम।

यसैया 28:4

मिनु मेको आ पिया ङा दारस, फू खोदेंशो पा बेक्‍ब। मेकेर ब्रोव़शो जाइब ला बाक्‍नीम। मेको नेल्‍ल क्‍येङा ङोंइती मीशो फोव़शी खोदेंशो बाक्‍नीम। सुम मेको ताइबा, मेकोम सेक्‍शा ब्‍वाइब।

यसैया 6:5

मिनु गो “आबी, मुल बेक्‍ब दुम्‍ती। मारदे हना गो मरिम्‍शो लोव़ पाइब बाक्‍ती। मिनु मरिम्‍शो लोव़ पाइब आन दातेमी बाक्‍शो बाक्‍नुङ। मो हना यो गो मुर नेल्‍ल आन परमप्रभु यावे, पिप कली ताता” देंती। प्रस्‍थान ३३:२०

येरमीया 15:10

आं ममा, मारदे आं कली जरमेनी। गो आं कली रागी नेल्‍लेम सुइ सुइम जिचा पोक्‍शा, गो नु सुइ मदुइनीम। गो मेको आन कली ना जेर गेशो बाक्‍नुङा, ना मेको आन रे जेर ज‍शो बाक्‍नुङा। मो हना यो मुर नेल्‍लेम आं कली सराप पाइनीम। येरमीया २०:१४

येरमीया 24:2

मिनु डालो कामी ङोंइती ङा थम रिम्‍शो मीशो फोव़शी गेडा बाक्‍तेक्‍म। तन्‍न अर्को डालोम काइ मरिम्‍शो फोव़शी गेडा बाक्‍तेक्‍म। मेको जचा यो मदुम्‍चा ङा थम मरिम्‍शो बाक्‍तेक्‍म।

येरमीया 4:31

गो सुत्‍केरी रोइ पशो मीश मुर आ सेंदा खोदेंशो नेंता। मेको ङोंइती ङा आल थिचा चिक्‍शो मीश मुर आ सेंदा खोदेंशो बाक्‍त। सियोन आ तमीमी आ गुइ दिंशा आ सास कीशा ‘आबी, आं कली साइक्‍ब आन ङोंइती थाइनुङ’ देंत” दे परमप्रभु देंत।

येरमीया 45:3

गे “आबी, आबी, आं कली मार दुम्‍बा। परमप्रभु यावेमी आं श्‍येतम सुर्ता पतीक तेम्‍ताक्‍व। गो हुकयी पना पन दती। गो तेइ नाइक्‍चा मतङ” देंते।

येरमीया 5:1

परमप्रभुमी “यरूसलेम ङा लां आ एर ओंथ कोव़शा गाक्‍को। नेल्‍ल कोव़शा इ तशो नेल्‍ल ब्रेक्‍तो। आ लाङगा मेर माल्‍शा कोव़ङो। मिनु मेकेर ठीक गेय पाइब नु थमा लोव़ माल्‍ब मुर का यो थित्‍तीवी हना, गो यरूसलेम कली माफ गेनुङ। उत्‍पत्ती १८:२२-३२

होसे 9:10

दोदेंशो पा गोरशो रागीमी अङगुर थित्‍नीमी, मोदेंशो पा गो इस्राएल कली थित्‍ता। फोव़शी रवामी नेल्‍ल क्‍येङा ङोंइती ङा फोव़शी फल सिश्‍शो खोदेंशो पा गो इन किकी पिपी आन कली थित्‍तामी। तन्‍न मेकोपुकी बाल-पेओर गे लाम्‍तेक्‍म। मिनु मेकोपुकी आंम कली बाल कली जिम्‍मा गेसाक्‍म। मिनु मेको आन दाक्‍शो मूर्ति खोदेंशो पा ग्रांग्रा दित्‍चा ङा दुम्‍तेक्‍म। ब्‍यवस्‍था ३२:१०; गन्‍ती २५:३

गन्‍ती 18:13

मेकोपुकीमी परमप्रभु यावे कली चढ़ेथ चाक्‍शो आन ङोंइती मीशो फल फुल नेल्‍ल इं केन दुम्‍ब। इ खिंमी ग्रांग्रा मदिशो बाक्‍शो मुर नेल्‍लेमी मेको जने चाप्‍नीम। प्रस्‍थान २३:१९; ब्‍यवस्‍था १८:३-४